ଦିଲ୍ଲୀ: ଦିଲ୍ଳୀର ରୋହିଣୀ ସେକ୍ଟର-୩୨ରେ ରାସ୍ତାକଡ଼ରେ ଥିବା ଏକ ଖୋଲା ଡ୍ରେନ୍‌ରେ ପଡ଼ି ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ୨୩ ବର୍ଷୀୟ ବିରଜୁ କୁମାର ନାମକ ଯୁବକ ଜଣକ ସୋମବାର ଦିନ ରୋହିଣୀରୁ ଏକ ନିର୍ମାଣ ସ୍ଥାନକୁ ଯାଉଥିବା ବେଳେ ତାଙ୍କ ବନ୍ଧୁ ସୂରଜଙ୍କ ସହିତ ଡ୍ରେନ୍‌ରେ ପଡ଼ିଯାଇଥିଲେ। ସୂରଜ ପୋଲିସକୁ କହିଥିଲେ ଯେ ସେ ନିଶାଗ୍ରସ୍ତ ଅବସ୍ଥାରେ ଥିଲେ ଏବଂ ବିରଜୁଙ୍କ ପଡ଼ିବା ବିଷୟରେ ସେ ଅଜ୍ଞ ଥିଲେ।

ମଙ୍ଗଳବାର ଅନ୍ୟମାନେ ପଚାରିବାରୁ ସୂରଜ ପ୍ରଥମେ ମୃତକଙ୍କ ବିଷୟରେ ଜଣାଇଥିଲେ ଏବଂ ପରେ ସେ ଡ୍ରେନ୍‌ରେ ପଡ଼ିଯାଇଥିବା ଦେଖିଥିଲେ। ପୋଲିସ ଏବଂ ଅଗ୍ନିଶମ ବିଭାଗକୁ ସୂଚନା ଦିଆଯାଇଥିଲା। ପାଞ୍ଚ ଘଣ୍ଟାର ସନ୍ଧାନ ପରେ ରାତି ୯ଟାରେ ବିରଜୁଙ୍କ ମୃତଦେହ ଡ୍ରେନ୍‌ରୁ ଉଦ୍ଧାର କରାଯାଇଥିଲା।  

ରିପୋର୍ଟ ଅନୁଯାୟୀ, ବିରଜୁ ବିହାରର ସମସ୍ତିପୁର ଜିଲ୍ଲାର ବଡନାହାର ସାଦିପୁରର ବାସିନ୍ଦା ଥିଲେ। ସେ ରୋହିଣୀ ସେକ୍ଟର-୩୨ରେ ନିର୍ମାଣାଧୀନ ଏକ କୋଠାରେ ଶ୍ରମିକ ଭାବରେ କାମ କରୁଥିଲେ। ସେ ସୁରଜ ଏବଂ ଅନ୍ୟ କର୍ମଚାରୀଙ୍କ ସହିତ ନିର୍ମାଣ ସ୍ଥାନରେ ରହୁଥିଲେ। ସୁରଜ କହିଛନ୍ତି ଯେ ସେ ସୋମବାର ରାତି ପ୍ରାୟ ୮ଟା ସମୟରେ ବିରଜୁଙ୍କ ସହିତ ବାହାରିଥିଲେ। ସେ ମଦ୍ୟପାନ କରି ଆଗକୁ ଚାଲିଯାଇଥିଲେ। ବିରଜୁ ପଛରେ ଥିଲେ। ନିଜ ଗନ୍ତବ୍ୟ ସ୍ଥଳରେ ପହଞ୍ଚିବା ପରେ ସେମାନେ ବିରଜୁଙ୍କୁ ନିଖୋଜ ଥିବା ଦେଖିଥିଲେ।

