ପ୍ରୟାଗରାଜ, ଜାନୁଆରୀ ୧୧(ଖବର ଓଡ଼ିଶା): ଉତ୍ତରପ୍ରଦେଶ ବିଧାନସଭା ନିର୍ବାଚନ ତାରିଖ ଘୋଷଣା ହେବା ପରେ ଜୋର ଧରିଛି ରାଜନୀତି । ୟୁପିରେ ସବୁ ପ୍ରମୁଖ ଦଳ ଭାଗ୍ୟ ପରୀକ୍ଷା ହେବାକୁ ଥିବା ବେଳେ ଏଥର କିନ୍ତୁ ମଇଦାନକୁ ଓହ୍ଲାଇବେନି ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା ବହୁଜନ ସମାଜପାର୍ଟି ମୁଖ୍ୟ ମାୟାବତୀ ।
ଏନେଇ ବିଏସପି ଏମପି ସତିଶ ଚନ୍ଦ୍ର ସୂଚନା ଦେଇଛନ୍ତି । ପୂର୍ବରୁ ମଧ୍ୟ ଉତ୍ତରପ୍ରଦେଶ ନିର୍ବାଚନରେ ମାୟାବତୀ ଲଢ଼ି ନଥିଲେ ।
ଉତ୍ତରପ୍ରଦେଶରେ ଫେବୃଆରୀ ୧୦ରୁ ୪୦୩ଟି ଆସନରେ ନିର୍ବାଚନ ହେବାକୁ ଯାଉଛି । ୭ଟି ପର୍ଯ୍ୟାୟରେ ନିର୍ବାଚନ ହେବା ନେଇ ନିର୍ବାଚନ କମିଶନ ଘୋଷଣା କରିସାରିଛନ୍ତି ।
ତେବେ୨୦୧୭ ନିର୍ବାଚନରେ ବିଜେପି ୪୦୩ ଆସନରୁ ୩୧୨ଟି ହାସଲ କରି ସରକାର ଗଠନ କରିଥିଲା ।
ସମାଜବାଦି ପାର୍ଟି କଂଗ୍ରେସ ସହ ୧୦୫ଟି ଆସନରେ ବୁଝାମଣା କରିଥିଲା । ଏସପି ୪୭ଟି ଆସନ ପାଇଥିବା ବେଳେ କଂଗ୍ରେସ ୭ଟି ସିଟ୍ ପାଇଥିଲା । ତେବେ ୧୯ଟି ଆସନ ଜିତିଥିଲା ବିଏସପି ।