ହ୍ୱିଲ୍ ଚେୟାର ନମିଳିବା କାରଣରୁ ଜଣେ ୮୦ ବର୍ଷ ବୟସ୍କ ଯାତ୍ରୀ ଟର୍ମିନାଲରେ ପଡ଼ି ପ୍ରାଣ ହରାଇବା ଘଟଣାରେ ବେସାମରିକ ବିମାନ ଉଡାଣ ନିର୍ଦ୍ଦେଶାଳୟ (ଡିଜିସିଏ) ‘ଏୟାର ଇଣ୍ଡିଆ’ ଏୟାର ଲାଇନ୍ସ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ବିମାନ ସଂସ୍ଥା ର ଦାୟିତ୍ୱରେ ଅବହେଳା କାରଣରୁ ୩୦ ଲକ୍ଷ ଟଙ୍କାର ଜରିମାନା ଗଣିବ ।
ସୂଚନା ଅନୁସାରେ ୧୨ ଫେବୃଆରୀ ୨୦୨୪ରେ ଜଣେ ୮୦ ବର୍ଷ ବୟସ୍କା ମହିଳା ତାଙ୍କ ସ୍ୱାମୀଙ୍କ ସହ ଆମେରିକାର ନ୍ୟୁୟର୍କରୁ ମୁମ୍ବାଇ ଯାଉଥିଲେ । ମୁମ୍ବାଇର ଛତ୍ରପତି ଶିବାଜୀ ମହାରାଜ ଅନ୍ତର୍ଜାତୀୟ ବିମାନବନ୍ଦରରେ ପହଞ୍ଚିବା ପରେ ଉକ୍ତ ମହିଳାଙ୍କୁ ବିମାନବନ୍ଦରରେ ହ୍ୱିଲ୍ ଚେୟାର ଯୋଗାଇ ଦିଆଯାଇନଥିଲା । ହ୍ୱିଲ୍ ଚେୟାର ଯାତ୍ରୀଙ୍କୁ ନମିଳିବାରୁ ଟର୍ମିନାଲ ପର୍ଯ୍ୟନ୍ତ ସେ ଚାଲି ଚାଲି ଯିବା ସମୟରେ ଟର୍ମିନାଲ ନିକଟରେ ପଡିଯାଇଥିଲେ । ତେବେ ମହିଳାଙ୍କ ମୃତ୍ୟୁ ମାମଲାରେ ବେସାମରିକ ବିମାନ ଚଳାଚଳ ନିର୍ଦ୍ଦେଶାଳୟ (ଡିଜିସିଏ) ଏୟାର ଇଣ୍ଡିଆ ବିରୋଧରେ ବଡ଼ ପଦକ୍ଷେପ ନେଇଛି । ଡିଜିସିଏ ଏୟାର ଇଣ୍ଡିଆ ଉପରେ ୩୦ ଲକ୍ଷ ଟଙ୍କା ଜରିମାନା ଲଗାଇଛି। ଏହାପୂର୍ବରୁ ଡିଜିସିଏ ବିମାନ ଚଳାଚଳ ନିୟମ ପାଳନ ନ କରିବାରୁ ଏୟାରଲାଇନ୍ସକୁ ଏକ କାରଣ ଦର୍ଶାଅ ନୋଟିସ ଜାରି କରିଥିଲା । ସାତ ଦିନ ମଧ୍ୟରେ କମ୍ପାନୀକୁ ଏହାର ଜବାବ ଦେବାକୁ କୁହାଯାଇଥିଲା । ବର୍ତ୍ତମାନ ଏହା ଉପରେ ପଦକ୍ଷେପ ନେଇ ଡିଜିସିଏ ଏୟାର ଇଣ୍ଡିଆ ଉପରେ ୩୦ ଲକ୍ଷ ଟଙ୍କା ଜରିମାନା ଲଗାଇଛି ।
ଅଧିକ ପଢନ୍ତୁ : ରେଳଯାତ୍ରୀଙ୍କ ପାଇଁ ଆସିଲା ଖୁସି ଖବର