ବେଳେବେଳେ ପରିସ୍ଥିତି ଉପରେ ହସ ଲାଗେ : ବିରାଟ କୋହଲି
Khabar Odisha:things-got-so-bad-that-we-laughed-it-virat-kohli
ବାଙ୍ଗାଲୁରୁ,ମେ ୧୧(ଖବର ଓଡିଶା): ରୟାଲ ଚାଲେଞ୍ଜର୍ସ ବାଙ୍ଗାଲୋର ପାଇଁ ଏଥର ଆଇପିଏଲ୍‌ ସଂସ୍କରଣ ବହୁମାତ୍ରାରେ ନିରାଶଜନକ ଥିଲା । ଦଳରେ ବହୁ ନାମୀ ଓ ଭଲ ଖେଳାଳୀ ଥାଇ ମଧ୍ୟ ଅପେକ୍ଷାକୃତ ଫଳ ମିଳି ପାରିଲା ନାହିଁ ଆଇପିଏଲ୍‌ରେ । ଗତ ବୁଧବାର ରୟାଲ ଚାଲେଞ୍ଜର୍ସର ଖେଳାଳୀମାନେ ଏକ କାର୍ୟ୍ୟକ୍ରମରେ ଯୋଗ ଦେଇଥିଲେ । ଏହି ଅବସରରେ ଅଧିନାୟକ ବିରାଟ କୋହଲି ଆଇପିଏଲ୍‌ ସଂସ୍କରଣ ସହ ଜଡିତ ଥିବା ନିଜର କିଛି ଅନୁଭବ ପ୍ରକାଶ କରିଥିଲେ ।
 
କୋହଲି କହିଥିଲେ ଆମ ପାଇଁ ଏ ସଂସ୍କରଣ ଯେପରି ଥିଲା ସେ ଉପରେ ଆଉ କିଛି କହିବାର ନାହିଁ । ଏକ ଖେଳାଳୀ ହିସାବରେ ଏହା ବହୁତ କଷ୍ଟ ଦିଏ । ଏହି ସଂସ୍କରଣରେ ଖେଳକୁ ଆମ ପକ୍ଷରେ କରିବା ପାଇଁ ଆମେ ସବୁପ୍ରକାର ଚେଷ୍ଟା କରିଥିଲୁ, ମାତ୍ର ଫଳ କିଛି ମିଳିନଥିଲା । ବହୁତ ଥର ଏପରି ଘଟିଥାଏ । ଗତ ବର୍ଷ ଆମ ପାଇଁ ବହୁତ ଭଲ ଥିବା ବେଳେ ଚଳିତ ବର୍ଷ ଖରାପ ଫଳ ରହିଲା । ଆମକୁ ଏହା ସ୍ୱୀକାର କରି ଆଗକୁ ବଢ଼ିବାକୁ ହେବ । 
 
ବିରାଟ କୋହଲି କହିଛନ୍ତି ବେଳେ ବେଳେ ପରିସ୍ଥିତି ଏପରି ଅସହାୟ କରିଦିଏ କି ଆମ ପାଖରେ କରିବାକୁ କିଛି ନଥାଏ । ଆମେ ଡ୍ରେସିଂ ରୁମ୍‌ରୁ ହସି ହସି ବାହାରକୁ ଆସୁ । କେବେ ବି ଭାବିନଥିଲୁ ଏପରି ସ୍ତର ଦେଇ ଯିବୁ । ସମ୍ପୂର୍ଣ୍ଣ ୧୧ ଜଣ ଖେଳାଳୀଙ୍କ ସହ ଏପରି ହେବା ଦୂର୍ଲଭ ନିଶ୍ଚୟ । ଆମେ ଆତ୍ମମନ୍ଥନ କରୁଛୁ । ଏହି ସଂସ୍କରଣରୁ ବହୁତ କିଛି ଶିଖିବାକୁ ମିଳିଲା । ଏସବୁ ପରିସ୍ଥିତି ଉପରେ ଏବେ ହସ ଲାଗୁଛି ।
  • Tags:

Subscribe

National International State Sports Entertainment