ନୂଆଦିଲ୍ଲୀ: ବିଶ୍ୱଅନିଶ୍ଚିତତା ମଧ୍ୟରେ ଭାରତ ପାଇଁ ଏବେ ସମୟ ଆସିଛି। ଏହା ଦର୍ଶାଉଛି ଯେ ଆଜି ସାରା ବିଶ୍ୱର ଭାରତ ଉପରେ ଅଧିକ ବିଶ୍ୱାସ ରହିଛି। ଖାଲି ସେତିକି ନୁହେଁ, ଦେଶର ଆତ୍ମବିଶ୍ୱାସ ମଧ୍ୟ ଅସାଧାରଣ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଏହା କହିଛନ୍ତି।

ତୃତୀୟ 'କୌଟିଲ୍ୟ ଅର୍ଥନୈତିକ ଶିଖର ସମ୍ମିଳନୀ ୨୦୨୪'କୁ ସମ୍ବୋଧିତ କରି ମୋଦୀ କହିଛନ୍ତି ଯେ ବିଶ୍ୱର ଦୁଇଟି ବଡ଼ ଅଞ୍ଚଳ ଯୁଦ୍ଧ ସ୍ଥିତିରେ ଥିବା ବେଳେ ଏହି କାର୍ଯ୍ୟକ୍ରମ ହେଉଛି। ପ୍ରଧାନମନ୍ତ୍ରୀ କହିଥିଲେ ଯେ ଏହି କ୍ଷେତ୍ରଗୁଡ଼ିକ ବିଶ୍ୱ ଅର୍ଥନୀତି ପାଇଁ ବିଶେଷ କରି ଶକ୍ତି ଦୃଷ୍ଟିରୁ ଗୁରୁତ୍ୱପୂର୍ଣ୍ଣ।

ଭୂ-ରାଜନୈତିକ ପରିସ୍ଥିତି ସତ୍ତ୍ୱେ ଭାରତୀୟ ଅର୍ଥନୀତିରେ ଏବେ ସୁଦୃଢ଼ ଭିତ୍ତିଭୂମି ସହ ଉଲ୍ଲେଖନୀୟ ପରିବର୍ତ୍ତନ ଆସୁଛି। ଭାରତ ହେଉଛି ବିଶ୍ୱର ଦ୍ରୁତ ଅଭିବୃଦ୍ଧିଶୀଳ ଅର୍ଥନୀତି। ଜିଡିପି ଦୃଷ୍ଟିରୁ ଏହା ପଞ୍ଚମ ବୃହତ୍ତମ ଅର୍ଥନୀତି।  

ସ୍ମାର୍ଟଫୋନ୍ ଡାଟା ବ୍ୟବହାରରେ ଆମେ ଏକ ନମ୍ବର ଏବଂ ବିଶ୍ୱସ୍ତରରେ ଦ୍ୱିତୀୟ ବୃହତ୍ତମ ଇଣ୍ଟରନେଟ୍ ବ୍ୟବହାରକାରୀ। ଏଏନଆଇ ଅନୁଯାୟୀ, ମୋଦୀ କହିଛନ୍ତି ଯେ ଭାରତ ପ୍ରତି ବିଶ୍ୱର ନେତା ଏବଂ ଆର୍ଥିକ ବିଶେଷଜ୍ଞମାନେ ଯେଉଁ ଆଶାବାଦ ପ୍ରକାଶ କରିଛନ୍ତି ତାହା କେବଳ ଏକ ଯୋଗାଯୋଗ ନୁହେଁ, ବରଂ ଗତ ଦଶନ୍ଧି ମଧ୍ୟରେ ତାଙ୍କ ସରକାର ଆଣିଥିବା ସଂସ୍କାରର ଏହା ଫଳ। ନିବେଶକମାନେ ବିଶ୍ୱାସ କରନ୍ତି ଯେ ଭାରତରେ ନିବେଶ କରିବା ପାଇଁ ଏହା ହେଉଛି ଉପଯୁକ୍ତ ସମୟ।

ଅଧିକ ପଢ଼ନ୍ତୁ: ପୋଲିସ ସହ ନକ୍ସଲଙ୍କ ଗୁଳିବିନିମୟ : ୩୦ ଜଣ ନକ୍ସଲ ନିହତ