ପୂର୍ବ ଭାରତର ପଶୁପାଳନ କ୍ଷେତ୍ରରେ ଉତ୍କର୍ଷତା ପାଇଁ ଧୋନୀଙ୍କୁ ପୁରସ୍କାର
Khabar Odisha:Dhoni-is-awarded-for-his-achievements-in-animal-husbandry-in-eastern-India
ରାଞ୍ଚୀ , ମାର୍ଚ୍ଚ ୦୭ (ଖବର ଓଡ଼ିଶା):

 ରାଞ୍ଚୀର କାଙ୍କେ ସ୍ଥିତ ବିର୍ସା କୃଷି ବିଶ୍ୱବିଦ୍ୟାଳୟରେ ଆୟୋଜିତ ଏକ କାର୍ଯ୍ୟକ୍ରମରେ ପୂର୍ବ ଭାରତର ପଶୁପାଳନ କ୍ଷେତ୍ରରେ ଉତ୍କର୍ଷତା ପାଇଁ ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ ପୁରସ୍କାର ମିଳିଛି ।

ଏହାସହ ତାଙ୍କୁ ସମ୍ମାନିତ ମଧ୍ୟ କରାଯାଇଛି । ଧୋନୀ ନିଜର ୪୩ ଏକର ଫାର୍ମ ହାଉସରେ ପନିପରିବା, ଫଳ ବ୍ୟତୀତ ଡାଏରୀ ଫାର୍ମ କରିଛନ୍ତି ।ବିର୍ସା କୃଷି ବିଶ୍ୱ ବିଦ୍ୟାଳୟରେ ଆୟୋଜିତ ଆଗ୍ରୋଟିକ୍ କିଷାନ ମେଳାରେ ମାହିଙ୍କୁ ସମ୍ମାନସ୍ପଦ ସ୍ମୃତି ଚିହ୍ନ ଓ ଉତରୀୟ ପ୍ରଦାନ କରାଯାଇଛି ।

ଯାହାକୁ ତାଙ୍କ ପ୍ରତିନିଧି କୃଣାଲ ଗୌରବ ସ୍ୱୀକାର କରିଛନ୍ତି । ଏହି କାର୍ଯ୍ୟକ୍ରମରେ ପଶୁ ପାଳନ ବାବଦରେ ଅନେକ ତଥ୍ୟ ରହିଥିଲା । ପ୍ରଦର୍ଶନୀ ମଧ୍ୟ କରାଯାଇଥିଲା । ପ୍ରଥମ ଥର ପାଇଁ ଧୋନୀଙ୍କ ଡାଏରୀ ଫାର୍ମରୁ ଦୁଇଟି ଗାଈକୁ ଅଣାଯାଇଥିଲା ।

ଏହି ଗାଈ ପ୍ରତିଦିନ ୩୫ ଲିଟର କ୍ଷୀର ଦେଇଥାନ୍ତି । ଧୋନୀଙ୍କ ଫାର୍ମ ହାଉସର ଗାଈ ବ୍ୟତୀତ ଅନ୍ୟମାନେ ମଧ୍ୟ ନିଜ ନିଜର ଗାଈଙ୍କୁ ପ୍ରଦର୍ଶନୀରେ ସାମିଲ କରିଥିଲେ । କିନ୍ତୁ ୬ ସଦସୀୟ ବିଚାରକ ମଣ୍ଡଳୀ ଧୋନୀଙ୍କ ଗାଈକୁ ସର୍ବଶ୍ରେଷ୍ଠ ସମ୍ମାନ ଦେଇଥିଲେ ।

ରାଞ୍ଚୀ ସ୍ଥିତ ମହେନ୍ଦ୍ର ସିଂ ଧୋନୀଙ୍କ ଫାର୍ମ ହାଉସରେ ଡାଏରୀ ଫାର୍ମ ରହିଛି । ଏବେ ଏଠାରେ ପ୍ରାୟ ୧୦୪ ଗାଈ ରହିଛନ୍ତି । ଗୀର, ପ୍ରିଜିୟନ, ସାହିଓ୍ୱାଲ ପ୍ରଜାତିର ଅଧିକ ଗାଈ ଅଛନ୍ତି । ଏହାସହ ଦେଶୀ ଗାଈ ମଧ୍ୟ ଡାଏରୀ ଫାର୍ମରେ ରହିଛନ୍ତି ।

  • Tags:

Subscribe

National International State Sports Entertainment