ଶ୍ରୀହରିକୋଟା: ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ଏହାର ୧୦୧ତମ ଐତିହାସିକ ପ୍ରକ୍ଷେପଣ ସମୟରେ ଏକ ବଡ଼ ବିପର୍ଯ୍ୟୟର ସମ୍ମୁଖୀନ ହୋଇଛି। ଇସ୍ରୋର ଏହି ମିଶନ EOS-09 ଲଞ୍ଚ ହେବାର କିଛି ସମୟ ପରେ ବିଫଳ ହୋଇଛି। ଇସ୍ରୋ ଅଧ୍ୟକ୍ଷ ଭି ନାରାୟଣନ ଗଣମାଧ୍ୟମକୁ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ତୃତୀୟ ପର୍ଯ୍ୟାୟ ଉଡ଼ାଣ ସମୟରେ ଏକ ଯାନ୍ତ୍ରିକ ସମସ୍ୟା ଦେଖାଦେବାରୁ ମିଶନ୍ ସମାପ୍ତ ହୋଇପାରିଲା ନାହିଁ।

ତୃତୀୟ ପର୍ଯ୍ୟାୟରେ କିଛି ଯାନ୍ତ୍ରିକ ତ୍ରୁଟି ଯୋଗୁଁ ଇସ୍ରୋ ରବିବାର PSLV-C61 ରକେଟ୍ ସାହାଯ୍ୟରେ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହକୁ ଉତ୍କ୍ଷେପଣ କରିପାରିଲା ନାହିଁ। ଏହାରି  ଉପରେ ଅନୁଧ୍ୟାନ କରାଯାଉଛି। 

ଇସ୍ରୋ ମୁଖ୍ୟ ଭି. ନାରାୟଣନ କହିଛନ୍ତି ଯେ ଆଜି ଆମେ PSLV-C61 ଲଞ୍ଚ କରିବାକୁ ଚେଷ୍ଟା କରିଛୁ। ଏହା ଚାରୋଟି ପର୍ଯ୍ୟାୟରେ ଗଠିତ। ପ୍ରଥମ ୨ଟି ପର୍ଯ୍ୟାୟରେ ପ୍ରଦର୍ଶନ ଆଶାନୁରୂପ ଥିଲା। ତୃତୀୟ ପର୍ଯ୍ୟାୟରେ ଆମେ ପର୍ଯ୍ୟବେକ୍ଷଣ ଦେଖିଲୁ... ମିଶନ୍ ସଫଳ ହୋଇପାରିଲା ନାହିଁ। ଆମେ ସମ୍ପୂର୍ଣ୍ଣ ପ୍ରଦର୍ଶନ ଅଧ୍ୟୟନ କରୁଛୁ, ଆମେ ଯଥାଶୀଘ୍ର ଫେରି ଆସିବୁ।

ଅପରେସନ ସିନ୍ଦୁରର ସଫଳତା ଏବଂ ପାକିସ୍ତାନକୁ ତାର ସ୍ଥାନ ଦେଖାଇବା ପରେ, ଭାରତ ତାର ସୀମାକୁ ସୁରକ୍ଷା ଦେବା ଏବଂ ଯେକୌଣସି ଅପବିତ୍ର କାର୍ଯ୍ୟକଳାପକୁ ରୋକିବା ପାଇଁ ସଜାଗ ରହିଛି। ଏଥିପାଇଁ ଇସ୍ରୋ ରବିବାର ସ୍ୱଦେଶୀ ‘ଗୁପ୍ତଚର’ ଉପଗ୍ରହ ଉତକ୍ଷେପଣ କରିଛି।

ଇସ୍ରୋ ରବିବାର ସକାଳ ୫ଟା ୫୯ ମିନିଟରେ ପୃଥିବୀ ପର୍ଯ୍ୟବେକ୍ଷଣ ଉପଗ୍ରହ EOS-09 ଉତ୍ କ୍ଷେପଣ କରିଥିଲା। ଏହା ଇସ୍ରୋର ୧୦୧ତମ ମିଶନ ଥିଲା। ଶ୍ରୀହରିକୋଟାର ସତୀଶ ଧାୱନ ମହାକାଶ କେନ୍ଦ୍ରରୁ, ପୋଲାର ସାଟେଲାଇଟ୍ ଲଞ୍ଚ ଯାନ (PSLV) C-61 ଏହି ସାଟେଲାଇଟ୍ ସହିତ ମହାକାଶକୁ ଯାତ୍ରା ଆରମ୍ଭ କରିଥିଲା।

ଅଧିକ ପଢ଼ନ୍ତୁ: ମହାକାଶକୁ ଗଲା EOS-09 ଗୁପ୍ତଚର ଉପଗ୍ରହ