ଭଦ୍ରକ :  ଭଦ୍ରକ ପୋଲିସକୁ ବଡ ସଫଳତା। ବାଇକ ଚୋରୀ ଗ୍ୟାଙ୍ଗ ର ଆଉ ଜଣେ ଚୋରକୁ  ଗିରଫ କରିଛି ଭଦ୍ରକ ଟାଉନ ଥାନା  ପୋଲିସ।    ସଂପୃକ୍ତ ଚୋର ନା ଗୋପନ ରଖିଛି ପୋଲିସ । ତେବେ ପଚରାଉଚରା ବେଳେ ଟାଉନ ଥାନା ପୋଲିସ ଭଦ୍ରକ ସହର ସମେତ ଜିଲ୍ଲାର ବିଭିନ୍ନ ସ୍ଥାନରେ ଚଢ଼ାଉ କରି ମୋଟ ୧୮ ଟି ବାଇକି ଜବତ କରିଥିବା ନେଇ  ସାମ୍ବାଦିକ ସମ୍ମିଳନୀ ରେ ସିଟି ଡିଏସପି ଅଂଶୁମାନ ଦିବେଦି ସୂଚନା ଦେଇଛନ୍ତି।  

ସୂଚନା ଅନୁଯାୟୀ ଅଗଷ୍ଟ ୩୧ତାରିଖରେ ଧାମନଗର ଥାନା ବାରିକ ପୁର ଅଞ୍ଚଳର  ରମେଶ ଦାସଙ୍କ ବାଇକକୁ କେହି ଦୁର୍ବୃତ୍ତ ଜିଲ୍ଲା ମୁଖ୍ୟ ଚିକିତ୍ସାଳୟରୁ ଚୋରି କରି ନେଇଥିଲେ। ଏନେଇ ରମେଶ ଟାଉନ ଥାନାରେ ଅଭିଯୋଗ କରିବା ପରେ ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ କରିଥିଲେ। ସେହି ମାମଲାରେ ଖୋଳ ତାଡ କରିବା ପରେ ବାଇକ ଚୋରି ଗ୍ୟାଙ୍ଗ ସଂପର୍କରେ ପୋଲିସ କୁ ସୂଚନା ମିଳିଥିଲା। ଗ୍ୟାଙ୍ଗର  ଜଣକୁ ଗିରଫ କରି ପଚରାଉଚରା କରି ବିଭିନ୍ନ ସ୍ଥାନରେ ଚଢ଼ାଉ କରି ୧୮ଟି ବାଇକ ପୋଲିସ  ଜବତ କରିଛି ।