ଭୁବନେଶ୍ୱର: ଆଜିଠାରୁ ତିନି ଦିନ ବ୍ୟାପୀ ଭୁବନେଶ୍ୱରରେ ଆୟୋଜିତ ହେବାକୁ ଯାଉଛି ସର୍ବଭାରତୀୟ ଡିଜିପି ସମ୍ମିଳନୀ ଆରମ୍ଭ ହେବାକୁ ଯାଉଛି । ଏହାକୁ ନଜରରେ ରଖି ଭୁବନେଶ୍ୱରକୁ କଡ଼ା ସୁରକ୍ଷା ବଳୟ ମଧ୍ୟରେ ରଖାଯାଇଛି । ଏଥିପାଇଁ ଟ୍ରାଫିକ୍ କଟକଣା ମଧ୍ୟ ଜାରି ରହିଛି । ତେବେ ଏହି ସମୟରେ ମୋ ବସ୍ ସେବା ପ୍ରଭାବିତ ହେବାର ସମ୍ଭାବନା ରହିଛି । ୨୯ରୁ ୧ ତାରିଖ ପର୍ଯ୍ୟନ୍ତ ଭୁବନେଶ୍ୱରର କେତକ ନିର୍ଦ୍ଦିଷ୍ଟ ସ୍ଥାନରେ ମୋ ବସ୍ ସେବାକୁ ବନ୍ଦ ରଖାଯାଇଛି । 

ବହୁ ଭିଭିଆଇପିଙ୍କ ଗସ୍ତକୁ ଦୃଷ୍ଟିରେ ରଖି କେତେକ ରୁଟ୍ ରେ ଗଡ଼ିବ ନାହିଁ ମୋ ବସ୍ । ସେହି ବସ୍ ଗୁଡ଼ିକ ହେଲା- ୯, ୧୦, ୧୧, ୧୨, AE୧, AE୨, ୧୩, ୧୭, ୨୦, ୨୧, ୨୨A, ୨୩, ୨୫, ୨୬, ୨୭, ୨୮, ୩୦, ୩୧, ୩୨, ୩୬, ୩୭, ୩୮, ୩୯, ୪୦, ୪୪, ୪୬, ୪୭, ୬୪ ଏବଂ ୬୬ । 

ଜାଣନ୍ତୁ ଟ୍ରାଫିକ୍ କଟକଣା  

ବିଶେଷକରି ଏୟାରପୋର୍ଟ ଛକରୁ ପିଏମ୍‌ଜି ଛକ, ରାଜଭବନ ଛକ ମନା ।ରବୀନ୍ଦ୍ର ମଣ୍ଡପ ଛକରୁ ୧୨୦ ବାଟାଲିୟନ ଓ ଜୟଦେବ ବିହାର, ନାଲକୋ ଛକ ମନା। ଯେଉଁ ଦିନ ଯେଉଁ ସମୟରେ ଭିଭିଆଇପିଙ୍କ ଗସ୍ତ ରହିଛି, କଟକଣା ସେହି ଅନୁସାରେ ରହିବ। 

ଶୁକ୍ରବାର ଅପରାହ୍ନ ୧ଟାରୁ ୨ ଟା ମଧ୍ୟରେ ଏୟାରପୋର୍ଟ ଛକରୁ ଭାୟା ହସ୍ପିଟାଲ ଛକ ଓ ଏ. ଜି. ଛକ ରାସ୍ତାରେ ଯାନବାହାନ ମନା। 

ଅପରାହ୍ନ ୪ଟାରୁ ୫.୨୫ ମିନିଟ୍ ଏୟାରପୋର୍ଟ ଛକ- ହସ୍ପିଟାଲ ଛକ, ଏ. ଜି. ଛକ- ରାଜଭବନ ଛକ ରାସ୍ତାରେ ଯାନବାହାନ ମନା। 

ସନ୍ଧ୍ୟା ୬ରୁ ୬.୪୫ ପାୱାର ହାଉସ୍ ଛକ-ରାଜଭବନ ଏବଂ ଏ. ଜି. ଛକ- ରାଜଭବନ ଛକ ରାସ୍ତାରେ ଯାନବାହାନ ମନା।

ସନ୍ଧ୍ୟା ୭.୩୦ ରୁ ରାତି ୮.୨୦ ମିନିଟ୍ ଏ. ଜି. ଛକ- ରବିନ୍ଦ୍ର ମଣ୍ଡପ ଛକ-୧୨୦ ବି ଏନ୍ ଛକ- ଜୟଦେବ ବିହାର- ନାଲକୋ ଛକ ରାସ୍ତାରେ ଯାନବାହାନ ମନା। । 

ରାତି ୮ଟା ୨୫ ରୁ ୮.୫୦ ମିନିଟ୍ ରାଜଭବନ-ଏ. ଜି. ଛକ- ହାଉସିଂ ବୋର୍ଡ ଛକ-ରାମମନ୍ଦିର ଛକ - ମାଷ୍ଟର କ୍ୟାଣ୍ଟିନ ଛକ ରେ ଯାନବାହାନ ବନ୍ଦ ରହିବ । 

ସେହିପରି ଅନ୍ୟ ଦୁଇଦିନ ପାଇଁ ମଧ୍ୟ ସମୟ ଅନୁସାରେ କଟକଣା ଜାରି ହୋଇଛି।