ଅଗଷ୍ଟ 5 ତାରିଖ ଦିନ ଦେଶର ସମସ୍ତ ନାଗରିକ ନିଜ ଘରେ ରାମ ମନ୍ଦିର ନିର୍ମାଣ ପାଇଁ ଗୋଟିଏ ଦୀପ ଜାଳନ୍ତୁ - ଆରଏସଏସ
Khabar Odisha:RSS-appeals-to-the-People-on-5th-August-light-a-lamp-from-house-to-house
ଭୋପାଳ, ଜୁଲାଇ ୨୫ (ଖବର ଓଡ଼ିଶା):

ଉତ୍ତରପ୍ରଦେଶର ଅଯୋଧ୍ୟାରେ ରାମ ମନ୍ଦିରର ଭୂମି ପୂଜା ସମ୍ପର୍କରେ ଆରଏସଏସ ମୁଖ୍ୟ ମୋହନ ଭଗବତ ଅନୁରୋଧ କରି କହିଛନ୍ତି ଯେ ଅଗଷ୍ଟ 5 ତାରିଖରେ ଦେଶର ସମସ୍ତ ଲୋକ ନିଜ ଘରେ ଦୀପ ଜାଳନ୍ତୁ । ଏହି ଦିନ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସମେତ ବହୁ କ୍ୟାବିନେଟ ମନ୍ତ୍ରୀ ରାମ ମନ୍ଦିରର ଭୁମି ପୂଜନ ଉତ୍ସବରେ ସାମିଲ ହେବେ।

ଗଣମାଧ୍ୟମ ରିପୋର୍ଟ ଅନୁଯାୟୀ, ଭୋପାଳରେ ରାଷ୍ଟ୍ରିୟ ସ୍ୱୟଂସେବକ ସଂଗଠନର ଚିନ୍ତନ ବୈଠକ ସଭା ବର୍ତ୍ତମାନ ଚାଲୁ ରହିଛି । ଏହି ସଭାରେ ଭବ୍ୟ ରାମ ମନ୍ଦିର ନିର୍ମାଣ ଉପରେ ମଧ୍ୟ ଆଲୋଚନା କରାଯାଇଥିଲା ଏବଂ ଏଥି ସହିତ ଆରଏସଏସ କହିଛି ଯେ ଅଗଷ୍ଟ 5 ତାରିଖରେ ସେ ଦେଶର ସମସ୍ତ ଲୋକ ନିଜ ଘରେ ରାମ ମନ୍ଦିର ନିର୍ମାଣ ନେଇ ପ୍ରଭୁ ରାମଙ୍କ ନାମରେ ଗୋଟିଏ ଗୋଟିଏ ଦୀପ ଜାଳନ୍ତୁ । ଏହି ବୈଠକରେ ଆରଏସଏସ ମୁଖ୍ୟ ମୋହନ ଭାଗବତ ମଧ୍ୟ ଯୋଗ ଦେଇଥିଲେ।

ସୂଚନାଯୋଗ୍ୟ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଅଗଷ୍ଟ 5 ରେ ମଧ୍ୟାହ୍ନ 12:30 ସମୟରେ ଅଯୋଧ୍ୟାରେ ରାମ ମନ୍ଦିର ନିର୍ମାଣର ଭୁମି ପୂଜନ ସମାରୋହରେ ଅଂଶଗ୍ରହଣ କରିବେ । ଭିଏଚପି ଶୁକ୍ରବାର ଦିନ ଦେଶର ବିଭିନ୍ନ ସ୍ଥାନରୁ 11 ଟି ଧାର୍ମିକ ସ୍ଥାନରୁ ସଂଗୃହିତ ମାଟିକୁ ଅଯୋଧ୍ୟାରେ ଭୁମି ପୂଜନ ଉତ୍ସବରେ ବ୍ୟବହାର କରିବାକୁ ପଠାଇଛି ।

  • Tags:

Subscribe

National International State Sports Entertainment