LPG latest updates: ବୈଶ୍ଵିକ ଉତ୍ତେଜନା ମଧ୍ୟରେ ଭାରତର ଏଲପିଜି ଯୋଗାଣକୁ ନେଇ ଏକ ବଡ଼ ଚିନ୍ତା ସାମ୍ନାକୁ ଆସିଛି। ସରକାରଙ୍କ ଜଣେ ବରିଷ୍ଠ ଅଧିକାରୀଙ୍କ ମତରେ ସଂପ୍ରତି ସ୍ଥିତିରେ ଏଲପିଜିର ଯୋଗାଣ ଶୃଙ୍ଖଳ ସ୍ଵାଭାବିକ ହେବା ପାଇଁ ୩ରୁ ୪ ବର୍ଷ ପର୍ଯ୍ୟନ୍ତ ସମୟ ଲାଗିପାରେ। ଏହାର ସବୁଠୁ ବଡ଼ କାରଣ ମଧ୍ୟପ୍ରାଚ୍ୟରେ ଜାରି ଉତ୍ତେଜନା ଓ ହର୍ମୁଜ ପ୍ରଣାଳୀ ଅବରୋଧ ହେବା। ଯୁଦ୍ଧ ଓ ହମଲା କାରଣରୁ ଯୋଗାଣ ଶୃଙ୍ଖଳା ସାଂଘାତିକ ଭାବେ ପ୍ରଭାବିତ ହୋଇଛି। ଏଥିରେ ସମଗ୍ର ଦୁନିଆରେ ଉର୍ଜା ସଙ୍କଟ ଉତ୍ପନ କରିଛି।

୬୦ରୁ ୫୫ ପ୍ରତିଶତ ଆମଦାନୀ

ଭାରତ ନିଜର ମୋଟ୍ ଏଲପିଜି ଆବଶ୍ୟକତାର ପ୍ରାୟ ୬୦ ପ୍ରତିଶତ ଆମଦାନୀ କରିଥାଏ।  ଭାରତକୁ ଏଲପିଜି ଯୋଗାଣରେ ୟୁଏଇ, କତାର, ସାଉଦି ଆରବ ପରି ଦେଶର ଗୁରୁତ୍ଵପୂର୍ଣ୍ଣ ଭୂମିକା ରହିଛି। ମାତ୍ର ନିକଟ ଘଟଣାକ୍ରମ ପରେ ଏହି ଦେଶଗୁଡ଼ିକରୁ ଏଲପିଜି ଆମଦାନୀ ଅହେତୁକ ହ୍ରାସ ପାଇଛି। ମନିକଣ୍ଟ୍ରୋଲର ରିପୋର୍ଟ ଅନୁଯାୟୀ, ଏବେ ଉପସାଗରୀୟ ଦେଶଗୁଡ଼ିକରେ ଆମଦାନୀ ହ୍ରାସ ପାଇ ପାଖାପାଖି ୫୫ ପ୍ରତିଶତ ରହିଛି।  ଏହା ସ୍ପଷ୍ଟ ସଙ୍କେତ ଦେଉଛି ଯେ, ଭାରତକୁ ଏବେ ବିକଳ୍ପ ମାର୍ଗ ଖୋଜିବାକୁ ପଡ଼ିବ।

ଦେଶରେ ୧୫ ଦିନର ଏଲପିଜି ଷ୍ଟୋରେଜ

ଏହା ମଧ୍ୟରେ ସରକାରଙ୍କ ଫୋକସ ସାଧାରଣ ଲୋକ ପର୍ଯ୍ୟନ୍ତ ଏଲପିଜି ଯୋଗାଣ ବଜାୟ ରଖିବା ଉପରେ ରହିଛି। ଏଥିପାଇଁ କୋଭିଡ୍-୧୯ ସମୟରେ ଆପଣା ଯାଇଥିବା ଉପାୟ ପୁଣି ଥରେ ଲାଗୁ କରାଯାଇପାରେ। ଏଥିରେ ଯୋଗାଣ ଦିଗ  ପରିବର୍ତ୍ତନ, ନୂଆ ଦେଶଠୁ ଆମଦାନୀ, ଜାହାଜ ମାର୍ଗ ପରିବର୍ତ୍ତନ ଓ ଘରୋଇ ଉତ୍ପାଦନ ବଢାଇବା ସାମିଲ୍। ହେଲେ ଦେଶରେ ଏବେ ଏଲପିଜି ଷ୍ଟୋରେଜ କ୍ଷମତା ମାତ୍ର ୧୫ ଦିନ ରହିଛି, ଯାହା ଏକ ବଡ ଚ୍ୟାଲେଞ୍ଜ ରହି ଆସିଛି।