ବିଲରେ କାମ କରୁଥିବା ବେଳେ ମୃତ୍ୟୁ ଘଟିଲେ ୫ ଲକ୍ଷ ଟଙ୍କା ଦେବେ ଯୋଗୀ ସରକାର
Khabar Odisha:national-odisha-uttar-pradesh-government-to-give-financial-help-to-family-of-farmer-if-one-dies-due-to-accident-
ଲକ୍ଷ୍ନୌ, ଜାନୁଆରୀ୨୧(ଖବର ଓଡ଼ିଶା):

 ଉତ୍ତର ପ୍ରଦେଶ ସରକାର ଖେତରେ କାମ କରୁଥିବା ସମୟରେ ଦୁର୍ଘଟଣାର ଶିକାର  ହୋଇ ଯଦି କୌଣସି ଚାଷୀଙ୍କ ମୃତ୍ୟୁ ଘଟେ ତେବେ ତାଙ୍କ ପରିଜନଙ୍କୁ ଅନୁକମ୍ପାମୂଳକ ପାଞ୍ଚ ଲକ୍ଷ ଟଙ୍କାର ସହାୟତା ରାଶି ଦିଆଯିବ। ମଙ୍ଗଳବାର ହୋଇଥିବା କ୍ୟାବିନେଟ୍  ବୈଠକରେ ଏହି ନିଷ୍ପତ୍ତି ନିଆଯାଇଛି ଯେ କୃଷକଙ୍କୁ ମୁଖ୍ୟମନ୍ତ୍ରୀ କୃଷକ ଦୁର୍ଘଟଣା କଲ୍ୟାଣ ଯୋଜନା ଆଧାରରେ ଦୁର୍ଘଟଣାରେ ମୃତ୍ୟୁ ଘଟୁଥିବା କିମ୍ବା ଦିବ୍ୟାଙ୍ଗ ହେଲେ ସରକାରଙ୍କ ପକ୍ଷରୁ ସହାୟତା ଦିଆଯିବ। 

ଏହି ଯୋଜନା ମୁତାବକ ଖେତରେ କାମ କରୁଥିବା ସମୟରେ କୃଷକ କିମ୍ବା ତାର ପରିବାରର କୌଣସି ସଦସ୍ୟଙ୍କ ଦୁର୍ଘଟଣାରେ ମୃତ୍ୟୁ ଘଟେ ତେବେ ସରକାରଙ୍କ ପକ୍ଷରୁ ପାଞ୍ଚ ଲକ୍ଷ ଟଙ୍କାର ସହାୟତା ରାଶି ଦିଆଯିବ। ଏହା ବ୍ୟତୀତ ଦୁର୍ଘଟଣାରେ ଯଦି କୃଷକଙ୍କ ପରିବାର  ଲୋକଙ୍କ ୬୦ ପ୍ରତିଶତରୁ ଅଧିକ ଦିବ୍ୟାଙ୍ଗ ହୋଇଯାଏ ତେବେ ଦୁଇ ଲକ୍ଷ ଟଙ୍କାର ସହାୟତା ରାଶି ସରକାରଙ୍କ ପକ୍ଷରୁ ପ୍ରଦାନ କରାଯିବ। ଏଥିରେ ୧୮ ବର୍ଷରୁ ୭୦ ବର୍ଷ ବୟସର କୃଷକ ଓ ତାର ପରିବାର ଲୋକଙ୍କୁ ସାମିଲ ହେବେ। ଏହି ଯୋଜନା ୨୦୧୪ ସେପ୍ଟେମ୍ବର ୨୦୧୯ରୁ ପିଛିଲା ଭାବେ ଲାଗୁ  ହେବ। 

ରାଜ୍ୟ ସରକାରଙ୍କ ଏହି ଯୋଜନାରେ ପ୍ରାୟ ଦୁଇ କୋଟି ୩୮ ଲକ୍ଷ ୨୨ ହଜାର  କୃଷକ ଉପକୃତ ହେବେ। ଏଥିରେ ଭାଗଚାଷ କରୁଥିବା କୃଷକ ମଧ୍ୟ ସାମିଲ। ମନ୍ତ୍ରିମଣ୍ଡଳ  ବୈଠକ ପରେ ସାମ୍ବାଦିକଙ୍କ ସହ ଆଲୋଚନା ବେଳେ ସରକାରଙ୍କ ମନ୍ତ୍ରୀ ତଥା ମୁଖପାତ୍ର ଶ୍ରୀକାନ୍ତ ଶର୍ମା ଓ ସିଦ୍ଧାର୍ଥ ନାଥ ସିଂହ ଏହି ସୂଚନା ଦେଇଛନ୍ତି। ମୁଖ୍ୟମନ୍ତ୍ରୀ କୃଷକ ଦୁର୍ଘଟଣା କଲ୍ୟାଣ ଯୋଜନା ଆଧାରରେ ରାଜ୍ୟର ସୀମାନ୍ତ କୃଷକ, ଲଘୁ, ମଧ୍ୟମ, ବଡ଼ କୃଷକଙ୍କୁ ସାମିଲ କରାଯିବ।

Subscribe

National International State Sports Entertainment