ବରଗଡ଼: ଧନୁଯାତ୍ରା ଦେଖିବାକୁ ଯାଇ ଯୁବତୀ ନିଖୋଜ ହେବ ଓ ପରବର୍ତ୍ତୀ ସମୟରେ ଜଙ୍ଗଲରୁ ମୁର୍ମୁଷ ଅବସ୍ଥାରେ ଉଦ୍ଧାର ହେବା ଘଟଣାରେ ପୋଲିସକୁ ସଫଳତା ମିଳିଛି । ପୋଲିସ ୩ ଜଣ ଅଭିଯୁକ୍ତଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ ସର୍ଜନ ଡନସନ (୩୬), ଜୟକୃଷ୍ଣ ଡନସନା (୪୦) ଏବଂ ପ୍ରହ୍ଲାଦ ଦାଶ (୩୩) । ଗିରଫ ପରେ ସେମାନଙ୍କୁ କୋର୍ଟ ଚାଲାଣ କରାଯାଇଛି । ମୁଖ୍ୟ ଅଭିଯୁକ୍ତକୁ ଫେରାର କରିବାରେ ଓ ପ୍ରମାଣ ନଷ୍ଟ କରିବାରେ ଏହି ୩ ଜଣ ସହଯୋଗ କରିଥିବା ପୋଲିସ ସୂଚନା ଦେଇଛି । ଗିରଫ ପରେ ପୋଲିସ ସେମାନଙ୍କୁ କୋର୍ଟ ଚାଲାଣ କରାଯାଇଛି । ଘଟଣାର ମୁଖ୍ୟ ଅଭିଯକ୍ତ ଏବେବି ଫେରାର ରହିଛି । 

ଘଟଣା କ୍ରମ ଥିଲା ଏମିତି, ଗତ ଜାନୁୟାରୀ ୧୨ ତାରିଖରେ ଯୁବତୀ ଜଣକ ବରଗଡ଼ ଧନୁଯାତ୍ରା ଦେଖିବାକୁ ଯାଇ ଆଉ ଫେରି ନ ଥିଲେ । ଏ ନେଇ ପରିବାର ଲୋକ ଟାଉନ ଥାନାରେ ଅଭିଯୋଗ କରିଥିଲେ । ପୋଲିସ ବିଭିନ୍ନ ସ୍ଥାନରେ ଚଢ଼ାଉ କରି କୁର୍ଲା ଜଙ୍ଗଲରୁ ଯୁବତୀଙ୍କୁ ମୁର୍ମୁଷ ଅବସ୍ଥାରେ ଉଦ୍ଧାର କରି ମେଡ଼ିକାଲରେ ଭର୍ତ୍ତି କରିଥିଲା । ଅଭିଯୁକ୍ତଙ୍କୁ ତୁରନ୍ତ ଗିରଫ କରିବାକୁ ସାଧାରଣରେ ପ୍ରବଳ ଦାବି କରାଯାଇଥିଲା । ସ୍ଥାନୀୟ ବାସିନ୍ଦା ରାସ୍ତା ରୋକ ମଧ୍ୟ କରିଥିଲେ । ତେବେ ପୋଲିସ ବିଭିନ୍ନ ସ୍ଥାନରେ ସିସିଟିଭି ଫୁଟେଜକୁ ଯାଞ୍ଚ କରି ଅଭିଯୁକ୍ତକୁ ଚିହ୍ନଟ କରିଥିଲା ।