ସମ୍ବଲପୁର : ସମ୍ବଲପୁର ସଦର ଅବକାରୀ ଥାନା ପକ୍ଷରୁ ଧନୁପାଲି ଛକ ଠାରେ ୪୪କେଜି ଚୋରାଚାଲାଣ ହେଉଥିବା ବେଆଇନ ଗଞ୍ଜେଇ ଜବତ ସହ ୨ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି।‌ ସୁଚନା ଅନୁସାରେ, ୟୁପି ରାଜ୍ୟ ନମ୍ବର ଥିବା ଏକ ଚାରିଚକିଆ ଗାଡିରେ ସିକ୍ରେଟ ଚାମ୍ବର କରି ୪୪ କେଜି ବେଆଇନ ଗଞ୍ଜେଇକୁ ସମ୍ବଲପୁର ଦେଇ ପଞ୍ଚାବ ରାଜ୍ୟ ପଟକୁ ଚୋରାଚାଲାଣ କରିକି ନିଆଯାଉଥିବା ବେଳେ ଧନୁପାଲି ଛକରେ ସଦର ଅବକାରୀ ଥାନା ପକ୍ଷରୁ ଅଭିଯୁକ୍ତଙ୍କୁ କାବୁ କରାଯାଇ ଗଞ୍ଜେଇକୁ ଜବତ କରାଯାଇଥିଲା। ଏହି ଘଟଣାରେ ପଞ୍ଜାବ ରାଜ୍ୟ ଲୁଧିଆନାର ଲକ୍ୱିନ୍ଦର ସିଂ ଓ କୂଳଦିପ ନାମକ ୨ ଜଣ ଅଭିଯୁକ୍ତଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି। ଏହି ଘଟଣାରେ ଗଞ୍ଜେଇ ଚୋରାଚାଲାଣର ବ୍ୟବହୃତ ଗାଡ଼ି, ଏକ ମୋବାଇଲ ଫୋନ ଓ ୪୪ କେଜି ଗଞ୍ଜେଇକୁ ଜବତ କରାଯାଇଛି। ତେବେ ଜବତ ହୋଇଥିବା ସବୁ ସାମଗ୍ରୀର ମୁଲ୍ୟ ୮ଲକ୍ଷ ୪୫ ହଜାର ଟଙ୍କା ହେବ ବୋଲି ସଦର ଅବକାରୀ ଥାନା ପକ୍ଷରୁ ସୁଚନା ଦିଆଯାଇଛି।