ମୁମ୍ବାଇ: ଥିଏଟରେ ରିଲିଜ୍ ହେବା ପରଠାରୁ ଚର୍ଚ୍ଚାରେ ଅଛି ଫିଲ୍ମ “ଧୁରନ୍ଧର”। ଆକ୍ସନ-ଥ୍ରୀଲରରେ ଭରପୁର ଏହି ଫିଲ୍ମ ସୋସିଆଲ ମିଡିଆର ସିରୋନାମାରେ ଅଛି। ପୂରା ସିନେମା-ହଲ୍ ପ୍ରଶଂସାରେ ପ୍ରକମ୍ପିତ ହୋଇଠୁଛି। ଏହାରି ଭିତରେ ସୋସିଆଲ ମିଡିଆରେ ଚର୍ଚ୍ଚା ହେଉଛିଯେ ରଣବୀର ସିଂ ଯେଉଁ ଭୂମିକାରେ ଏହି ସିନେମାରେ ଅଭିନୟ କରିଛନ୍ତି ସେ ହେଉଛନ୍ତି ଭାରତୀୟ ଗୁପ୍ତଚର ମେଜର ମୋହିତ ଶର୍ମା। ତାଙ୍କ ବିଷୟରେ ବହୁତ କମ୍ ଲୋକ ଜାଣନ୍ତି। ସେ ନିଜ ଦେଶକୁ ସୁରକ୍ଷା ଦେବା ପାଇଁ ନିଜ ଜୀବନକୁ ମଧ୍ୟ ବାଜି ଲଗାଇଦେଇଥିଲେ।

ପ୍ରକୃତ ଯାତ୍ରା NDAରେ ଆରମ୍ଭ ହୋଇଥିଲା

ମେଜର ମୋହିତ ଶର୍ମା ହରିୟାଣାର ରୋହତକରେ ଜନ୍ମଗ୍ରହଣ କରିଥିଲେ, କିନ୍ତୁ ସେ ତାଙ୍କ ପିଲାଦିନ ଗାଜିଆବାଦରେ ବିତାଇଥିଲେ। ଗାଜିଆବାଦର DPS ରୁ ଦ୍ୱାଦଶ ଶ୍ରେଣୀ ପାସ୍ କରିବା ପରେ, ସେ ଶେଗାଓଁର ଏକ ଇଞ୍ଜିନିୟରିଂ କଲେଜରେ ନାମ ଲେଖାଇଥିଲେ। କିନ୍ତୁ, NDA ପରୀକ୍ଷା ତାଙ୍କ ଜୀବନର ସମ୍ପୂର୍ଣ୍ଣ ଗତି ବଦଳାଇ ଦେଇଥିଲା। ୧୯୯୫ ମସିହାରେ, ଭୋପାଳରେ SSB ସାକ୍ଷାତକାର ଉତ୍ତୀର୍ଣ୍ଣ ହେବା ପରେ, ସେ NDAରେ ପ୍ରବେଶ କରିଥିଲେ ଏବଂ ୧୯୯୮ ମସିହାରେ, ସେ ଡେରାଡୁନର IMA ରେ ସାମରିକ ତାଲିମ ଗ୍ରହଣ କରିଥିଲେ। ତା'ପରେ ସେ ୧୯୯୯ ମସିହାରେ ମେଜର ହୋଇଥିଲେ ଏବଂ 5ମ ମାଡ୍ରାସ ରେଜିମେଣ୍ଟରେ ସେବା କରିଥିଲେ। ତା'ପରେ ସେ ସେନାର ଜଣେ ଦାୟିତ୍ୱବାନ ଅଧିକାରୀ ଭାବରେ ନିଜକୁ ପ୍ରତିଷ୍ଠିତ କରିବା ଆରମ୍ଭ କରିଥିଲେ।

