ନୂଆଦିଲ୍ଲୀ: ସେକ୍ଟର-୬୭ସ୍ଥିତ ଏକ କ୍ଲବରେ ମଦ୍ୟପାନ ପାର୍ଟି ବେଳେ ନିଶାକ୍ତ ଦ୍ରବ୍ୟ ଓ ଡ୍ରଗ୍ସ ବ୍ୟବହାର ନେଇ ସୂଚନା ମିଳିବା ପରେ କ୍ରାଇମ୍ ବ୍ରାଞ୍ଚ ଟିମ୍ ଘଟଣାସ୍ଥଳରେ ପହଞ୍ଚିଥିଲା। ସେଠାରେ ନାଇଜେରିଆ ଓ ଦକ୍ଷିଣ ଆଫ୍ରିକା ମୂଳ ନିବାସୀ ୬ରୁ ୭ ଜଣ ପୁଲିସ ଉପରେ ଆକ୍ରମଣ କରିଥିଲେ। ଉଦ୍ଧାର ପାଇଁ ସେକ୍ଟର-୬୫ ଥାନାର ଟମ୍ ପହଞ୍ଚି ଥିଲେ। ତେବେ ଘଟଣାସ୍ଥଳରୁ ଜଣେ ମହିଳା ସମେତ ୩ ବିଦେଶୀ ନାଗରିକଙ୍କୁ ପୁଲିସ ଗିରଫ କରିଛି। ଅନ୍ୟ ବିଦେଶୀ ନାଗରିକମାନେ ଘଟଣାସ୍ଥଳରୁ ଫେରାର ହୋଇଯାଇଛନ୍ତି। ଫେରାର ଅଭିଯୁକ୍ତମାନଙ୍କ ମଧ୍ୟରୁ ୨ ଜଣ ନାଇଜେରିଆ ହୋଇଥିବା ଜଣାପଡ଼ିଛି, ଯେଉଁମାନେ କୌଣସି କାମରେ ଗୁରୁଗ୍ରାମ ଆସିଥିଲେ। ଆକ୍ରମଣର ଶିକାର ହୋଇଥିବା ଜଣେ ପୁଲିସ କର୍ମଚାରୀଙ୍କ ହାତ ଭାଙ୍ଗିଛି। ଅନ୍ୟ ୨ ଜଣ ଆହତ ହୋଇଛନ୍ତି।
ସେକ୍ଟର-୩୯ କ୍ରାଇମ୍ ବ୍ରାଞ୍ଚର ଟିମ୍କୁ ସୋମବାର ରାତିରେ ସୂଚନା ମିଳିଥିଲା ଯେ, ସେକ୍ଟର-୬୭ର ଫ୍ଲାଇଂ-୭ କ୍ଲବରେ କିଛି ବିଦେଶୀ ନାଗରିକ ନିଶାକ୍ତ ଦ୍ରବ୍ୟ ବ୍ୟବହାର କରୁଛନ୍ତି। ଏହି ସୂଚନା ଆଧାରରେ କ୍ରାଇମ୍ ବ୍ରାଞ୍ଚର ଟିମ୍ ଘଟଣାସ୍ଥଳରେ ପହଞ୍ଚି ଥିଲା। ଏଠାରେ ଏକାଧିକ ବିଦେଶୀ ନାଗରିକଙ୍କୁ ଦେଖିଥିଲା। ପୁଲିସ ଟିମ୍ ଯେତେବେଳେ ସେମାନଙ୍କୁ ଯାଞ୍ଚ କଲେ, ସେମାନେ ଆକ୍ରମଣ କରିବାକୁ ବାହାରିଥିଲେ। ଅଭିଯୁକ୍ତମାନେ ଗୋଇଠା ମାରିଥିଲେ।
ଏନେଇ ସେକ୍ଟର-୬୫ ଥାନା ପୁଲିସକୁ ସୂଚନା ପ୍ରଦାନ କରାଯାଇଥିଲଶ। ସେକ୍ଟର-୬୫ ଥାନାର ସମସ୍ତ ଟିମ୍ ଘଟଣାସ୍ଥଳରେ ପହଞ୍ଚି ଥିଲେ। ସେଠାରୁ ୩ ବିଦେଶୀ ନାଗରିକଙ୍କୁ ଗିରଫ କରାଯାଇଛି। ଅନ୍ୟ ଅଭିଯୁକ୍ତମାନେ ଫେରାର ହୋଇଯାଇଥିଲେ। ପଳାୟନ କରିଥିବା ଅଭିଯୁକ୍ତମାନଙ୍କ ମଧ୍ୟରୁ ୨ ଜଣ ନାଇଜେରିଆର ନାଗରିକ ବୋଲି ଜଣାପଡ଼ିଛି। ସେମାନଙ୍କ ପାଖରେ ବେଆଇନ ନିଶା ସାମଗ୍ରୀ ଥିବା ଜଣାପଡ଼ିଛି।