ଜମ୍ମୁ-କାଶ୍ମୀରର ପହଲଗାମରେ ହୋଇଥିବା ଆତଙ୍କବାଦୀ ଆକ୍ରମଣ ପରେ, ରାଜସ୍ଥାନ ପୋଲିସର ଗୁଇନ୍ଦା ବିଭାଗକୁ ଏକ ବଡ଼ ସଫଳତା ମିଳିଛି। ରାଜସ୍ଥାନର ଜୈସେଲମେର ଅଞ୍ଚଳରୁ ଜଣେ ପାକିସ୍ତାନ ଗୁପ୍ତଚରକୁ ଗିରଫ କରାଯାଇଛି। ଅଭିଯୁକ୍ତ ଜଣକ ହେଉଛି ପଠାନ ଖାନ୍। ସେ ରାଜସ୍ଥାନର ନାଗରିକ ହୋଇଥିବା ବେଳେ ପାକିସ୍ତାନର ଗୁଇନ୍ଦା ସଂସ୍ଥା ଇଣ୍ଟର ସର୍ଭିସ ଇଣ୍ଟେଲିଜେନ୍ସ (ଆଇଏସଆଇ) ପାଇଁ ଗୁପ୍ତଚର ଭାବେ କାର୍ଯ୍ୟ କରୁଥିଲା। ରାଜସ୍ତାନର ଗୁଇନ୍ଦା ବିଭାଗ ତା’କୁ ଗିରଫ କରିଛି। 

ଟଙ୍କା ଲୋଭରେ ହୋଇଥିଲା ଡିଲ୍‌:

ପ୍ରାରମ୍ଭିକ ତଦନ୍ତରୁ ଜଣାପଡ଼ିଛି ଯେ ଅଭିଯୁକ୍ତ ପଠାଣ ଖାନ ୨୦୧୩ରେ ଗୁପ୍ତଚର ତାଲିମ ନେବା ପାଇଁ ପାକିସ୍ତାନ ଯାଇଥିଲେ। ତାଙ୍କୁ ISI ଅଧିକାରୀମାନେ ଏକ ମୋବାଇଲ୍ ସିମ୍ ଯୋଗାଇ ଦେଇଥିଲେ। ଟଙ୍କା ଲୋଭରେ, ସେ ISI ହ୍ୟାଣ୍ଡଲରମାନଙ୍କୁ ରଣନୈତିକ ସୁରକ୍ଷା ଏବଂ ସେନା ଗତିବିଧି ସମ୍ପର୍କରେ ସୂଚନା ପଠାଉଥିଲେ। ସେ ଏହି ସୂଚନା ସୋସିଆଲ ମିଡିଆ ମାଧ୍ୟମରେ ପ୍ରଚାର କରୁଥିଲେ। ଏହା ସହିତ, ସେ ପରେ ମଧ୍ୟ ପାକିସ୍ତାନ ଯିବା ବିଷୟରେ ସୂଚନା ମିଳିଥିଲା।

ଅଭିଯୁକ୍ତ ସୀମାନ୍ତରେ ଅବସ୍ଥିତ ଏକ ଗାଁର ବାସିନ୍ଦା: 

ଗୁପ୍ତଚର ଅଭିଯୋଗରେ ଅଭିଯୁକ୍ତ ପଠାଣ ଖାନ ଅନ୍ତର୍ଜାତୀୟ ସୀମାନ୍ତରେ ଅବସ୍ଥିତ ଜିରୋ ଆରଡି ମୋହନଗଡ଼ର ବାସିନ୍ଦା। ଏହାର ସୁଯୋଗ ନେଇ, ସେ ପାକିସ୍ତାନର ଗୁଇନ୍ଦା ସଂସ୍ଥା, ISI ର ହ୍ୟାଣ୍ଡଲରମାନଙ୍କ ସହିତ ରଣନୈତିକ ଗୁରୁତ୍ୱ ଏବଂ ସେନାର ଗତିବିଧି ସହ ଜଡିତ ସୂଚନା ନିରନ୍ତର ଦେଉଥିଲେ। ସୂଚନା ବଦଳରେ ସେ ISI ଠାରୁ ଟଙ୍କା ପାଇଥିବା ମଧ୍ୟ ଜଣାପଡିଛି।

ସୁରକ୍ଷା ଏଜେନ୍ସି କରିବ ପଚରାଉଚରା: 

ପ୍ରକୃତରେ, ପଠାନ ଖାନଙ୍କୁ ଜୈସଲମେରରୁ ହେପାଜତକୁ ନିଆଯାଇ ଜୟପୁର ଅଣାଯାଇଛି। ପ୍ରାରମ୍ଭିକ ପଚରାଉଚରା ସମୟରେ ବହୁତ ସୂଚନା ମିଳିଛି। ଏବେ ଗୁଇନ୍ଦା ଦଳ ତାଙ୍କୁ ଏନେଇ ଭଲଭାବେ ପଚରାଉଚରା କରିବେ। ଏହା ସହିତ କେନ୍ଦ୍ରୀୟ ତଦନ୍ତ ଏଜେନ୍ସିଗୁଡ଼ିକର ଦଳ ତାଙ୍କୁ ମଧ୍ୟ ପଚରାଉଚରା କରିବେ। ଏହି ପଚରାଉଚରା ସମୟରେ ଅନ୍ତର୍ଜାତୀୟ ସୀମାରେ ଗୁପ୍ତଚର ନେଟୱାର୍କ ସହ ଜଡିତ ଅନେକ ଗୁରୁତ୍ୱପୂର୍ଣ୍ଣ ସୂଚନା ସାମ୍ନାକୁ ଆସିବାର ସମ୍ଭାବନା ରହିଛି ଏବଂ ଅନେକ ଖୁଲାସା ହେବାର ସମ୍ଭାବନା ରହିଛି।