ଆଜି ବିଶ୍ୱ ଜନସଂଖ୍ୟା ଦିବସ
Khabar Odisha:World-Population-Day-2020
ନୂଆଦିଲ୍ଲୀ, ଜୁଲାଇ 11(ଖବର ଓଡ଼ିଶା):

ପୁରା ବିଶ୍ୱରେ କ୍ଷୀପ୍ର ଗତିରେ ବଢୁଥିବା ଜନସଂଖ୍ୟାକୁ ଆଡକୁ ଲୋକଙ୍କ ଧ୍ୟାନ ଆକର୍ଷିତ କରିବାକୁ ପ୍ରତିବର୍ଷ ଜୁଲାଇ ୧୧ ତାରିଖରେ ଅର୍ଥାତ୍ ଆଜିର ଦିନରେ ପାଳିତ ହୁଏ ବିଶ୍ୱ ଜନସଂଖ୍ୟା ଦିବସ।

ଦିନକୁ ଦିନ ବିଷ୍ଫୋଟକ ଭାବରେ ବଢୁଥିବା ଜନସଂଖ୍ୟା ପ୍ରାୟ ସବୁ ବିକାଶଶୀଳ ଦେଶ ପାଇଁ ଏକ ପ୍ରମୁଖ ସମସ୍ୟା ହୋଇ ଛିଡା ହୋଇଛି । କିନ୍ତୁ ଚଳିତ ବର୍ଷ କରୋନା ମହାମାରୀ କବ୍ଚାରେ ସମଗ୍ର ବିଶ୍ୱ । ଏଥିପାଇଁ ୨୦୨୦ ବା ଚଳିତ ବର୍ଷ ବିଶ୍ୱ ଜନସଂଖ୍ୟା ଦିବସରେ ଥିମ୍ ରଖାଯାଇଛି- "How to safeguard the health and rights of women and girls now" ବର୍ତମାନ ମହାମାରୀ ସମୟରେ ପ୍ରଜଜନ ସ୍ୱାସ୍ଥ୍ୟ, ପରିବାର ଯୋଜନା ଏବଂ ମାନସିକ ସ୍ୱାସ୍ଥ୍ୟ ବିପର୍ଯ୍ୟସ୍ଥ ହୋଇପଡିଛି, କାରଣ ଏବେ ବିଶ୍ୱର ସମ୍ପୂର୍ଣ୍ଣ ସ୍ୱାସ୍ଥ୍ୟ ବ୍ୟବସ୍ଥା କେବଳ କରୋନା ସହିତ ଲଢେଇ କରୁଛି । ଏବଂ ଏଭଳି ସମୟରେ ମହିଳା ଓ ଟିଅମାନଙ୍କ ସ୍ୱାସ୍ଥ୍ୟ ଓ ଅଧିକାରକୁ କିପରି ସୁରକ୍ଷିତ ରଖାଯିବ? ଚଳିତ ବର୍ଷ ଏମିତି ଗୋଟିଏ ଥିମ୍ ରଖି ସଂଯୁକ୍ତ ରାଷ୍ଟ୍ର ଗୁଡିକ ଚିନ୍ତା ପ୍ରକଟ କରିଛନ୍ତି ।

ତେବେ ବିଶ୍ୱର ଜନସଂଖ୍ୟା ଆୟତରେ ଆଣିବାକୁ ହେଲେ ସର୍ବ ପ୍ରଥମେ ମହିଳା ମାନଙ୍କୁ ସଚେତନ କରାଇବା ସହିତ ସେମାନଙ୍କ ସ୍ୱାସ୍ଥ୍ୟ ଉପରେ ବି ବିଶେଷ ଧ୍ୟାନ ଦେବା ଆବଶ୍ୟକ । ବର୍ତମାନ ବି ଅନେକ ଦେଶରେ ମହିଳା ମାନେ ଅସୁରକ୍ଷିତ ଭାବରେ କାର୍ଯ୍ୟ କରୁଛନ୍ତି । ତାଙ୍କ ସୁରକ୍ଷା ବାବଦରେ ଏତେ ଚିନ୍ତା କରାଯାଉନାହିଁ ଯେତେବେଳେ କି ବିଶ୍ୱର ପ୍ରାୟ ୬୦ପ୍ରତିଶତ ମହିଳା ଅଣଔପଚାରିକ ଭାବେର ଅର୍ଥବ୍ୟବସ୍ଥାରେ ଯୋଗଦାନ କରିଥାନ୍ତି ।

