ବାରିପଦା: ଚଳିତ ଜାନୁଆରୀ ୪ ଓ ୫ ତାରିଖ ଝାରସୁଗଡା ଜିଲ୍ଲା ବେଲପାହାଡ ଠାରେ ଅନୁଷ୍ଠିତ ରାଜ୍ୟସ୍ତରୀୟ ସୁନ୍ଦର ସ୍ବାସ୍ଥ୍ୟ ପ୍ରତିଯୋଗିତାରେ ମୟୂରଭଞ୍ଜ ବଡିବିଲ୍ଡିଙ୍ଗ ଏସୋସିଏସନ ତରଫରୁ ମନୋନୀତ ମୟୂରଭଞ୍ଜ ଜିମ୍ନାସିୟମର ସଦସ୍ୟ ପ୍ରବୀର ବେହେରା (୫୫କିଲୋ ବର୍ଗ) ଏବଂ ବାପୁନ ବେହେରା (୭୫କିଲୋ ବର୍ଗ)ରେ ପ୍ରତିନିଧିତ୍ଵ କରି ଯଥାକ୍ରମେ ପ୍ରଥମ ଏବଂ ଦ୍ଵିତୀୟ ସ୍ଥାନ ଅଧିକାର କରି ସ୍ଵର୍ଣ୍ଣ ଓ ରୌପ୍ୟ ପଦକ ବିଜେତା ହୋଇଛନ୍ତି। 

ପ୍ରବୀର ଏବଂ ବାପୁନଙ୍କ ଏହି ସଫଳତାକୁ ନେଇ ଜିଲ୍ଲାର କ୍ରୀଡାପ୍ରେମୀମାନଙ୍କ ମଧ୍ୟରେ ଖୁସିର ବାତାବରଣ ଆଣିଛି। ଏହି ଅବସରରେ ମୟୂରଭଞ୍ଜ ଜିମ୍ନାସିୟମ ପରିସରରେ ମୟୂରଭଞ୍ଜ ଜିଲ୍ଲା ବଡିବିଲ୍ଡିଙ୍ଗ ଏସୋସିଏସନର ସଭାପତି ନବ କୁମାର ସାହୁ, ସଂପାଦକ ରବୀନ୍ଦ୍ର କୁମାର ମହାନ୍ତି ପ୍ରମୁଖଙ୍କ ସମେତ ଅନ୍ୟାନ୍ୟ ସଦସ୍ୟବୃନ୍ଦ ପ୍ରବୀର୍ ଏବଂ ବାପୁନଙ୍କୁ ପୁଷ୍ପଗୁଛ ଦେଇ ସମ୍ବର୍ଦ୍ଧନା ଜଣାଇବା ସହ ତାଙ୍କର ସଫଳତା କାମନା କରିଛନ୍ତି।