ନୂଆଦିଲ୍ଲୀ/ଭୁବନେଶ୍ୱର: ରାତି ପାହିଲେ ଦେଶ ପାଳିବ ୭୯ତମ ସ୍ୱାଧୀନତା ଦିବସ । ଗଣତନ୍ତ୍ର ଦିବସ ଉପଲକ୍ଷେ ରାଷ୍ଟ୍ରପତି ପଦକ ଘୋଷଣା କରିଛନ୍ତି । ବିଶିଷ୍ଟ ସେବା ପାଇଁ ବିଭିନ୍ନ ବିଭାଗରେ ଦେଶରେ ମୋଟ ୯୯ ଜଣଙ୍କୁ ରାଷ୍ଟ୍ରପତି ପଦକରେ ସମ୍ମାନୀତ କରାଯିବ । ଓଡ଼ିଶାର ଦୁଇ ଜଣ ପୋଲିସ ଅଧିକାରୀଙ୍କୁ ରାଷ୍ଟ୍ରପତି ପଦକ ପ୍ରଦାନ କରାଯିବ । ଏଏସ୍ପି ରବୀନ୍ଦ୍ର ପଣ୍ଡା ଏବଂ କମାଣ୍ଡାଣ୍ଟ ନରେଶ ପଟେଲଙ୍କୁ ଏହି ପଦକ ମିଳିବ । 

ସେହିପରି ମୋଟ ୨୩୩ ଜଣଙ୍କୁ ସାହସିକତା ପଦକ ମିଳିବାକୁ ଥିବାବେଳେ ଓଡ଼ିଶା ପୋଲିସର ୯ ଜଣଙ୍କୁ ଏହି ପଦକ ପାଇବେ । ସେମାନେ ହେଲେ  ଏସ୍ଆଇ ଅମରେଶ ଚନ୍ଦ୍ର ନରେନ୍ଦ୍ର, କନଷ୍ଟେବଲ ଜିତେନ୍ଦ୍ର ନାୟକ, ଓଏପିଏଫ୍ ଅର୍ଜ୍ଜୁନ ମଲ୍ଲିକ ଓ ଯୁଧିଷ୍ଠିର ମଲ୍ଲିକ, ହାବିଲଦାର ଅଶ୍ୱିନୀ କୁମାର ବାଗ ଏବଂ କମାଣ୍ଡୋ ଡମ୍ବରୁଧର ଭୋଇ, ନବୀନ କୁମାର ସାହୁ, ପ୍ରଦୀପ ଶ୍ରେଷ୍ଠ ଓ ଅଭିମନ୍ୟୁ ମାଝୀ । 

ସେହିପରି ଉଲ୍ଲେଖନୀୟ ସେବା ପାଇଁ ବିଭିନ୍ନ ବିଭାଗରେ ଦେଶର ମୋଟ ୭୫୮ ଜଣଙ୍କୁ ପଦକ ପ୍ରଦାନ କରାଯିବ । ସେଥିମଧ୍ୟରୁ ଓଡ଼ିଶା ପୋଲିସର ୧୧ ଜଣ ଉଲ୍ଲେଖନୀୟ ସେବା ପାଇଁ ପଦକ ଗ୍ରହଣ କରିବେ । ସେମାନେ ହେଲେ ଏଆଇଜି ମହେଶ୍ୱର ସେଠୀ, ଏଏସ୍ପି ପ୍ରଦୀପ କୁମାର ପ୍ରଧାନ, ଏଏସ୍ପି ଦେବେନ୍ଦ୍ର ନାରାୟଣ ଦାଶ, ଡେପୁଟି ଏସ୍ପି ଆଶିଷ କୁମାର ରାଉତ, ଇନସ୍ପେକ୍ଟର ଶ୍ରୀନିବାସ ଦୋରା, ଡେପୁଟି ଏସ୍ପି ହେମାମାଳିନୀ ନାୟକ, କମାଣ୍ଡାଣ୍ଟ୍ ସୂର‌୍ୟ୍ୟନାରାୟଣ ମଲ୍ଲିକ, ଇନସ୍ପେକ୍ଟର ସନ୍ତୋଷ କୁମାର ମିର୍ଦ୍ଦା, ଏଏସ୍ଆଇ ଅରୁଣ କୁମାର ସାମନ୍ତ, ଏଏସ୍ଆଇ ଅରବିନ୍ଦ ଦାସ, କନଷ୍ଟେବଲ୍ ଚିନ୍ମୟୀ ରାଉତ । 

ସେହିପରି ଅଗ୍ନିଶମ ବିଭାଗରେ ଓଡ଼ିଶାରୁ ସୁଧାକର ପାଣିଗ୍ରାହୀ ଏବଂ ଦିଲ୍ଲୀପ କୁମାର ନନ୍ଦଙ୍କ ଉଲ୍ଲେଖନୀୟ ସେବା ପାଇଁ ପଦକ ପ୍ରଦାନ କରାଯିବ । ଅନ୍ୟପକ୍ଷରେ ହୋମଗାର୍ଡ ଅଶ୍ୱୀନି କୁମାର ଦାସ, ଜିତେନ୍ଦ୍ର ଲେଙ୍କା ଓ ବିଶ୍ୱ ରଞ୍ଜନ କୁଅଁର ମଧ୍ୟ ପ୍ରଦକ ଗ୍ରହଣ କରିବେ । ସେହିପରି ଆସିଷ୍ଟାଣ୍ଟ ଜେଲର୍ ସୁଧୀର କୁମାର ଜେନା ଏବଂ ମୁଖ୍ୟ ୱାର୍ଡର୍ ସୁରୋଜ କୁମାର ପାଢ଼ୀ ପଦକ ଗ୍ରହଣ କରିବେ ।