ରାଉରକେଲାରେ ଗୋଷ୍ଠୀ ସଂଘର୍ଷ: ୭ ଜଣ ଅଟକ, ୫ ପ୍ଲାଟୁନ ପୋଲିସ ମୁତୟନ
Khabar Odisha:Crime-Rourkela-Two-injured-in-group-clash-in-Rourkelas-Udit-Nagar-7-detained-and-5-platoon-of-police-deploy

ରାଉରକେଲା, ସେପ୍ଟେମ୍ବର ୨୫ (ଖବର ଓଡ଼ିଶା): ଇସ୍ପାତ ସହର ରାଉରକେଲାରେ ଗୁରୁବାର ରାତି ଗୋଷ୍ଠୀ ସଂଘର୍ଷ ହୋଇଛି । ଗୁଳିମାଡ଼ରେ ଜଣେ ଯୁବକ ଗୁରୁତର ଓ ଅନ୍ୟ ଜଣେ ଆହତ ହୋଇଥିବା ସୂଚନା ମିଳିଛି । ମାଲଗୋଦାମ ବସ୍ତିରେ ହୋଇଥିବା ଏହି ଗୋଷ୍ଠୀ ସଂଘର୍ଷରେ ରୋହିତ ପଟ୍ଟନାୟକ ନାମକ ଜଣେ ବ୍ୟକ୍ତିଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ପୋଲିସ ୭ ଜଣକୁ ଅଟକ ରଖି ପଚରାଉଚରା କରୁଛି । ତେବେ ପରିସ୍ଥିତିକୁ ଦୃଷ୍ଟିରେ ରଖି ୫ ପ୍ଲାଟୁନ ପୋଲିସ ମୁତୟନ କରାଯାଇଛି । 

ସୂଚନା ଅନୁସାରେ ଉଦିତ ନଗର ଥାନା ଅଂଚଳରେ ଥିବା ମାଲଗୋଦାମ ବସ୍ତିରେ ଗତକାଲି ରାତିରେ ପୂର୍ବ ଶତ୍ରୁତାକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ ହୋଇଥିଲା । ମାଲଗୋଦାମ ବସ୍ତି ଓ ମୁସଲିମ ବସ୍ତିର ଯୁବକଙ୍କ ମଧ୍ୟରେ ଏହି ଗଣ୍ଡଗୋଳ ହୋଇଥିଲା । ଏଥିରେ ଗୋଟିଏ ଗୋଷ୍ଠୀର ଲୋକେ ଗୁଳିମାଡ଼ କରିଥିଲେ, ଯାହା ଫଳରେ ରୋହିତ ଗୁରୁତର ହୋଇଥିଲେ । ତାଙ୍କୁ ରାଉରକେଲା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଗୁଳିକାଣ୍ଡ ପରେ ଫେରାର ଅଭିଯୁକ୍ତଙ୍କୁ ଗିରଫ କରିବା ପାଇଁ ସ୍ଥାନୀୟ ଅଂଚଳରେ ଉତ୍ତେଜନା ପ୍ରକାଶ ପାଇଥିଲା । ସୂଚନା ପାଇ ପୋଲିସ ଘଟଣାସ୍ଥଳରେ ପହଂଚିଥିଲା । କିନ୍ତୁ ଶାନ୍ତି ଶୃଙ୍ଖଳାକୁ ନିୟନ୍ତ୍ରଣକୁ ଆଣିବା ପାଇଁ ୫ ପ୍ଲାଟୁନ ପୋଲିସ ମୁତୟନ କରାଯାଇଛି । 

 

  • Tags:

Subscribe

National International State Sports Entertainment