୬,୦୦୦ ତମ ରେଳ ଷ୍ଟେସନରେ ୱାଇ-ଫାଇ ସ୍ଥାପନ କଲା ଭାରତୀୟ ରେଳବାଇ
Khabar Odisha:Railway-Ministry-India-commissions-Wi-Fi-at-6000th-Railway-station

ନୁଆଦିଲ୍ଲୀ,ମେ୧୬(ଖବର ଓଡିଶା); ଯାତ୍ରୀ ଏବଂ ସାଧାରଣ ଜନତାଙ୍କୁ ଡିଜିଟାଲ୍ ସିଷ୍ଟମ ସହିତ ଯୋଡିବା ପାଇଁ ଭାରତୀୟ ରେଳ ଦୂର ଦୂରାନ୍ତରେ ଥିବା ୱାଇ-ଫାଇ ସୁବିଧାକୁ ବିସ୍ତାର କରିବାରେ ଲାଗିଛି।

୧୫,୦୫,୨୦୨୧ ସୁଦ୍ଧା ପୂର୍ବ କେନ୍ଦ୍ରୀୟ ରେଳବାଇର ଧାନବାଦ୍ ଡିଭିଜନରେ ଝଡଖଣ୍ଡ ଜିଲ୍ଲାର ହାଜରିବାଗ ଜିଲ୍ଲା ଅଧୀନରେ ୱାଇ-ଫାଇ କାର୍ଯ୍ୟକ୍ଷମ ହେବା ସହିତ ଭାରତୀୟ ରେଳବାଇ ୬,୦୦୦ ରେଳ ଷ୍ଟେସନରେ ୱାଇ-ଫାଇ ସ୍ଥାପନ କରିଛି । 

ଜାନୁଆରୀ ୨୦୧୬ ରେ ମୁମ୍ବାଇର ପ୍ରଥମ ରେଳ ଷ୍ଟେସନରେ ୱାଇ-ଫାଇ ସୁବିଧା ଯୋଗାଇ ଭାରତୀୟ ରେଳ ଯାତ୍ରା ଆରମ୍ଭ କରିଛି। ଏହା ପରେ ପଶ୍ଚିମବଙ୍ଗର ମିଦନପୋରରେ ୫୦୦୦ ତମ ରେଳ ଷ୍ଟେସନ ଯୋଗାଇ ଦେଇଛି ଏବଂ ୧୫,୦୫,୨୦୨୧ ରେ ୬୦୦୦ ତମ ରେଳ ଷ୍ଟେସନ ଯଥା ହାଜରିବାଗରେ ପହଞ୍ଚିଛି। ସେହି ଦିନ ଓଡ଼ିଶାର ଅନୁଗୁଳ ଜିଲ୍ଲାର ଝାରପଡା ଷ୍ଟେସନକୁ ୱାଇ-ଫାଇ ମଧ୍ୟ ଯୋଗାଇ ଦିଆଯାଇଥିଲା।

ରେଳ ଷ୍ଟେସନରେ ୱାଇ-ଫାଇ ସୁବିଧା ଭାରତ ସରକାରଙ୍କ ଡିଜିଟାଲ୍ ଇଣ୍ଡିଆ ପ୍ରୋଗ୍ରାମର ଲକ୍ଷ୍ୟ ପୂରଣ କରେ । ଏହା ୠ୍ରାମାଞ୍ଚଳ ଏବଂ ସହରା ସହରାଞ୍ଚଳ ନାଗରିକଙ୍କ ମଧ୍ୟରେ ଡିଜିଟାଲ ବିଭାଜନକୁ ଦୂର କରିବ ଯାହାଦ୍ୱାରା ଗ୍ରାମୀଣ ଗ୍ରାମଗୁଡ଼ିକରେ ଡିଜିଟାଲ ପାଦଚିହ୍ନ ବୃଦ୍ଧି ପାଇବ ଏବଂ ବ୍ୟବହାରକାରୀ ଅଭୀଜ୍ଞତା ମଧ୍ୟ ବୃଦ୍ଧି ପାଇବ । ଭାରତୀୟ ରେଳବାଇ ଦ୍ୱାରା ବର୍ତ୍ତମାନ ୬୦୦୦ ଷ୍ଟେସନରେ ୱାଇ-ଫାଇ ସୁବିଧା ଯୋଗାଇ ଦିଆଯାଉଛି । 

ରେଳବାଇକୁ ବିନା ମୂଲ୍ୟରେ ରେଳ ଷ୍ଟେସନରେ ୱାଇ-ଫାଇ ସୁବିଧା ପ୍ରଦାନ କରୁଛି । ରେଳ ମନ୍ତ୍ରଣାଳୟ ଅଧୀନରେ ଥିବା ରେଲ୍‌ଟେଲ ସହାୟତାରେ ଏହି ସୁବିଧା ଯୋଗାଇ ଦିଆଯାଉଛି । ଏହି କାର‌୍ୟ୍ୟ ଗୁଗୁଲ୍, ଡିଓଟି (ୟୁଏସଓଏଫ ଅଧୀନରେ), ପିଜିସିଆଇଏଲ ଏବଂ ଟାଟା ଟ୍ରଷ୍ଟ ସହଭାଗିତାରେ କରାଯାଉଛି ।

୧.ଆନ୍ଧ୍ରପ୍ରଦେଶ-୫୦୯

 ୨.ଅରୁଣାଚଳ ପ୍ରଦେଶ- ୩

୩.ଆସାମ- ୨୨୨

୪.ବିହାର- ୩୮୪

 ୫.ଚଣ୍ଡିଗଡ଼- ୫

 ୬.ଛତିଶଗଡ-୧୧୫

 ୭.ଦିଲ୍ଲୀ- ୨୭

 ୮.ଗୋଆ- ୨୦

 ୯.ଗୁଜୁରାଟ-୩୨୦

 ୧୦.ହରିୟାଣା-୧୩୪

 ୧୧.ହିମାଚଳ ପ୍ରଦେଶ-୨୪

 ୧୨.ଜାମ୍ମୁ କାଶ୍ମୀର- ୧୪

 ୧୩.ଝାଡଖଣ୍ଡ- ୨୧୭

 ୧୪.କର୍ଣ୍ଣାଟକ-୩୩୫

 ୧୫.କେରଳ- ୧୨୦

 ୧୬.ମଧ୍ୟପ୍ରଦେଶ- ୩୯୩

୧୭.ମହାରାଷ୍ଟ୍ର- ୫୫୦

୧୮.ମେଘାଳୟ- ୧

 ୧୯.ମିଜୋରାମ- ୧

 ୨୦.ନାଗାଲାଣ୍ଡ -୩

 ୨୧.ଓଡ଼ିଶା-୨୩୨

 ୨୨.ପଞ୍ଜାବ- ୧୪୬

 ୨୩.ରାଜସ୍ଥାନ- ୪୫୮

୨୪.ସିକ୍କିମ୍- ୧

୨୫.ତାମିଲନାଡୁ-୪୧୮

୨୬.ତେଲେଙ୍ଗାନା- ୪୫

୨୭.ତ୍ରିପୁରା- ୧୯

୨୮.ଉତ୍ତରପ୍ରଦେଶ-୭୬୨

୨୯.ଉତ୍ତରାଖଣ୍ଡ- ୨୪

 ୩୦.ପଶ୍ଚିମବଙ୍ଗ-୪୯୮

  • Tags:

Subscribe

National International State Sports Entertainment