ରାଜସ୍ଥାନ ରାଜନୈତିକ ସଙ୍କଟ ମଧ୍ୟରେ, ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ନିକଟ ସମ୍ପର୍କୀୟଙ୍କ ଘରେ ଆୟକର ବିଭାଗର ଚଢାଉ
Khabar Odisha:rajasthan-cm-ashok-gehlot-close-aide-rajeev-arora-dharamender-rathore-income-tax-raid
ଜୟପୁର, ଜୁଲାଇ ୧୩ ( ଖବର ଓଡ଼ିଶା):

ରାଜସ୍ଥାନରେ ଚାଲିଥିବା ରାଜନୈତିକ ସଙ୍କଟ ମଧ୍ୟରେ ମୁଖ୍ୟମନ୍ତ୍ରୀ ଅଶୋକ ଗେହଲୋଟଙ୍କ ପାଖ ଲୋକଙ୍କ ଘର ଉପରେ ଚଢାଉ କରିଛି ଆୟକର ବିଭାଗ । ଆୟକର ବିଭାଗର 200 ରୁ ଅଧିକ ଅଧିକାରୀ ଏବଂ କର୍ମଚାରୀ ଦିଲ୍ଲୀ ଏବଂ ରାଜସ୍ଥାନର ଅନେକ ସ୍ଥାନରେ ଏକା ସାଙ୍ଗରେ ଚଢାଉ କରିଛନ୍ତି । ଅଶୋକ ଗେହଲୋଟଙ୍କ ଅତି ପାଖ ଲୋକ ବୋଲାଉଥିବା ଧର୍ମେନ୍ଦ୍ର ରାଠୋଡ ଏବଂ ରାଜୀବ ଆରୋରାଙ୍କ ଉପରେ ରେଡ କରିଛି ଆୟକର ବିଭାଗ ।

ଆୟକର ବିଭାଗ ଦଳ ବିଶିଷ୍ଠ ଅଳଙ୍କାର ଫାର୍ମ ମାଲିକ ତଥା ସିଏମ ଅଶୋକ ଗେହଲୋଟଙ୍କ ପାଖ ଲୋକ ରାଜୀବ ଆରୋରାଙ୍କ ବିଭିନ୍ନ ଘର ଉପରେ ଏକାସାଙ୍ଗରେ ରେଡ କରିଛି । ସେମାନଙ୍କ ଘର ଏବଂ କାର୍ଯ୍ୟାଳୟରେ ଚଢାଉ ଚାଲିଛି । ବିଶେଷ କଥା ହେଉଛି ଏହି ଚଢାଉର ସୂଚନା ସ୍ଥାନୀୟ ପୋଲିସକୁ ଦିଆଯାଇ ନାହିଁ । ଆୟକର ବିଭାଗର ଟିମ୍ କେନ୍ଦ୍ରୀୟ ରିଜର୍ଭ ପୋଲିସ ଫୋର୍ସକୁ ସାଥିରେ ନେଇ ଏହି ଚଢାଉ ଜାରି ରଖିଥିବା ଜଣାପଡିଛି ।

ରାଜୀବ ଆରୋରା ବ୍ୟତୀତ ଆୟକର ବିଭାଗ ଧର୍ମେନ୍ଦ୍ର ରାଠୋଡଙ୍କ ବାସଭବନ ଏବଂ କାର୍ଯ୍ୟାଳୟ ଉପରେ ମଧ୍ୟ ଚଢାଉ କରୁଛି । ଧର୍ମେନ୍ଦ୍ର ଆରୋରା ମଧ୍ୟ ସିଏମ୍ ଅଶୋକ ଗେହଲୋଟଙ୍କ ଖୁବ ନିକଟତର ବୋଲି କୁହାଯାଉଛି । ସୂତ୍ରରୁ ପ୍ରକାଶ ଯେ ଦେଶ ବାହାରେ କରାଯାଇଥିବା ବ୍ୟବଯାୟିକ କାରବାର ସମ୍ପର୍କରେ ରାଜୀବ ଆରୋରା ଏବଂ ଧର୍ମେନ୍ଦ୍ର ରାଠୋରଙ୍କୁ ପଚରାଉଚରା କରିବା ପାଇଁ ଏହି ରେଡ କରାଯାଇଥିବା ଜଣାପଡିଛି ।

  • Tags:

Subscribe

National International State Sports Entertainment