ପୁରୀ : ପୁରୀ କୋଣାର୍କ ରୋଡ ବାଲିଘାଇ ଛକ ସ୍ଥିତ ନିଗମାନନ୍ଦ ସାର୍ବଭୌମ ଭକ୍ତ ସମ୍ମିଳନୀରେ ଅଘଟଣ ଘଟିଛି। ଚାଲିଯାଇଛି ଦୁଇଜଣଙ୍କ ଜୀବନ। ଏହି ଦୁଇଜଣ ହେଲେ ପଶ୍ଚିମବଙ୍ଗ ମେଦିନାପୁର ର ରବିନ୍ଦ୍ରନାଥ ପଲ ଓ କଟକର ଜଗନ୍ନାଥ ସାମଲ। 

ସୂଚନା ଅନୁଯାୟୀ ଉଭୟ ସମ୍ମିଳନୀ ଚାଲିଥିବା ବେଳେ ଅସୁସ୍ଥ ହୋଇପଡିଥିଲେ। ସ୍ବାସ୍ଥ୍ୟ ଅବସ୍ଥା ଖରାପ ହେବାରୁ ଉଭୟଙ୍କୁ ଚିକିତ୍ସା ନିମନ୍ତେ ପୁରୀ ସଦର ମୁଖ୍ୟ ଚିକିତ୍ସାଳୟ ରେ ଭର୍ତ୍ତି କରାଯାଇଥିଲା। ଡାକ୍ତର ତାଙ୍କ ସ୍ବାସ୍ଥ୍ୟ ଅବସ୍ଥା ପରୀକ୍ଷା କରିବା ପରେ ତାଙ୍କୁ ମୃତ ଘୋଷଣା କରିଥିଲେ ।ପ୍ରାଥମିକ ତଦନ୍ତରୁ ଉଭୟ ହୃଦଘାତ ର ଶିକାର ହୋଇଥିବାର ଜଣାପଡିଛି । ତେବେ ଅତ୍ୟଧିକ ଭକ୍ତଙ୍କ ସମାଗମ ଯୋଗୁଁ ଏଭଳି ଘଟିଥାଇପାରେ ବୋଲି ଜଣାପଡିଛି । ଘଟଣାର ତଦନ୍ତ କରୁଛି ମେରାଇନ ଥାନା ପୋଲିସ। ସୂଚନା ମୁତାବକ ଶୁକ୍ରବାର ଗଞ୍ଜାମ ପୋଲସରାର ପ୍ରଭାଶିନୀ ପାଣିଗ୍ରାହୀ ଏହି ସମ୍ମିଳନୀରେ ମୃତ୍ୟବରଣ କରିଥିଲେ ଏବଂ ଆଜି ମଧ୍ୟ ଏଭଳି ଅଘଟଣ ଦେଖିବାକୁ ମିଳିଛି ।