ମେଜର ମୋହିତ ଜଣେ ଚମତ୍କାର ସୈନିକ ଏବଂ ଜଣେ ଅତ୍ୟନ୍ତ ଦକ୍ଷ କ୍ରୀଡାବିତ୍ ମଧ୍ୟ ଥିଲେ। ସେ ଜଣେ ଘୋଡା ଚାଳନା ଚାମ୍ପିଅନ୍, ଜଣେ ଫେଦରୱେଟ୍ ବକ୍ସିଂ ଚାମ୍ପିଅନ୍ ଏବଂ ଜଣେ ଦକ୍ଷ ସନ୍ତରଣକରୀ ମଧ୍ୟ ଥିଲେ। ତାଙ୍କର ପ୍ରଥମ ପୋଷ୍ଟିଂ ହାଇଦ୍ରାବାଦରେ ହୋଇଥିଲା। ତାଙ୍କୁ ୨୦୦୨ରେ ତାଙ୍କୁ ଜମ୍ମୁ ଏବଂ କାଶ୍ମୀରର 38ତମ ରାଷ୍ଟ୍ରୀୟ ରାଇଫଲ୍ସକୁ ପଠାଯାଇଥିଲା, ଯେଉଁଠାରେ ସେ ତାଙ୍କ ସାହସିକତା ପାଇଁ COAS ପ୍ରଶଂସା କାର୍ଡ ପାଇଥିଲେ। ୨୦୦୩ରେ, ସେ ପ୍ରଥମ ପାରା ସ୍ପେଶାଲ୍ ଫୋର୍ସରେ ଯୋଗ ଦେଇଥିଲେ, ଯେଉଁଠାରେ ସେ ନିଜକୁ ପ୍ରମାଣ କରି ଦେଖାଇପାରିଥିଲେ। ସେ ବେଲଗାମରେ ଦୁଇ ବର୍ଷ ତାଲିମ ନେଇଥିଲେ, ଯେଉଁଠାରେ ତାଙ୍କର ବୁଦ୍ଧି ଏବଂ ରଣନୀତି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା।

ଶତ୍ରୁଙ୍କ ମଧ୍ୟରେ ଅନୁପ୍ରବେଶ କରି ଏକ ଉପଯୁକ୍ତ ଜବାବ ଦେଇଥିଲେ

୨୦୦୪ରେ ଏକ ଅପରେସନରେ, ମୋହିତ ଶର୍ମା ଅକଳ୍ପନୀୟ ବିପଦ ନେଇଥିଲେ। ସେହି ସମୟରେ, ଦୁଇଜଣ ବିପଦପୂର୍ଣ୍ଣ ହିଜବୁଲ ମୁଜାହିଦ୍ଦିନ ଆତଙ୍କବାଦୀ, ଆବୁ ତୋରାରା ଏବଂ ଆବୁ ସବଜାର, ନିୟନ୍ତ୍ରଣ ରେଖା ପାର କରିବାକୁ ଯାଉଥିଲେ। ସେମାନଙ୍କୁ ଧରିବା ପାଇଁ, ମୋହିତ ନିଜକୁ ଛଦ୍ମବେଶରେ ରଖି ଇଫତଖାର ଭଟ୍ ନାମକ ଜଣେ କାଶ୍ମୀରୀ ଯୁବକ ଭାବରେ ସେମାନଙ୍କୁ ଭେଟିଥିଲେ। ସେ ଏକ କାହାଣୀ ରଚନା କରିଥିଲେ ଯେ ତାଙ୍କ ଭାଇ ୨୦୦୧ ମସିହାରେ ଏକ ସେନା ଚେକପୋଷ୍ଟରେ ନିହତ ହୋଇଥିଲେ ଏବଂ ସେ ଏବେ ପ୍ରତିଶୋଧ ନେବାକୁ ଚାହାଁନ୍ତି। ଏହି ବାହାନାରେ, ସେ ଆତଙ୍କବାଦୀମାନଙ୍କ ମଧ୍ୟରେ ଅନୁପ୍ରବେଶ କରିଥିଲେ। ସେ ସେମାନଙ୍କ ସହିତ ପ୍ରାୟ ଦୁଇ ମାସ ବିତାଇଥିଲେ, ସେମାନଙ୍କର ବିଶ୍ୱାସ ହାସଲ କରିଥିଲେ। ତା'ପରେ ଆତଙ୍କବାଦୀମାନେ ତାଙ୍କୁ ସହଯୋଗୀ ଭାବି ଅସ୍ତ୍ର ମଧ୍ୟ ଦେଇଥିଲେ। ମୋହିତଙ୍କୁ ସଠିକ୍ ସୁଯୋଗ ମିଳିବା ପରେ ଆତଙ୍କବାଦୀଙ୍କୁ ନିପାତ କରିଥିଲେ। ଏହି ଅପରେସନ୍ ଏକ ଉଲ୍ଲେଖନୀୟ ଗୁପ୍ତଚର ଏବଂ ରଣନୈତିକ ମିଶନ ଭାବରେ ସେନା ରେକର୍ଡରେ ଲିପିବଦ୍ଧ ହୋଇ ରହିଛି।