ନୂଆଦିଲ୍ଲୀ, ଅଗଷ୍ଟ ୩୦ (ଖବର ଓଡ଼ିଶା): ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ନିୟମ ଉଲ୍ଲଂଘନକାରୀ ବ୍ୟାଙ୍କ ଗୁଡ଼ିକ ଉପରେ କାର୍ଯ୍ୟାନୁଷ୍ଠାନ ନେଇଛି । ୮ଟି ସମବାୟ ବ୍ୟାଙ୍କ ଏହାର ଶିକାର ହୋଇଛନ୍ତି । ବିଶାଖାପାଟନମ ସମବାୟ ବ୍ୟାଙ୍କ ଉପରେ ଆରବିଆଇ ସର୍ବାଧିକ ୫୫ ଲକ୍ଷ ଟଙ୍କା ଜରିମାନା ଲଗାଇଛି । କେନ୍ଦ୍ରୀୟ ବ୍ୟାଙ୍କ ତରଫରୁ ଏକ ବୟାନ ଜାରି କରି କୁହାଯାଇଛି ଯେ, ୮ଟି ବ୍ୟାଙ୍କ ଉପରେ ଜରିମାନା ଲଗାଯାଇଛି । 

ରିଜର୍ଭ ବ୍ୟାଙ୍କ ଅନୁସାରେ ତାମିଲନାଡୁର କୈଳାଶପୁରମ, ତିରୁଚିରାପଲ୍ଲୀସ୍ଥିତ ଭାରତ ହେଭି ଇଲେକ୍ଟିକାଲ୍ସ ଏମ୍ପଲାଇଜ କୋ-ଅପରେଟିଭ ବ୍ୟାଙ୍କକୁ ୧୦ ଲକ୍ଷ ଟଙ୍କା ଲେଖାଏଁ ଜରିମାନା ଆଦେଶ ହୋଇଛି । ସେହିପରି କେରଳ ଓତ୍ତାପଲମ ସମବାୟ ଅର୍ବାନ ବ୍ୟାଙ୍କକୁ ୫ ଲକ୍ଷ ଟଙ୍କା ଓ ହାଇଦ୍ରାବାଦର ଦାରୁସଲାମ ସମବାୟ ବ୍ୟାଙ୍କୁ ୧୦ ଲକ୍ଷ ଟଙ୍କା ଜରିମାନା ହୋଇଛି । 

ସେହିପରି ଗାନ୍ଧିନଗରସ୍ଥିତ ନେଲ୍ଲୋର କୋ-ଅପରେଟିଭ ଅର୍ବାନ ବ୍ୟାଙ୍କ ଓ କାକୀନାଡା କୋ-ଅପରେଟିଭ ଟାଉନ ବ୍ୟାଙ୍କକୁ ୧୦-୧୦ ଲକ୍ଷ ଟଙ୍କା ଜରିମାନା ହୋଇଛି । ଓଡ଼ିଶାର କେନ୍ଦ୍ରାପଡ଼ା ଅର୍ବାନ କୋ-ଅପରେଟିଭ ବ୍ୟାଙ୍କକୁ ଏକ ଲକ୍ଷ, ଉତ୍ତରପ୍ରଦେଶର ପ୍ରତାପଗଡ଼ସ୍ଥିତ ନ୍ୟାଶନାଲ କୋ-ଅପରେଟିଭ ବ୍ୟାଙ୍କକୁ ୫ ଲକ୍ଷ ଟଙ୍କା ଟଙ୍କା ଜରିମାନା ହୋଇଛି । ଜରିମାନା ନିର୍ଦେଶ ହୋଇଥିବା ବ୍ୟାଙ୍କଗୁଡ଼ିକ ଆରବିଆଇ ଗାଇଡଲାଇନକୁ ଅଣଦେଖା କରୁଥିଲେ ।