ନୂଆଦିଲ୍ଲୀ: ଭାରତ ଏବଂ ପାକିସ୍ତାନ ମଧ୍ୟରେ ଚାରି ଦିନର ସଂଘର୍ଷ ପରେ ଶନିବାର ଅସ୍ତ୍ରବିରତି ଘୋଷଣା କରିଛନ୍ତି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଦାବି କରିଛନ୍ତି ଯେ ଆମେରିକାର ମଧ୍ୟସ୍ଥତା ପରେ ଭାରତ ଏବଂ ପାକିସ୍ତାନ ଯୁଦ୍ଧବିରତି ପାଇଁ ରାଜି ହୋଇଛନ୍ତି। 

ମଙ୍ଗଳବାର ଦିନ ଆମେରିକା-ସାଉଦି ନିବେଶ ଫୋରମରେ ଆମେରିକା ରାଷ୍ଟ୍ରପତି ଟ୍ରମ୍ପ କହିଛନ୍ତି ଯେ, ମୋର ସବୁଠୁ ଆଶା ହେଉଛି ଶାନ୍ତି  ସ୍ଥାପନା କରିବା ଏବଂ ଏକତ୍ର ହୋଇ ରହିବା । ମୋତେ ଯୁଦ୍ଧ ପସନ୍ଦ ନୁହେଁ । କିଛି ଦିନ ପୂର୍ବେ ମୋର ପ୍ରଶାସନ ଭାରତ ଓ ପାକିସ୍ତାନ ମଧ୍ୟରେ ବଢୁଥିବା ସଂଘର୍ଷକୁ ରୋକିବାରେ ଅସ୍ତ୍ରବିରତିର ଐତିହାସିକ ସଫଳତା ହାସଲ କରିଛନ୍ତି । ମୁଁ ପାରୁ ପର୍ଯ୍ୟନ୍ତ କାରବାରକୁ ପ୍ରୟୋଗ କରି ଅସ୍ତ୍ରବିରତି ପାଇଁ ଦୁଇ ଦେଶକୁ ରାଜି କରାଇଛି । 

ଟ୍ରମ୍ପ ଦାବି କରିଛନ୍ତି ଯେ ଆମେରିକାର ବୈଦେଶିକ ମନ୍ତ୍ରୀ ମାର୍କୋ ରୁବିଓ ଦୁଇ ଦେଶ ମଧ୍ୟରେ ମଧ୍ୟସ୍ଥତା କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି। ସାମରିକ କାର୍ଯ୍ୟାନୁଷ୍ଠାନ ସମୟରେ, ଆମେରିକାର ବୈଦେଶିକ ମନ୍ତ୍ରୀ ମାର୍କୋ ରୁବିଓ ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କ ସହ ଫୋନ୍ ମାଧ୍ୟମରେ କଥାବାର୍ତ୍ତା କରିଥିଲେ। ସେହି ସମୟରେ  ସେ ପାକିସ୍ତାନ ସହିତ ମଧ୍ୟ ଆଲୋଚନା କରିଥିଲେ।

ଭାରତ ସ୍ପଷ୍ଟ ଭାବରେ କହିଛି ଯେ ଦୁଇ ଦେଶ ମଧ୍ୟରେ ହୋଇଥିବା ଅସ୍ତ୍ରବିରତି ଚୁକ୍ତିନାମାରେ ଆମେରିକାର କୌଣସି ଅବଦାନ ନାହିଁ। ସଂଘର୍ଷ ସମୟରେ କେବଳ ଭାରତୀୟ ଏବଂ ଆମେରିକୀୟ ନେତାମାନଙ୍କ ମଧ୍ୟରେ ଆଲୋଚନା ହେଉଥିଲା। ଯୁଦ୍ଧବିରତି ପାଇଁ ଆମେରିକା ଏବଂ ଭାରତ ମଧ୍ୟରେ କୌଣସି ଚୁକ୍ତି ହୋଇନାହିଁ।