ସାଫ ଫୁଟବଲ ଚମ୍ପିଅନଶିପ୍‌: ନୋପଳକୁ ୩-୦ରେ ହରାଇଲା ଭାରତ, ମେସୀଙ୍କ ସମକକ୍ଷ ହେଲେ ସୁନିଲ ଛେତ୍ରୀ
Khabar Odisha:Sports-football-India-beat-Nebal-by-3-0-as-Suninl-Chhetri-create-record

ନୂଆଦିଲ୍ଲୀ, ଅକ୍ଟୋବର ୧୭ (ଖବର ଓଡ଼ିଶା): ଭାରତୀୟ ଫୁଟବଲ ଟିମ୍‌ର ଅଧିନାୟକ ସୁନିଲ ଛେତ୍ରୀ ସାଫ ଚମ୍ପିଅନଶିପର ଫାଇନାଲରେ ନେପାଳ ବିପକ୍ଷରେ ନିଜର ବଡ଼ ଅଭିଜ୍ଞତା ହାସଲ କରିଛନ୍ତି। ଛେତ୍ରୀ ୪୯ତମ ମିନିଟରେ ଗୋଲ ଦେଇଛନ୍ତି। ଏଥି ସହିତ ସେ ଆର୍ଜେଣ୍ଟିନାର ବିଶ୍ବପ୍ରସିଦ୍ଧ ଫୁଟବଲ ଖେଳାଳି ଲିୟୋନେଲ ମେସୀଙ୍କ ସମକକ୍ଷ ହୋଇଛନ୍ତି। ଉଭୟ ମେସୀ ଓ ସୁନିଲ ଅନ୍ତର୍ଜାତୀୟ ମ୍ୟାଚରେ ୮୦-୮୦ ଗୋଲ ଦେଇଛନ୍ତି। 

ତେବେ  ବର୍ତ୍ତମାନ ପରିପ୍ରେକ୍ଷୀରେ ପର୍ତ୍ତୁଗାଲର ଫୁଟବଲ ଖେଳାଳି କ୍ରିଷ୍ଟିଆନୋ ରୋନାଲ୍ଡୋ ସର୍ବାଧିକ ଅନ୍ତର୍ଜାତୀୟ ଗୋଲ କରିଛନ୍ତି। ସେ ୧୧୫ଟି ଅନ୍ତର୍ଜାତୀୟ ଗୋଲ ଦେଇଛନ୍ତି। 

ସୂଚନାଯୋଗ୍ୟ, ଭାରତୀୟ ଟିମ୍‌ ନେପାଳକୁ ୩-୦ ଗୋଲରେ ପରାସ୍ତ କରି ୮ମ ଥର ପାଇଁ ଟ୍ରଫି ଜିତିଛି। ନେପାଳ ଟିମ ପ୍ରଥମ ଥର ଫାଇନାଲରେ ପହଂଚିଥିଲା। ଭାରତ ପାଇଁ ୨ୟ ହାଫରେ ଛେତ୍ରୀ, ସୁରେଶ ସିଂହ ଓ ସହଲ ଅବଦୁଲ ଗୋଲ ଦେଇଥିଲେ।  

 

  • Tags:

Subscribe

National International State Sports Entertainment