ଦିଲ୍ଲୀ ସମେତ ସାରା ଦେଶରେ ଉତ୍ତାପ ବୃଦ୍ଧି ପାଉଛି। ଆଗାମୀ ଦିନରେ ସାରା ଦେଶରେ ପ୍ରବଳ ଉତ୍ତାପ ହେବାର ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ(ଆଇଏମଡି)। ଆସନ୍ତା ୫ ଦିନ ମଧ୍ୟରେ ଓଡିଶା, ପଶ୍ଚିମବଙ୍ଗ, କୋଙ୍କଣ, ସୌରାଷ୍ଟ୍ର  ଏବଂ କଛ, ଆନ୍ଧ୍ରପ୍ରଦେଶ ଏବଂ ୟାନାମ ଏବଂ ତେଲେଙ୍ଗାନାର କିଛି ଅଂଶରେ ଲୁ ବା ହିଟ୍ ୱେଭ୍ ହେବାର ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ।

ଆଇଏମଡି କହିଛି ଯେ ଏପ୍ରିଲ ୧୬ ରୁ ୨୦ ମଧ୍ୟରେ ଓଡିଶା ଏବଂ ପଶ୍ଚିମବଙ୍ଗର ବିଭିନ୍ନ ଅଞ୍ଚଳରେ ଲୁ ହେବାର ସମ୍ଭାବନା ରହିଛି। ମଙ୍ଗଳବାର-ବୁଧବାର ଉତ୍ତର କୋଙ୍କଣ, ସୌରାଷ୍ଟ୍ର ଏବଂ କଛ; ବୁଧବାର-ଗୁରୁବାର ଉପକୂଳ ଆନ୍ଧ୍ରପ୍ରଦେଶ ଏବଂ ୟାନାମ ; ମଙ୍ଗଳବାର-ଗୁରୁବାର ସମୟରେ ତେଲେଙ୍ଗାନା ଉପରେ ହିଟ୍ ୱେଭ୍ ପୂର୍ବାନୁମାନ କରାଯାଇଛି।

ଏଥି ସହ, ପାଣିପାଗ ବ୍ୟୁରୋ ଅପଡେଟ୍ କରିଛି ଯେ ମଙ୍ଗଳବାର-ଶନିବାର ଠାରୁ ଗାଙ୍ଗେଟିକ୍ ପଶ୍ଚିମବଙ୍ଗ, ତାମିଲନାଡୁ, ପୁଡୁଚେରୀ ଏବଂ କରାଇକାଲ୍, ରାୟାଲାସିମା ଉପରେ ଉତ୍ତାପର ସମ୍ଭାବନା ରହିଛି। ସେହିଭଳି ମଙ୍ଗଳବାର-ବୁଧବାର ଉପକୂଳ କର୍ଣ୍ଣାଟକ, କେରଳ ଏବଂ ମାହେ; ମଙ୍ଗଳବାର-ଗୁରୁବାର ଠାରୁ ଗୁଜୁରାଟର ଉପକୂଳବର୍ତ୍ତୀ ଅଞ୍ଚଳ; ଗୁରୁବାର-ଶନିବାର ଦିନ କୋଙ୍କଣ ଏବଂ ଗୋଆରେ ପାଗ ଗରମ ରହିବ ବୋଲି ଆଶା କରାଯାଉଛି।

ଅଧିକ ପଢନ୍ତୁ : ଉପର ମୁହାଁ ପାରଦ : ଅସହ୍ଯ ହେଉଛି ଖରା