ସରକାରଙ୍କ ବିକାଶ ମୂଳକ କାର୍ଯ୍ୟରେ ପ୍ରଭାବିତ ହୋଇ ଆତ୍ମସମର୍ପଣ କଲେ ମାଓବାଦୀ ଅଶୋକ ପୁନେ କନ୍ଧମାଳ , ମେ 22(ଖେବର ଓଡିଶା): Share story: ରାଜ୍ୟରେ ଲାଲବାହୀନି ଆତଙ୍କ ଖେଳାଉଥିବା ବେଳେ ବର୍ତ୍ତମାନ କିଛି ମାଓବାଦୀ ଏହି ଧାରାରୁ ନିଜକୁ ଅଲଗା କରି ସମାଜର ମୁଖ୍ୟସ୍ରୋତରେ ସାମିଲ ହେବାକୁ ଆଗେଇ ଆସିଛନ୍ତି । କନ୍ଧମାଳ ଏସ୍ପି ଭିନୀତ ଅଗ୍ରଓ୍ୱାଲଙ୍କ ନିକଟରେ ଆଜି ଜଣେ ମାଓବାଦୀ ଆତ୍ମସମର୍ପଣ କରିଛନ୍ତି । ତାଙ୍କ ନାଁ ଅଶୋକ ପୁନେ ହୋଇଥିବା ଜଣାପଡ଼ିଛି । ବିଭିନ୍ନ ଉନ୍ନତିମୂଳକ କାର୍ଯ୍ୟରେ ବାଧା ସୃଷ୍ଟି କରିବା,ସରକାରୀ ଗାଡ଼ି ପୋଡ଼ିବା ,ହତ୍ୟା ଭଳି ଅନେକ କାର୍ଯ୍ୟରେ ସାମିଲ ଥିଲେ ଅଶୋକ । ତେବେ ସରକାରଙ୍କ ବିକାଶ ମୂଳକ କାର୍ୟ୍ୟରେ ପ୍ରଭାବିତ ହୋଇ ଅଶୋକ ହିଂସା ପରିତ୍ୟାଗ କରି ଆତ୍ମସମର୍ପଣ କରିଥିବା କହିଛନ୍ତି । ଅଶୋକଙ୍କ ଘର ଛତିଶଗଡ଼ ଜିଲ୍ଲା ବାସାଗୁଡ଼ା ଥାନା ଡାଲା ଗାଁରେ ବୋଲି ଜଣାପଡିଛି । ସେ ଏରିଆ କମିଟି ସଦସ୍ୟ ଭାବେ କାମ କରୁଥିଲେ । ଖବର ଓଡ଼ିଶା, Reporter, 22/05/2022