କଟକରେ କଂଗ୍ରେସର ଧାରଣା । ଜନ ସାଧାରଣଙ୍କ ଟିକେଟ ପଇସାକୁ ହରିଲୁଟ ବିରୋଧରେ ଧାରଣା ଦେଇଛନ୍ତି କଂଗ୍ରେସ ବିଧାୟକ ସୁର ରାଉତରାୟଙ୍କ ସମେତ କଟକ- ବାରବାଟୀ ବିଧାୟକ ମହମ୍ମଦ ମୋକିମ ଓ କଂଗ୍ରେସ କର୍ମୀମାନେ ଧାରଣା ଦେଇଛନ୍ତି । ସେମାନଙ୍କ ଆହୁରି ଅଭିଯୋଗ ହେଉଛି ଜଳସେଚନ ପାଇଁ ଥିବା ଶହେ ଏକର ଜାଗାକୁ ଚଞ୍ଚକତା କରି ବାଲି ଫିଲିଙ୍ଗ କଲାପରେ ଜାଲ ଦସ୍ତଖତକରି ନଗର ପୌରପାଳିକା କୋଟି କୋଟି ଟଙ୍କା ହରିଲୁଟ କରିଦେଇଛନ୍ତି ବୋଲି ବିଧାୟକ ମୋକିମ ଅଭିଯୋଗ କରିଛନ୍ତି | କେବଳ ଏତିକି ନୁହେଁ ବାଲିଯାତ୍ରାରେ ହେଉଥିବା ଲେଜର ସୋ କାର୍ଯ୍ୟକ୍ରମ ମଧ୍ୟ ସରକାରୀ ଦଳୀୟ କର୍ମୀ ଙ୍କୁ ଦିଆଯାଉଛି । ବିରୋଧୀ ଦଳର କର୍ପୋରେଟରଙ୍କୁ ମେୟର ଓ କମିଶନର ଅଧିକାରୀ ଅସମ୍ମାନ ଜଣାଉଛନ୍ତି । ବିଧାୟକ ମୋକିମ ଏକ ପ୍ରକାର କହିଛନ୍ତି ଯେ ଏଠାରେ ଅମଲାତନ୍ତ୍ର ଚାଲିଛି । ଦୁର୍ନୀତିର ପର୍ଦ୍ଦାଫାସ ହେଉବୋଲି ସେ କହିଛନ୍ତି । ଯେ ପର୍ଯ୍ୟନ୍ତ ଘଟଣାର ପୁଙ୍ଖାନୁପୁଙ୍ଖ ତଦନ୍ତ ନହେବ କର୍ପୋରେଟର ଓ କଂଗ୍ରେସକର୍ମୀ ମାନେ ଏମିତି ଧାରଣା ରେ ବସିବେ ।