ସୁନ୍ଦରଗଡ,୮ଏପ୍ରିଲ(ଖବର ଓଡିଶା); ଭୋକର ଜ୍ୱାଳାକୁ ସହିପାରିନି କୁନି ଫୁଙ୍ଗୁଳା ଛୁିଆଟି । ରାସ୍ତା କଡରେ ପଡିଥିବା ଅଇଁଠା ଖଲିକୁ ଚାଟି ମେଣ୍ଟାଇଛି ନିଜର ଭୋକକୁ । ଏଭଳିି ଏକ ଚିତ୍ର ଆସିଛି ଖଣିଖାଦାନ ଭରା ସୁନ୍ଦରଗଡ ଜିଲ୍ଲାରୁ । ଜିଲ୍ଲାର ମାଟିତେଳ ଭରି ରହିଛି ବିଭିନ୍ନ ଖଣିଜ ସମ୍ପଦ ହେଲେ ମାଟି ଉପରେ ରହିଛି କିଛି ଭିନ୍ନ ଚିତ୍ର । ଭୋକର ଜ୍ୱାଳକୁ ମେଣ୍ଟାଇବା ପାଇଁ ରାସ୍ତା କଡରେ ପଡିଥିବା ଖଲି ପତ୍ରଟି ହୋଇଛି ସହା । ଏଭଳି ଏକ ଘଟଣା ଯାହା ସରକାରଙ୍କ ଶହଶହ ଯୋଜନାର ସପଳତା ଉପରେ ଛିଡା କରିଛି ପାହାଡ ସଦୃଶ ପ୍ରଶ୍ନବାଚୀ । ସୁନ୍ଦରଗଡର ଏହି ଦୃଶ୍ୟଟି କିଛି ଦିନ ହେବ ସିସିଆଲ ମିଡିଆରେ ଭାଇରାଲ ହେବା ପରେ ଏହା ଏବେ ଲୋକ ଲୋଚନକୁ ଆସିଛି ।
ତେବେ କୋଇଡାର ତାଡୁଗୋଠ ଗାଁ ର ଏହି ଘଟଣାଟି ମନେ ପପକାଇ ଦେଇଛି ଯାଜପୁର ଜିଲ୍ଲା ନଗଡା ଗ୍ରାମର , ଯାହା ସେ ସମୟରେ ସମଗ୍ର ରାଜ୍ୟରେ ଚହଳ ସୃଷ୍ଟି କରିଥିବା ବେଳେ ସରକାରଙ୍କ ପାରିବା ପଣିଆ ଉପରେ ଉଠିଥିଲା ଅନେକ ପ୍ରଶ୍ନ । କୋଇଡାର ତାଡୁଗୋଠ ଗାଁ ରେ ୧୦ ରୁ ୧୨ ପରିବାର ରହୁଥିବା ବେଳେ ସେମାନଙ୍କ ପାଖରେ ସରକାରଙ୍କ ସମସ୍ତ ସୁବିଧା ସୁଯୋଗ ପହଚିଂପାରୁ ନଥିବା ସେମାନେ ଅଭିଯୋଗ କରିଛନ୍ତି । ସେଠାକାର ଜଣେ ବାସିନ୍ଦା ରାବଣ ମୁଣ୍ଡାଙ୍କ ତିନି ଛୁଆଁଙ୍କୁ ନେଇ ତେଲ ଲୁଣର ସଂସାର । ଖାଦ୍ୟ ଅଭାବ ଯୋଗୁଁ ଦିନକୁ ଓଳିଏ ଖାଇବାକୁ ନପାଇ ଅପପୁଷ୍ଟିର ଶିକାର ହୋଇଛନ୍ତି । କିଛି ମାସ ହେବ ରାବଣଙ୍କ ସ୍ତ୍ରୀଙ୍କ ଦେହାନ୍ତ ପରେ ଏବେ ପିଲାଙ୍କ ଦାୟିତ୍ୱ ରାବଣ ଉପରେ ପଡିଛି ସେପଟେ କାମକୁ ନଗଲେ ଦୁଇ ଓଳା ଖାଇବାକୁ ମିଳିବନି । ତେଣୁ ଘରେ ଛୁଆ ଦୁଇଙ୍କୁ ଛାଡି କାମରେ ଗଲା ପରେ ପିଲା ମାନେ ଏଣେତେଣ ବୁଲି ଭୋକରେ ଅଇଁଠା ଖଲି ଚାଟିଥିବା ସେ କହିଛନ୍ତି ।
ରାସନରେ ମିଳୁଥିବା ଚାଉଳ ଏବଂ ଜାଳେନି କାଠ ବିକ୍ରି କରି ସେ ତାଙ୍କର ପରିବାର ଚଳାଉଥିବା ସେ କହିଛନ୍ତି । ତେବ ଅଙ୍ଗନୱାଡି କେନ୍ଦ୍ରରେ ମିଳୁଥିବା ଖାଦ୍ୟ ସମଗ୍ରି ସେମାନଙ୍କୁ ଦୁଇରୁ ତିନି ମାସରେ ଥରେ ମିଳୁଥିବାରୁ ପିଲାମାନେ ସାଧାରଣ ଖାଦ୍ୟର ଅଭାବରୁ ଅପପୃଷ୍ଟିର ଶିକାର ହେଉଥିବା ସେ କହିଛନ୍ତି ।