ବେଜିଂ: ହିରୋ ଏସିଆନ ଚାମ୍ପିୟନ୍ସ ଟ୍ରଫି-୨୦୨୪ରେ ଆଜିର ମ୍ୟାଚ ବେଶ୍ ରୋମାଞ୍ଚକର ହେବାକୁ ଯାଉଛି । ଲଗାତର ଦୁଇ ଦୁଇ ଥର ଅଲିମ୍ପିକ ବିଜେତା ଭାରତୀୟ ଦଳ ତାର ପାରମ୍ପାରିକ ପ୍ରତିଦ୍ୱନ୍ଦୀ ପାକିସ୍ତାନକୁ ଭେଟିବାକୁ ଯାଉଛି । ଚୀନର ହୁଲୁନବୁଇରେ ଦୁଇ ଦଳ ମଧ୍ୟରେ କଡ଼ା ଟକ୍କର ହେବାର ସମ୍ଭାବନା ରହିଛି । ଯାହାକୁ ଉତ୍କଣ୍ଠାର ସହିତ ଅପେକ୍ଷା କରିଛନ୍ତି ହକି ପ୍ରେମୀ । ଭାରତୀୟ ସମୟ ଅପରାହ୍ନ ୩ଟା ୪୫ ମିନିଟ୍ ଏହି ମ୍ୟାଚ୍ ଖେଳାଯିବ । 

ଏସିଆନ ଚାମ୍ପିୟନ୍ସ ଟ୍ରଫି ଦୁଇ ଦଳ ସେମି ଫାଇନାଲକୁ ପ୍ରବେଶ କରି ସାରିଛନ୍ତି । ଭାରତୀୟ ଦଳ ୪ଟି ମ୍ୟାଚ ଜିତି ଅପରାଜୟ ରହିଥିବାବେଳେ ପାକିସ୍ତାନ ମଧ୍ୟ ୨ଟି ମ୍ୟାଚ୍ ଜିତି ଫାଇନାଲକୁ ଯୋଗ୍ୟତା ଅର୍ଜନ କରିଛି । ଇଣ୍ଡିଆ ଏପର୍ଯ୍ୟନ୍ତ ଚାଇନା, ଜାପାନ, ମ୍ୟାଲେସିଆ ଏବଂ କୋରିଆକୁ ହରାଇ ଟେବୁଲର ଶୀର୍ଷରେ ରହିଛି । ତେଣୁ ଆଜିର ମ୍ୟାଚକୁ ନେଇ କ୍ରୀଡ଼ା ପ୍ରେମୀଙ୍କ ମନରେ ଅନେକ ଆଶା ରହିଛି । 

ଅନ୍ୟପକ୍ଷରେ ପାକିସ୍ତାନ ମଧ୍ୟ କୋରିଆ ଏବଂ ମ୍ୟାଲେସିଆ ସହିତ ଦୁଇଟି ମ୍ୟାଚ ଡ୍ର ରଖିଥିବାବେଳେ ତୃତୀୟ ମ୍ୟାଚରେ ଜାପାନକୁ ହରାଇଛି । ସେହିପରି ଚତୁର୍ଥ ମ୍ୟାଚରେ ଆୟୋଜକ ଚାଇନାକୁ ପରାସ୍ତ କରି ସେମି ଫାଇନାଲରେ ସ୍ଥାନ ଅକ୍ତିଆର କରିଛି ।