ନୂଆଦିଲ୍ଲୀ: ବୁଲା କୁକୁରଙ୍କୁ ନେଇ ସୁପ୍ରିମକୋର୍ଟଙ୍କ ବହୁ ପ୍ରତୀକ୍ଷିତ ଶୁଣାଣି ଶେଷ ହୋଇଛି। ବୁଲା କୁକୁରମାନଙ୍କୁ ଧରି ଆଶ୍ରୟସ୍ଥଳରେ ରଖିବା ପାଇଁ ନିର୍ଦ୍ଦେଶ ଉପରେ ସୁପ୍ରିମକୋର୍ଟ ନିଜ ରାୟ ସ୍ଥଗିତ ରଖିଛନ୍ତି। ଆସନ୍ତା ୭ ତାରିଖରେ ଏନେଇ ନୀତି ନିର୍ଦ୍ଧାରଣ କରିବେ। 

ବୁଲା କୁକୁରଙ୍କ ପରିଚାଳନା ପାଇଁ ସୁପ୍ରିମକୋର୍ଟ ଆଜି ଏକ ମାମଲାର ଶୁଣାଣି କରିଥିଲେ। ଜଷ୍ଟିସ୍ ବିକ୍ରମ ନାଥ, ଜଷ୍ଟିସ ସନ୍ଦୀପ ମେହେଟା ଓ ଜଷ୍ଟିସ୍ ଏନ. ଭି ଅଞ୍ଜରିଆଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ବୁଲା କୁକୁର ପରିଚାଳନା ପାଇଁ ନୀତି ନିର୍ଦ୍ଧାରଣ ସହ ନିର୍ଦ୍ଦେଶ ଜାରି କରାଯିବ। ବୁଲା କୁକୁରମାନଙ୍କୁ ତୁରନ୍ତ ଛାଡିବାକୁ ଏବଂ ସେମାନଙ୍କ ପାଇଁ ଖାଦ୍ୟ ବ୍ୟବସ୍ଥା କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି। ଫଳସ୍ୱରୂପ, କେହି ନିଜ ସମାଜରେ କିମ୍ବା ଘର ବାହାରେ ବୁଲା କୁକୁରମାନଙ୍କୁ ଖାଇବାକୁ ଦେଇପାରିବେ ନାହିଁ।

ପୂର୍ବରୁ ବୁଲା କୁକୁରଙ୍କୁ ଅଲଗାସ୍ଥାନରେ ରଖି ବନ୍ଧ୍ୟାକରଣ, ଟିକାଦାନ ଓ ଖାଦ୍ୟ ବ୍ୟବସ୍ଥା କରିବାକୁ ସୁପ୍ରିମକୋର୍ଟ କହିଥିଲେ। ଏହା ଉପରେ କିଛି ସଂଗଠନ ଓ ସ୍ୱେଚ୍ଛାସେବୀ ଆପତ୍ତି କରି ପୁଣି ସୁପ୍ରିମକୋର୍ଟକୁ ଯାଇଥିଲେ। ସୁପ୍ରିମକୋର୍ଟ କିଛିଟା କୋହଳ ମନୋଭାବ ପୋଷଣ କରିଥିବା ବେଳେ ଆସନ୍ତା ୭ ତାରିଖରେ ନୂଆ ନୀତି ନିର୍ଦ୍ଧାରଣ ସହ ନିର୍ଦ୍ଦେଶ ଜାରି କରିବେ।   

