ନୂଆଦିଲ୍ଲୀ: FIH ପୁରୁଷ ହକି ବିଶ୍ୱକପ୍ ୨୦୨୬ରେ ଭାରତୀୟ ପୁରୁଷ ହକି ଦଳକୁ ଏକ ବଡ଼ଧରଣର ପରାଜୟର ସାମ୍ନା କରିବାକୁ ପଡ଼ିଛି। ପୁଲ୍ ‘ଡି’ ର ଏକ ରୋମାଞ୍ଚକର ମୁକାବିଲାରେ ଇଂଲଣ୍ଡ ବିପକ୍ଷରେ ଭାରତ ୨-୪ ଗୋଲ୍ ବ୍ୟବଧାନରେ ପରାସ୍ତ ହୋଇଛି। ଏହି ପରାଜୟ ସହିତ ବିଶ୍ୱକପ୍ ମଞ୍ଚରେ ଇଂଲଣ୍ଡ ବିପକ୍ଷରେ ଗତ ୩୨ ବର୍ଷ ଧରି ଚାଲିଆସିଥିବା ଜିତିବା ଧାରାର ଅର୍କ ବଜାୟ ରହିଛି ଏବଂ ଭାରତୀୟ ଦଳ ପୁଣିଥରେ ଇତିହାସ ରଚିବାରୁ ବଞ୍ଚିତ ହୋଇଛି।

ପ୍ରଥମାର୍ଦ୍ଧରେ ଭାରତର ଦମଦାର୍ କମବ୍ୟାକ୍

ମ୍ୟାଚ୍ ଆରମ୍ଭରୁ ଇଂଲଣ୍ଡ ଆକ୍ରମଣାତ୍ମକ ମୋଡ଼କୁ ଆସିଥିଲା। ମ୍ୟାଚ୍‌ର ପ୍ରଥମ କ୍ୱାର୍ଟର ଶେଷ ଆଡ଼କୁ ଇଂଲଣ୍ଡର ନିକୋଲାସ ବ୍ୟାଣ୍ଡୁରାକ ଚମତ୍କାର କାଉଣ୍ଟର ଆଟାକ୍ ଜରିଆରେ ପ୍ରଥମ ଗୋଲ୍ ଦେଇ ଦଳକୁ ଆଗେଇ ନେଇଥିଲେ। ତେବେ ପଛୁଆ ରହିବା ସତ୍ତ୍ୱେ ଦ୍ୱିତୀୟ କ୍ୱାର୍ଟରରେ ଭାରତୀୟ ଖେଳାଳିମାନେ ଜୋରଦାର ପ୍ରତ୍ୟାବର୍ତ୍ତନ କରିଥିଲେ, ଭାରତର ଷ୍ଟାର୍ ଡ୍ରାଗ୍-ଫ୍ଲିକର୍  ଅଧିନାୟକ ହରମନପ୍ରୀତ ସିଂହ ଏକ ପେନାଲ୍ଟି କର୍ନରକୁ ଗୋଲ୍‌ରେ ପରିଣତ କରି ସ୍କୋର୍ ବରାବର (୧-୧) କରିଥିଲେ। ଏହା ପରେ ଦିଲ୍‌ପ୍ରୀତ ସିଂହ ଆକର୍ଷକ ଆବୁ ଦ୍ୱାରା ଆଉ ଏକ ଗୋଲ୍ ଦେଇ ଭାରତକୁ ୨-୧ ଗୋଲ୍‌ରେ ଆଗୁଆ କରିଦେଇଥିଲେ।

ଦ୍ୱିତୀୟାର୍ଦ୍ଧରେ ବଦଳିଲା ମ୍ୟାଚ୍‌ର ମୋଡ଼

ତୃତୀୟ ଏବଂ ଚତୁର୍ଥ କ୍ୱାର୍ଟରରେ ଇଂଲଣ୍ଡ ଦଳ ସମ୍ପୂର୍ଣ୍ଣ ଭାବେ ମ୍ୟାଚ୍ ଉପରେ ନିଜର ପ୍ରଭୁତ୍ୱ ଜାହିର କରିଥିଲା। ଇଂଲଣ୍ଡ ପକ୍ଷରୁ ଷ୍ଟୁଆର୍ଟ ରସ୍‌ମେୟାର ସ୍କୋର୍ ବରାବର କରିବା ପରେ, ହେନ୍ରି କ୍ରଫ୍ଟ୍ ନିଜର କ୍ୟାରିୟରର ପ୍ରଥମ ବିଶ୍ୱକପ୍ ଗୋଲ୍ ଦେଇ ଦଳକୁ ୩-୨ରେ ଆଗକୁ ନେଇଥିଲେ। ଏହାପରେ ମ୍ୟାଚ୍‌ର ଶେଷ ପର୍ଯ୍ୟାୟରେ ନିକୋଲାସ ବ୍ୟାଣ୍ଡୁରାକ ଆଉ ଏକ ପେନାଲ୍ଟି କର୍ନରକୁ ଗୋଲ୍‌ରେ ବଦଳାଇ ଇଂଲଣ୍ଡର ବିଜୟକୁ ସୁନିଶ୍ଚିତ କରିଥିଲେ। ଶେଷ ଆଡ଼କୁ ଭାରତୀୟ ଦଳ ୧୦ ଜଣ ଖେଳାଳିଙ୍କୁ ନେଇ ଖେଳିବାକୁ ବାଧ୍ୟ ହୋଇଥିଲା, ଯାହା ଦଳର ଅସୁବିଧାକୁ ଆହୁରି ବଢ଼ାଇ ଦେଇଥିଲା।

ଶେଷରେ ଇଂଲଣ୍ଡ ଏହି ମ୍ୟାଚ୍‌କୁ ୪-୨ ଗୋଲ୍‌ରେ ଜିତିନେଇ ବିଶ୍ୱକପ୍‌ରେ ନିଜର ବିଜୟଧାରା ଜାତ ରଖିଛି। ତେବେ ଏହି ପରାଜୟ ସତ୍ତ୍ୱେ ଭାରତୀୟ ଦଳ ଆଗାମୀ ମ୍ୟାଚ୍‌ଗୁଡ଼ିକରେ କମବ୍ୟାକ୍ କରିବା ପାଇଁ ପ୍ରସ୍ତୁତ ହେଉଛି।