ଭୁୁବନେଶ୍ୱର: ଆଗାମୀ ଦଶନ୍ଧି ଯାଏ ବିଜେଡି କ୍ଷମତାକୁ ଆସିବନି । ବିଜେଡି ସାଂସଦ ମୁନ୍ନା ଖାଁକୁ ଏମିତି ଜବାବ ଦେଇ କହିଛନ୍ତି ବରିଷ୍ଠ ବିଜେପି ବିଧାୟକ ଜୟନାରାୟଣ ମିଶ୍ର । ସେ କହିଛନ୍ତି, ମୁନ୍ନା ଖାଁ ଦିନରେ ସ୍ୱପ୍ନ ଦେଖୁଛନ୍ତି । ଚେଇଁକି ସ୍ୱପ୍ନ ଦେଖୁଛନ୍ତି । ବିଜେଡି ଭବିଷ୍ୟତ ଅନ୍ଧକାର, ଜୀବନକାଳ ବହୁତ କମ ରହିଛି । ୨୦୨୯ ପର୍ଯ୍ୟନ୍ତ ବିଜେଡି ରହିବ କି ନାହିଁ ଆଗେ ଦେଖନ୍ତୁ । ମୁନ୍ନା ଖାଁ ବସକୁ ଖୁସି କରିବାକୁ ଏଭଳି କରୁଛନ୍ତି । ତାଙ୍କର ଏମିତି ବୟାନ ସଂପୂର୍ଣ୍ଣ ନିରାଧାର ବୋଲି ଜୟନାରାୟଣ କହିଛନ୍ତି । ଶାସନକୁ ଆସିବା ଲାଗି ବିଜେଡିକୁ ୫ ବର୍ଷ ଅପେକ୍ଷା କରିବାକୁ ପଡିବ ବୋଲି ମୁନ୍ନା କହିଥିଲେ । 

ସୂଚନାଯୋଗ୍ୟ, ଏହା ପୂର୍ବରୁ ଜୟନାରାୟଣ କହିଥିଲେ ଯେ, ଗୋଟିଏ ହୁଇସିଲରେ ବିଜେଡି ଭାଙ୍ଗିଯିବ । ପ୍ରମିଳା ମଲ୍ଲିକଙ୍କ ୧୪୦ ସିଟ୍ ଜିତିବା ମନ୍ତବ୍ୟରେ ପ୍ରତିକ୍ରିୟା ରଖି ସମ୍ବଲପୁରର ବିଧାୟକ ଏହା କହିଥିଲେ । ଜୟନାରାୟଣ ପ୍ରମିଳାଙ୍କୁ ଜବାବ ଦେଇ କହିଥିଲେ, ୧୪୦ତ ଅଲଗା କଥା, ୪୦ ସିଟରେ ଜିତିକି ଦେଖାନ୍ତୁ । ବିଜେଡି ଆଗାମୀ ଦିନରେ ରହିବ କି ନାହିଁ ସେକଥା ଚିନ୍ତା କରନ୍ତୁ । ତାଙ୍କର ୨ ସାଂସଦ ଆମ ଦଳକୁ ଆସିଲେଣି । ଜିଲ୍ଲାସ୍ତରରେ ଗଣ୍ଡଗୋଳ ଚାଲିଛି । ବିଜେଡିକୁ କିଭଳି ସମ୍ଭାଳି କରି ରଖିବେ ସେ କଥା ଆଗେ ଚିନ୍ତା କରନ୍ତୁ । ଆଜି ଗୋଟିଏ ହୁଇସିଲ୍ ମାରିଲେ ବିଜେଡି ଭାଙ୍ଗିଯିବ । ଆଜି ନିର୍ବାଚନ ହେଲେ ବିଜେଡି ୧୪୦ ସିଟ୍ ଜିତିବ ବୋଲି ପ୍ରମିଳା କହିଥିଲେ ।