କୋର୍ଟ ଏହି ମାମଲାରେ ପ୍ରାଣୀ କଲ୍ୟାଣ ବୋର୍ଡକୁ ବାଦୀ କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି। ଏହି ସମୟରେ, ସଲିସିଟର ଜେନେରାଲ ତୁଷାର ମେହେଟା କହିଛନ୍ତି ଯେ ଅଧିକାଂଶ ରାଜ୍ୟ ସେମାନଙ୍କର ଅନୁପାଳନ ସତ୍ୟପାଠ ଦାଖଲ କରିଛନ୍ତି। ଏହା ପରେ, ସୁପ୍ରିମକୋର୍ଟ ନଭେମ୍ବର ୭ ତାରିଖରେ ତାଙ୍କର ନିଷ୍ପତ୍ତି ସ୍ଥିର କରିଛନ୍ତି ଏବଂ ନିର୍ଦ୍ଦେଶ ଦେଇଛନ୍ତି ଯେ ସେହି ତାରିଖରେ ମୁଖ୍ୟ ସଚିବମାନଙ୍କୁ ବ୍ୟକ୍ତିଗତ ଭାବରେ ଉପସ୍ଥିତ ରହିବାକୁ ପଡ଼ିବ ନାହିଁ। ତଥାପି, କୋର୍ଟ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଯଦି ତାଙ୍କ ନିର୍ଦ୍ଦେଶ ପାଳନରେ କୌଣସି ତ୍ରୁଟି ଥାଏ, ତେବେ ସେ ମୁଖ୍ୟ ସଚିବମାନଙ୍କୁ ପୁଣି ଥରେ ସମନ କରିପାରିବେ। 

ଗତ ଶୁଣାଣିରେ, କୋର୍ଟ ମୁଖ୍ୟ ସଚିବମାନଙ୍କୁ ହାଜର ହେବାକୁ ନିର୍ଦ୍ଦେଶ ଦେଇଥିଲେ

ପୂର୍ବରୁ, ଅକ୍ଟୋବର ୨୭ ତାରିଖରେ ହୋଇଥିବା ଶୁଣାଣିରେ, ସୁପ୍ରିମକୋର୍ଟ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକର ମୁଖ୍ୟ ସଚିବମାନଙ୍କୁ ନଭେମ୍ବର ୩ ତାରିଖରେ କୋର୍ଟରେ ବ୍ୟକ୍ତିଗତ ଭାବରେ ହାଜର ହେବାକୁ ଏବଂ ଅଗଷ୍ଟ ୨୨ତାରିଖର ନିର୍ଦ୍ଦେଶ ସତ୍ତ୍ୱେ କାହିଁକି ଅନୁପାଳନ ସତ୍ୟପାଠ ଦାଖଲ କରାଯାଇ ନାହିଁ ତାହା ସ୍ପଷ୍ଟ କରିବାକୁ ନିର୍ଦ୍ଦେଶ ଦେଇଥିଲେ। ସେହି ସମୟରେ, କୋର୍ଟ ନିର୍ଦ୍ଦେଶ ପାଳନ ନ ହେବା ଉପରେ ଅସନ୍ତୋଷ ପ୍ରକାଶ କରିଥିଲେ ଏବଂ କହିଥିଲେ ଯେ ଅକ୍ଟୋବର ୨୭ ତାରିଖ ପର୍ଯ୍ୟନ୍ତ, ପଶ୍ଚିମବଙ୍ଗ, ତେଲେଙ୍ଗାନା ଏବଂ ଦିଲ୍ଲୀ ମ୍ୟୁନିସିପାଲ୍ କର୍ପୋରେସନ୍ (MCD) ବ୍ୟତୀତ, କୌଣସି ରାଜ୍ୟ କିମ୍ବା କେନ୍ଦ୍ରଶାସିତ ଅଞ୍ଚଳ ଅନୁପାଳନ ସତ୍ୟପାଠ ଦାଖଲ କରି ନଥିଲେ। ସେହିପରି ଅଗଷ୍ଟ ୨୨ ତାରିଖରେ, ସୁପ୍ରିମକୋର୍ଟ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକୁ ପଚାରିଥିଲେ ଯେ ପଶୁ ଜନ୍ମ ନିୟନ୍ତ୍ରଣ (ABC) ନିୟମ ପାଳନ ସୁନିଶ୍ଚିତ କରିବା ପାଇଁ ସେମାନେ କ’ଣ ପଦକ୍ଷେପ ନେଉଛନ୍ତି।

ଅଧିକ ପଢନ୍ତୁ: ୩୦୦୦ କୋଟି ଟଙ୍କାର ଠକେଇ ଉପରେ ନିଆଯିବ କଠୋର କାର୍ଯ୍ୟାନୁଷ୍ଠାନ; ଡିଜିଟାଲ ଆରେଷ୍ଟକୁ ନେଇ କଡ଼ା ମନ୍ତବ୍ୟ ଦେଲେ ସୁପ୍ରିମକୋର୍ଟ