ପରୀକ୍ଷା କେନ୍ଦ୍ରକୁ ହେଲିକପ୍ଟର ଯୋଗେ ଗଲା ପ୍ରଶ୍ନପତ୍ର । ଏମିତି ଏକ ଘଟଣା ଛତିଶଗଡର ସୁକୁମା ଜିଲ୍ଲାରେ ଘଟିଛି । ମାଓବାଦୀଙ୍କ ହିଂସାତ୍ମକ କାଣ୍ଡ ପାଇଁ ଛତିଶଗଡରେ ପ୍ରଶ୍ନପତ୍ରଗୁଡିକ ହେଲିକପ୍ଟର ସାହାଯ୍ୟରେ ପରୀକ୍ଷା କେନ୍ଦ୍ରକୁ ପଠାଯାଇଛି ।
ସୂଚନା ଅନୁସାରେ, ଛତିଶଗଡରେ ଦଶମ ବୋର୍ଡ ପରୀକ୍ଷା ଆସନ୍ତା ମାର୍ଚ୍ଚ ୨ ରୁ ଆରମ୍ଭ ହେବାକୁ ଥିବାବେଳେ ଦ୍ୱାଦଶ ପରୀକ୍ଷା ମାର୍ଚ୍ଚ ୧ରୁ ଆରମ୍ଭ ହୋଇଛି । ଛତିଶଗଡରେ ଗୋଟେ ପଟେ ପରୀକ୍ଷା ଥିବାବେଳେ ଅନ୍ୟପଟେ ମାଓବାଦୀଙ୍କ କାଣ୍ଡ ବଢ଼ିବାରେ ଲାଗିଛି । ଯେଉଁ କାରଣରୁ ଜିଲ୍ଲା ପ୍ରଶାସନ ଏପରି ନିଷ୍ପତ୍ତି ନେଇଛନ୍ତି । ହେଲିକପ୍ଟର ସାହାଯ୍ୟରେ ସୁକୁମା ଜିଲ୍ଲାରୁ ଜଗରଗୋଣ୍ଡା ପରୀକ୍ଷା କେନ୍ଦ୍ରକୁ ପ୍ରଶ୍ନପତ୍ର ପଠାଯାଇଛି । ଛତିଶଗଡର ସୁକୁମା ଜିଲ୍ଲା ମାଓବାଦୀଙ୍କ ଗନ୍ତାଘର ହୋଇଥିବାରୁ ସୁକୁମା ଜିଲ୍ଲାପାଳ ପ୍ରଶ୍ନପତ୍ରଗୁଡିକୁ ପରୀକ୍ଷାକେନ୍ଦ୍ରରେ ସୁରକ୍ଷିତ ଭାବରେ ପହଞ୍ଚାଇବା ପାଇଁ ହେଲିକପ୍ଟରରେ ପ୍ରଶ୍ନପତ୍ର ପଠାଇଛନ୍ତି । ପିଲାଙ୍କ ଭବିଷ୍ୟତକୁ ଦୃଷ୍ଟିରେ ରଖି ସୁକୁମା ଜିଲ୍ଲାପାଳ ଯବାନଙ୍କ ସୁରକ୍ଷାରେ ପ୍ରଶ୍ନପତ୍ର ପରୀକ୍ଷା କେନ୍ଦ୍ରକୁ ପଠାଇଛନ୍ତି ।
ଆଗକୁ ପଢ଼ନ୍ତୁ : ରେଳଯାତ୍ରୀଙ୍କ ପାଇଁ ଆସିଲା ଖୁସି ଖବର