କ୍ୟାରିବିଆନ୍ ଦେଶ ହାଇତି ଏବେ ଗୃହଯୁଦ୍ଧର ବାତାବରଣ ରହିଛି । ଏଭଳି ସ୍ଥିତିରେ ବଢୁଥିବା ହିଂସା ଓ ଜରୁରୀକାଳୀନ ପରିସ୍ଥିତିରେ ଆମେରିକା ସେନା ନିଜ ଦୂତାବାସରୁ ଅନେକ କର୍ମଚାରୀଙ୍କୁ ସ୍ଵତନ୍ତ୍ର ବିମାନରେ ଏୟାରଲିଫ୍ଟ କରି ପ୍ରତ୍ୟାହାର କରିନେଇଛି । ହିଂସା ବୃଦ୍ଧି, ସରକାରଙ୍କ ପାଇଁ ବିପଦ ସୃଷ୍ଟି କରିବା ଏବଂ ବହୁ ସଂଖ୍ୟକ ବିସ୍ଥାପିତଙ୍କୁ ପ୍ରୋତ୍ସାହନ ଦେବା ପରେ ଆମେରିକା ଏହି ପଦକ୍ଷେପ ନେଇଛି ।

ଚଳିତ ମାସ ପ୍ରାରମ୍ଭରେ ସଶସ୍ତ୍ର ଗ୍ୟାଙ୍ଗ ହାଇତିର ଦୁଇଟି ବୃହତ୍ତମ ଜେଲରେ ବଳପୂର୍ବକ ପ୍ରବେଶ କରିଥିଲା । ଫଳରେ ହଜାର ହଜାର କଏଦୀ ଜେଲରୁ ଫେରାର ହୋଇଯାଇଥିଲେ । ସଶସ୍ତ୍ର ଗୋଷ୍ଠୀ ସେମାନଙ୍କ ପ୍ରଧାନମନ୍ତ୍ରୀ ଏରିଏଲ ହେନରିଙ୍କ ଇସ୍ତଫା ଦାବି କରିଛି । ହାଇତିର ପ୍ରଧାନମନ୍ତ୍ରୀ ଦେଶ ଛାଡ଼ି ପଳାଇଛନ୍ତି ଏବଂ ଜାତିସଂଘ ସମର୍ଥିତ ସୁରକ୍ଷା ବାହିନୀର ହସ୍ତକ୍ଷେପ ପାଇଁ ଅନ୍ତର୍ଜାତୀୟ ସମୁଦାୟକୁ ଆହ୍ୱାନ କରୁଛନ୍ତି ।

ଗୃହଯୁଦ୍ଧ ହିଂସାର ନିଆଁରେ କ୍ୟାରିବିଆନ୍ ଦେଶ ହାଇତିର ସ୍ଥିତି କ୍ରମାଗତ ଭାବେ ଖରାପ ହେବାରେ ଲାଗିଛି। ସଶସ୍ତ୍ର ଗ୍ୟାଙ୍ଗ ଦେଶର ରାଜଧାନୀକୁ ନିଜ ଅକ୍ତିଆରକୁ ନେଇଛି । ସେମାନେ ରାଷ୍ଟ୍ରପତି ଭବନ ସମେତ ଅନେକ ସରକାରୀ କୋଠାକୁ ଟାର୍ଗେଟ କରୁଛନ୍ତି । ସଶସ୍ତ୍ର ଗ୍ୟାଙ୍ଗ ଦୋକାନ ଓ ଘର ଭଙ୍ଗାରୁଜା କରିବାରୁ ହାଇତିରେ ୭୨ ଘଣ୍ଟିଆ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି।

ଅଧିକ ପଢ଼ନ୍ତୁ : ବସ ଉପରେ ଛିଡିପଡିଲା ବିଦ୍ୟୁତ ତାର