ବିହାର: ପୂର୍ବତନ ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ଏବଂ ଲାଲୁ ପ୍ରସାଦ ଯାଦବଙ୍କ ବଡ଼ ପୁଅ ତେଜ ପ୍ରତାପ ଯାଦବ ୨୦୨୫ ବିହାର ବିଧାନସଭା ନିର୍ବାଚନ ପୂର୍ବରୁ ଚର୍ଚ୍ଚାରେ ରହିଛନ୍ତି। ସେ ସୋସିଆଲ ମିଡିଆରେ ଏକ ବାର୍ତ୍ତା ଦେଇଛନ୍ତି ଯେ ସତ୍ୟର ପଥ ବାଛିଥିବା ବ୍ୟକ୍ତି ସର୍ବଦା ଜିତନ୍ତି।

ତେଜ ପ୍ରତାପ ସାମାଜିକ ଗଣମାଧ୍ୟମ ‘ଏକ୍ସ’ରେ ଲେଖିଛନ୍ତି, 'ଯେଉଁମାନେ ସତ୍ୟର ପଥ ବାଛନ୍ତି ସେମାନେ ସର୍ବଦା ଜିତନ୍ତି। ସର୍ବଦା ସତ୍ୟର ପଥ ଉପରେ ଚାଲିବା ଉଚିତ। ସତ୍ୟର ପଥ କଷ୍ଟକର। କିନ୍ତୁ ବିଜୟ ସର୍ବଦା ସତ୍ୟର ପଥ ଉପରେ ଚାଲିବା ବ୍ୟକ୍ତିର ହୋଇଥାଏ। ରାଜା ହରିଶ ଚନ୍ଦ୍ର ସତ୍ୟର ପଥ ଉପରେ ଚାଲି ନିଜର ହଜିଯାଇଥିବା ପ୍ରତିଷ୍ଠା ଫେରି ପାଇଥିଲେ। ପାଣ୍ଡବମାନେ ସତ୍ୟର ପଥ ଉପରେ ଚାଲି ଯୁଦ୍ଧରେ କୌରବମାନଙ୍କୁ ପରାସ୍ତ କରିଥିଲେ।'

ତେଜପ୍ରତାପ ଏଭଳି ପୋଷ୍ଟ ସହିତ ସେ ଦୁଇଟି ଫଟୋ ମଧ୍ୟ ସେୟାର କରିଛନ୍ତି, ଯେଉଁଥିରେ ତାଙ୍କୁ ସାଧାରଣ ଲୋକଙ୍କ ସମସ୍ୟା ଶୁଣୁଥିବାର ଦେଖିବାକୁ ମିଳୁଛି। ଯେପରି ଜନତା ଦରବାରରେ ହୁଏ। ପୂର୍ବତନ ମୁଖ୍ୟମନ୍ତ୍ରୀ ଲାଲୁ ପ୍ରସାଦ ମଧ୍ୟ ତାଙ୍କ କାର୍ଯ୍ୟକାଳରେ ଏପରି ଜନତା ଦରବାର ଆୟୋଜନ କରୁଥିଲେ ଏବଂ ଲୋକଙ୍କ ସମସ୍ୟା ଶୁଣି ସମାଧାନ କରୁଥିଲେ।

ତେଜ ପ୍ରତାପଙ୍କ ଏହି ପୋଷ୍ଟରୁ ଜଣାପଡୁଛି ଯେ ସେ ଆଗାମୀ ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି ଏବଂ ବ୍ୟଙ୍ଗ ଆକାରରେ ନିକଟତର ବ୍ୟକ୍ତିଙ୍କୁ ଆକ୍ରମଣ କରୁଛନ୍ତି। ଯଦିଓ ତାଙ୍କୁ ଛଅ ବର୍ଷ ପାଇଁ ଦଳରୁ ବହିଷ୍କାର କରାଯାଇଛି। କିନ୍ତୁ ସେ ନିର୍ବାଚନ ସମ୍ପର୍କରେ ଗମ୍ଭୀର ଏବଂ ସକ୍ରିୟ।

ତେଜ ପ୍ରତାପ ଗତ ମାସରେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ତାଙ୍କର ବ୍ୟକ୍ତିଗତ ଫଟୋ ସେୟାର କରିଥିଲେ। ଏହା ପରେ ରାଜ୍ୟରେ ରାଜନୈତିକ ଝଡ଼ ସୃଷ୍ଟି ହୋଇଥିଲା। ଆରଜେଡି ମୁଖ୍ୟ ଲାଲୁ ପ୍ରସାଦ ତା’ପରେ ତେଜ ପ୍ରତାପଙ୍କୁ କେବଳ ଛଅ ବର୍ଷ ପାଇଁ ଦଳରୁ ବହିଷ୍କାର କରିନଥିଲେ। ବରଂ ତାଙ୍କ ଘର ଏବଂ ପରିବାରରୁ ମଧ୍ୟ ବହିଷ୍କାର କରିଥିଲେ।

ଅଧିକ ପଢ଼ନ୍ତୁ: ବ୍ରିକ୍ସ ମଞ୍ଚରୁ ପହଲଗାମ ଆତଙ୍କବାଦୀ ଆକ୍ରମଣକୁ କଲା ନିନ୍ଦା