ଶ୍ରାବଣ ପୂର୍ଣ୍ଣିମା ଏକ ସ୍ବତନ୍ତ୍ର ଦିନ। ପ୍ରତିବର୍ଷ ପୂରା ଦେଶରେ ଏହି ଦିନ ରକ୍ଷାବନ୍ଧନ ପର୍ବ ପାଳନ କରାଯାଏ। ଏହାସହ ଶ୍ରାବଣ ପୂର୍ଣ୍ଣିମା ଦିନ ସ୍ନାନ କରାଯାଏ। ଚଳିତ ବର୍ଷ ଅଗଷ୍ଟ ୧୯ ତାରିଖରେ ଶ୍ରାବଣ ପୂର୍ଣ୍ଣିମା ଆସିଛି। ଶିବଙ୍କର ଅତି ପ୍ରିୟ ବାର ସୋମବାର ଏହି ପୂର୍ଣ୍ଣିମାରେ ଆସିଛି। ତେଣୁ ଏହି ପୂର୍ଣ୍ଣିମା ଦିନ ଅନେକ ଶୁଭ ଯୋଗ କରାଯାଉଛି, ଯାହା ଏହି ଦିନକୁ ଆହୁରି ବିଶେଷ କରିଦେଉଛି । ଏହି ଦିନ ଶୋଭନ ଯୋଗ, ଲକ୍ଷ୍ମୀ ନାରାୟଣ ଯୋଗ ଓ ଶ୍ରାବଣ ନକ୍ଷତ୍ରର ମିଶ୍ରଣ ସୃଷ୍ଟି ହୋଇଥାଏ। 

ଶ୍ରାବଣ ପୂର୍ଣ୍ଣିମା ଦିନ ନିୟମ ସହ ଭଗବାନ ଶିବ ଓ ମା' ପାର୍ବତୀଙ୍କୁ ପୂଜା କରନ୍ତୁ। ଭଗବାନ ଶିବଙ୍କ ପ୍ରିୟ ମାସ ଶ୍ରାବଣର ଆଜି ଅନ୍ତିମ ଦିନ। ଏଥିସହ ଏହି ଦିନ ସ୍ନାନ କରନ୍ତୁ। ଶ୍ରାବଣ ପୂର୍ଣ୍ଣିମା ଦିନ ପବିତ୍ର ନଦୀରେ ସ୍ନାନ କରନ୍ତୁ। ଯଦି ଏହା ସମ୍ଭବ ନ ହୁଏ ତେବେ ପବିତ୍ର ନଦୀର ଜଳକୁ ମିଶାଇ ଘରେ ସ୍ନାନ କରନ୍ତୁ। ଏହାପରେ ନିଜ ସାମର୍ଥ୍ୟ ଅନୁଯାୟୀ ଅସହାୟ ଲୋକଙ୍କୁ ଶସ୍ୟ, ବସ୍ତ୍ର, ଟଙ୍କା ଇତ୍ୟାଦି ଦାନ କରନ୍ତୁ।

ଆଜିର ଦିନଟି ଅନେକ ଲୋକଙ୍କ ପାଇଁ ଅତୁଳନୀୟ ସାବ୍ୟସ୍ତ ହୋଇପାରେ। ଏହି ରକ୍ଷାବନ୍ଧନରେ ଗ୍ରହ ନକ୍ଷତ୍ରମାନଙ୍କର ଏପରି ସ୍ଥିତି ରହିଛି ଯାହା ଗୋଟିଏ ନୁହେଁ ବରଂ ଅନେକ ଶୁଭ ଯୋଗ କରୁଛି । ଜ୍ୟୋତିଷ ଶାସ୍ତ୍ର ଅନୁସାରେ ପ୍ରାୟ ୧୮୦ ବର୍ଷ ପରେ ଏଭଳି ଶୁଭ ଯୋଗର ଏକ ବିରଳ ସଂଯୋଗ ସୃଷ୍ଟି ହେଉଛି। ପ୍ରଥମତଃ ଶେଷ ଶ୍ରାବଣ ସୋମବାର ରକ୍ଷାବନ୍ଧନ ହୋଇଛି । 

ରାଖୀ ବାନ୍ଧିବାର ନିୟମ

-ରକ୍ଷାବନ୍ଧନ ଦିନ ଭଉଣୀମାନେ ଭୁଲରେ ବି ନିଜ ଭାଇକୁ ପ୍ଲାଷ୍ଟିକ କିମ୍ବା ଅଶୁଭ ଫଟୋ ବାନ୍ଧିବା ଉଚିତ୍‌ ନୁହେଁ। ରାଖୀ ସର୍ବଦା ଶୁଭ ରହିବା ଉଚିତ୍। ଭାଙ୍ଗି ଯାଇଥିବା ରାଖୀ ବାନ୍ଧିପାରିବେ ନାହିଁ। 

-ରକ୍ଷାବନ୍ଧନ ଦିନ ଶୁଭ ମୁହୂର୍ତ୍ତରେ ଭାଇକୁ ରାଖୀ ବାନ୍ଧିଦିଅନ୍ତୁ। ଭଦ୍ର ସମୟରେ ରାଖୀ ବାନ୍ଧିବାର ଭୁଲ କରନ୍ତୁ ନାହିଁ। ଭଦ୍ର ସମୟରେ ଭାଇଙ୍କୁ ରାଖୀ ବାନ୍ଧିବା ଅଶୁଭ। ଏହା ଦ୍ୱାରା ଜୀବନରେ ସଙ୍କଟ ଦେଖାଦେଇପାରେ। 

-ପବିତ୍ର ଶ୍ରାବଣ ମାସର ଶେଷ ଦିନ ହେଉଛି ରକ୍ଷାବନ୍ଧନ ଦିନ। ଏହି ଦିନ ମଦ୍ୟପାନ କରନ୍ତୁ ନାହିଁ। ରସୁଣ-ପିଆଜ ମଧ୍ୟ ଏହି ଦିନ ଦୂରେଇ ରହିବା ଉଚିତ୍।

-ତେବେ ମହିଳା ଓ ବୟସ୍କଙ୍କୁ କେବେ ବି ଅପମାନିତ କରିବା ଉଚିତ ନୁହେଁ। ବରଂ ରକ୍ଷାବନ୍ଧନ, ଶ୍ରାବଣ ପୂର୍ଣ୍ଣିମା ଦିନ ଏପରି କରିବାର ଭୁଲ କରନ୍ତୁ ନାହିଁ। ନଚେତ୍ ପୂରା ପରିବାର ଉପରେ ସଙ୍କଟ ଦେଖାଦେଇପାରେ। 

-ରକ୍ଷାବନ୍ଧନର ପବିତ୍ର ଦିନରେ ଉଭୟ ଭାଇ-ଭଉଣୀ କଳା କିମ୍ବା ଧୂସର ରଙ୍ଗର ପୋଷାକ ପିନ୍ଧିବା ଉଚିତ୍‌ ନୁହେଁ। ଏପରି କରିବା ଅଶୁଭ। ଏହି ଦିନ ଲାଲ କିମ୍ବା ହଳଦିଆ ରଙ୍ଗର ପୋଷାକ ପିନ୍ଧିବା ଭଲ।

ଅଧିକ ପଢ଼ନ୍ତୁ: ବିନା ଡ଼ିଜେରେ ଗଣେଶ ପୂଜା ଭସାଣି