ପୂର୍ବରୁ ମହିଳା ମାନେ ସମସ୍ୟା ମଧ୍ୟ ଦେଇ ଗତି କରୁଛନ୍ତି ଏବଂ ଏବେ କରୋନା ସଙ୍କଟ ସମୟରେ ସେମାନେ ହିଁ ସବୁଠାରୁ ଅଧିକ ପ୍ରଭାବିତ ହୋଇଛନ୍ତି । ତେବେ ଗୋଯିଏ ରିପୋର୍ଟ ଅନୁଯାଇ କରୋନା କାଳରେ ୫ବର୍ଷରୁ କମ୍ ଶିଶୁ ଓ ତାଙ୍କ ମା’ ମାନଙ୍କୁ ପ୍ରର୍ଯ୍ୟାପ୍ତ ସ୍ୱାସ୍ଥ୍ୟ ସେବା ଓ ପୋଷକ ତତ୍ୱ ମିଳିପାରୁ ନାହିଁ । ଯାହା ଫଳରେ ସେମାନଙ୍କ ମୃତ୍ୟୁ ହାର ବି ବଢିଛି ।

କେବଳ କରୋନା କାଳରେ ମହିଳା ମାନଙ୍କ ମୃତ୍ୟୁ ହାର ୧୨ହଜାରୁ ଉର୍ଦ୍ଧ୍ୱ ଥିବା ବେଳେ ଶିଶୁମାନଙ୍କର ମୃତ୍ୟୁ ସଂଖ୍ୟା ୨ଲକ୍ଷ ପାର କରିଛି । ଏଭଳି ସ୍ଥିତିରେ ବିଶ୍ୱ ଜନସଂଖ୍ୟାର ସ୍ୱଛଳତାକୁ ଦୃଷ୍ଟିରେ ରଖି ଏଭଳି ଏକ ଥିମ୍ ନିଆଯାଇଛି । ଏବଂ କରୋନା ସଙ୍କଟ ସମୟରେ ମହିଳା ମାନଙ୍କୁ ନିଜ ସ୍ୱାସ୍ଥ୍ୟ ପ୍ରତି ଅଧିକ ସଚେତନ ହେବା ସହିତ ନିଜ ଶିଶୁ ମାନଙ୍କୁ ବି ଖାସ୍ ଧ୍ୟାନ ରଖିବାକୁ ନିବେଦନ କରାଯାଇଛି ।

ତେବେ ଏହି ବିଶ୍ୱ ଜନସଂଖ୍ୟା ଦିବସ ପ୍ରଥମ ଥର ପାଇଁ ୧୯୮୯ ମସିହାରେ ଆରମ୍ଭ କରାଯାଇଥିଲା । ସେହିସମୟରେ ସାରା ବିଶ୍ୱର ଜନସଂଖ୍ୟା ୫୦୦କୋଟି ଥିଲା । କିନ୍ତୁ ଯାହା ସମୟ କ୍ରମେ ଅତି ଦୃତ ଗତିରେ ବୃଦ୍ଧି ପାଇବାରେ ଲାଗିଛି । ଯାହାର ଫଳ ସ୍ୱରୁପ ବର୍ତମାନ ଲୋକମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି । ତେବେ ବିଶ୍ୱ ଜନ ସଂଖ୍ୟା ଦିବସର ମୁଖ୍ୟ ଉଦ୍ଦେଶ୍ୟ ହେଲା ବିଶ୍ୱରେ ବଢୁଥିବା ଜନସଂଖ୍ୟା ବିଷୟରେ ଲୋକମାନଙ୍କୁ ସଚେତନ କରାଇବା ଏବଂ ଜନସଂଖ୍ୟା ବୃଦ୍ଧି ଫଳରେ କଣ ସବୁ ସ୍ୱାସ୍ଥ୍ୟ ସମସ୍ୟା ସହିତ ସାମାଜିକ ସମସ୍ୟା ଉତ୍ପନ୍ନ ହୋଇପାରେ ସେ ସବୁ ବିଷୟରେ ଅବଗତ କରାଇବା ।

  • Tags:

Subscribe

National International State Sports Entertainment