ପୁରୀ: ଆଜି ଶ୍ରୀମନ୍ଦିରରେ ପାଳିତ ହେଉଛି ମହାପ୍ରଭୁଙ୍କର ଯେଉଡ ଭୋଗ ଏବଂ ଗର୍ଭଉଦକ ବନ୍ଦାପନା। ମହାପ୍ରଭୁ ତାଙ୍କ ଭକ୍ତ ନିମନ୍ତେ ବିଭିନ୍ନ ପ୍ରକାରର ଲୀଳା କରିଥାନ୍ତି। ସେ କାହା ପାଈଁ ମାତା ତ ପିତା ପୁଣି ଆଉ କାହା ପାଇଁ ବନ୍ଧୁ ତ ସଖା ହୋଇପାରନ୍ତି। ସେଥି ନିମନ୍ତେ ମହାପ୍ରଭୂ ଦେବକୀ ହୋଇ ଶ୍ରୀକୃଷ୍ଣଙ୍କୁ ଜନ୍ମ ଦେବେ। ରାତି ପାହିଲେ ଜନ୍ମାଷ୍ଟମୀରେ ଶ୍ରୀକ୍ଷେତ୍ର ଆନନ୍ଦ ମୁଖର ହେବ। ଗୋଟିଏ ମାତା ସନ୍ତାନ ଜନ୍ମ ସମୟରେ ଗର୍ଭର ଯନ୍ତ୍ରଣା ସହିଥାନ୍ତି। ସେହି ଗର୍ଭ ଯନ୍ତ୍ରଣା ଲାଘବ କରିବା ବା ଉପଶମ କରିବା ନିମନ୍ତେ ମହାପ୍ରଭୁଙ୍କ ପାଖରେ ଆଜି ଭାଦ୍ରବ ମାସ କୃଷ୍ଣ ପକ୍ଷ ସପ୍ତମୀ ତିଥିରେ ମହାପ୍ରଭୁଙ୍କର ସଂଧ୍ୟା ଧୂପ ସରିଲେ ଯେଉଡ ଭୋଗ କରାଯାଇଥାଏ। ଏଥି ସହିତ ତିନି ବାଡ଼ରେ ମୁଦିରସ୍ତ, ପତି ମହାପାତ୍ର, ପାଳିଆ ପୁଷ୍ପାଳକ ବନ୍ଦାପନା କରିଥାନ୍ତି। ଏହା ସହିତ ମହାପ୍ରଭୂଙ୍କ ବାଡ଼ରେ ଆଉ ଏକ ଅଧିକ ବନ୍ଦାପନା ହୋଇଥାଏ, ଯାହାକି ଗର୍ଭଉଦକ ବନ୍ଦାପନା ହୋଇଥାଏ।