ପ୍ରୟାଗରାଜ: ଉତ୍ତରପ୍ରଦେଶର ପ୍ରୟାଗରାଜରେ ଚାଲିଛି ବିଶ୍ୱପ୍ରସିଦ୍ଧ ମହାକୁମ୍ଭମେଳା । ଏହିପାଇଁ କୋଟି କୋଟି ଶ୍ରଦ୍ଧାଳୁ ପ୍ରୟାଗରାଜ ଯାଉଛନ୍ତି । ପ୍ରତିଦିନ ମହାକୁମ୍ଭକୁ ନେଇ ଅନେକ କହାଣୀ ଓ ଘଟଣା ସାମ୍ନାକୁ ଆସିବାରେ ଲାଗିଛି । ଏବେ ଏକ ଘଟଣା ସୋସିଆଲ ମିଡ଼ିଆରେ ବେଶ୍ ଭାଇରାଲ ହେବାରେ ଲାଗିଛି । ଘଟଣାଟି ହେଉଛି, କିଭଳି ନିଜ ପ୍ରେମିକା କଥା ମାନିବାରୁ ଯୁବକଙ୍କ ଭାଗ୍ୟ ପରିବର୍ତ୍ତନ ଘଟୁଛି, ତାହା ସେ କୁମ୍ଭମେଳାରେ ପ୍ରକାଶ କରିଛନ୍ତି । ଉଭୟ ପ୍ରେମିକ ଓ କୁମ୍ଭ ମେଳା ତାଙ୍କୁ ବିନା ପରିଶ୍ରମରେ ଏତେ ଟଙ୍କା ରୋଜଗାର କରିବାରେ ସକ୍ଷମ କରାଇଛି ।

ଅଧିକ ପଢନ୍ତୁ: କୁମ୍ଭ ମେଳାକୁ ଯିବା ସହଜ ହେବ..., ଦର ହ୍ରାସ କଲେ ଇଣ୍ଡିଗୋ-ଆକାସା

ଘଟଣା ମୁତାବିକ, କୁମ୍ଭମେଳାରେ ଭାଇରାଲ ହେଉଥିବା ଏହି ଯୁବକ ନିଜ ହାତରେ ଦାନ୍ତକାଠି ଧରି ବିକୁଛନ୍ତି । ତେବେ ଏଭଳି କରିବାକୁ ତାଙ୍କ ପ୍ରେମିକା ତାଙ୍କୁ ଅନୁପ୍ରାଣିତ କରିଛନ୍ତି ବୋଲି ଯୁବକ ଜଣକ କୁହନ୍ତି । କୁମ୍ଭମେଳାକୁ ବିଭିନ୍ନ ଆଡ଼ୁ କୋଟି କୋଟି ଶ୍ରଦ୍ଧାଳୁ ଆସୁୂଥିବାରୁ ଏଠାରେ ଯେକୌଣସି ବେପାର କରିବ ତାହା ଲାଭଦାୟକ ହେବ ବୋଲି କହିଥିଲେ ଯୁବକଙ୍କ ପ୍ରେମିକା । ତେବେ ପ୍ରେମିକାଙ୍କ ବୁଦ୍ଧି ପାଇଁ ସେ ଦାନ୍ତକାଠି ବିକ୍ରି କରିବାକୁ ଲାଗିଲେ । ମାତ୍ର ୪ ଦିନ ଭିତରେ ସେ ଏବେ ୪୦ ହଜାର ଟଙ୍କା ରୋଜଗାର କରିସାରିଛନ୍ତି ବୋଲି କହିଛନ୍ତି ଏହି ଯୁବକ । ତେବେ ଏହି ଘଟଣା ସୋସିଆଲ ମିଡ଼ିଆରେ ଭାଇରାଲ ହେବା ପରେ ଚାରିଆଡ଼ୁ ଯୁବକ ଓ ତାଙ୍କ ପ୍ରେମିକାଙ୍କ ବୁଦ୍ଧିକୁ ପ୍ରଂଶସା କରାଯାଉଛି । 

 

 

 

 

View this post on Instagram

 

 

 

 

 

 

 

 

 

 

 

A post shared by Adarsh Tiwari (@adarshtiwari20244)