ନିର୍ମାଣ ସ୍ଥାନରେ ଠିକାଦାରଙ୍କୁ ପଚାରିବାରୁ ସୁରଜ ପ୍ରଥମେ ତାଙ୍କର ନିଖୋଜ ବିଷୟରେ ଜଣାଇଥିଲେ। ପରେ ସେ କହିଥିଲେ ଯେ ସେ ଡ୍ରେନ୍‌ରେ ପଡ଼ିଯାଇଥିବେ। ସମସ୍ତେ ଡ୍ରେନ୍ ପାଖକୁ ଦୌଡ଼ିଥିଲେ। କିନ୍ତୁ କିଛି ପାଇପାରି ନଥିଲେ। ସେମାନେ ପୋଲିସକୁ ଖବର ଦେଇଥିଲେ। ପୋଲିସ ଏକ ସୁପର ସେକର୍ ମେସିନ୍ ସାହାଯ୍ୟରେ ଡ୍ରେନ୍‌ରୁ ପାଣି ପମ୍ପିଂ ଆରମ୍ଭ କରିଥିଲା। ତା’ପରେ ଏକ ଅଗ୍ନିଶମ ବାହିନୀ ଦଳ ପହଞ୍ଚିଲା। ମିଳିତ ଅପରେସନ୍ ପରେ, ପାଞ୍ଚ ଘଣ୍ଟା ପରେ ଯୁବକଙ୍କୁ ଡ୍ରେନ୍‌ରୁ ଉଦ୍ଧାର କରାଯାଇଥିଲା। 

ରୋହିଣୀ ଜିଲ୍ଲା ଅତିରିକ୍ତ ପୋଲିସ କମିଶନର ରାଜୀବ ରଂଜନ କହିଛନ୍ତି, ମଙ୍ଗଳବାର ଦିନ ଅପରାହ୍ନ ୨ଟା ୩୬ ସମୟରେ ରୋହିଣୀର ସେକ୍ଟର-୩୨ରେ ଥିବା ଏକ ଡିଡିଏ ଡ୍ରେନ୍‌ରେ ଜଣେ ଯୁବକ ପଡ଼ିଥିବାର ଏକ ପିସିଆର୍ କଲ୍ ଆସିଥିଲା। ସୂଚନା ପାଇବା ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା। କଲର ଆମିର ହୁସେନ ସେମାନଙ୍କୁ କହିଥିଲେ ଯେ ତାଙ୍କ ବନ୍ଧୁ ସୂରଜ ଏବଂ ବିରଜୁ କୁମାର ରାୟ ସୋମବାର ରାତିରେ ମଦ୍ୟପାନ କରିଥିଲେ। ବିରଜୁ ନିର୍ମାଣ ସ୍ଥଳକୁ ଫେରୁଥିବା ସମୟରେ ଡ୍ରେନ୍ ରେ ପଡ଼ିଯାଇଥିଲେ। ସୂରଜ କହିଛନ୍ତି ଯେ ସେ ସେହି ରାତିରେ କାହାକୁ କିଛି କହି ନଥିଲେ କାରଣ ସେ ମଦ୍ୟପାନ କରିଥିଲେ ଏବଂ ମଙ୍ଗଳବାର ଅପରାହ୍ନରେ ଚେତା ଫେରିବା ମାତ୍ରେ ଆମିର ହୁସେନଙ୍କୁ କହିଥିଲେ। ଡିଡିଏ, ଅଗ୍ନିଶମ ବିଭାଗ ଏବଂ ଅନ୍ୟାନ୍ୟ ସଂସ୍ଥାଗୁଡ଼ିକୁ ସୂଚନା ଦିଆଯାଇଥିଲା। ପୋଲିସ ଦଳ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ମୃତକଙ୍କ ମୃତଦେହ ଡ୍ରେନ୍ ରୁ ବାହାର କରାଯାଇଥିଲା। 

ଅଧିକ ପଢ଼ନ୍ତୁ: ସୋମାଲିଆରେ ଜରୁରୀକାଳୀନ ଅବତରଣ ବେଳେ ଦୁର୍ଘଟଣା