ଫ୍ଲୋରିଡା: ଭାରତ ସହ ଖରାପ ସମ୍ପର୍କ ପରେ ଏବେ କାନାଡା ପ୍ରଧାନମନ୍ତ୍ରୀ ଜଷ୍ଟିନ ଟ୍ରୁଡୋ ଆମେରିକା ସହ ସମ୍ପର୍କ ଖରାପ ହେବାଭୟରେ ଅଛନ୍ତି। ନିକଟରେ ଆମେରିକାର ନବନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କାନାଡା ସରକାରଙ୍କୁ ଧମକ ଦେବା ପରେ ଟ୍ରୁଡୋ ଭୟଭୀତ ହୋଇପଡ଼ିଛନ୍ତି। ଏଥିରୁ ଅନୁମାନ କରାଯାଇପାରେ ଯେ ଟ୍ରମ୍ପଙ୍କ ଶୁଳ୍କ ବୃଦ୍ଧି ଧମକ ପରେ ଟ୍ରୁଡୋ ଆଜି ହଠାତ୍ ଆମେରିକାର ଫ୍ଲୋରିଡାରେ ପହଞ୍ଚିଥିଲେ।

ଟ୍ରୁଡୋଙ୍କ କାର୍ଯ୍ୟାଳୟ ଅନୁଯାୟୀ, କାନାଡା ପ୍ରଧାନମନ୍ତ୍ରୀଙ୍କର ଆମେରିକା ଯିବାର କୌଣସି ଯୋଜନା ନଥିଲା, ସେ ହଠାତ୍ ଫ୍ଲୋରିଡାରେ ଥିବା ଡୋନାଲ୍ଡ ଟ୍ରମ୍ପଙ୍କ ରିସୋର୍ଟରେ ପହଞ୍ଚିଥିଲେ। ଜଣେ ପ୍ରତ୍ୟକ୍ଷଦର୍ଶୀଙ୍କ କହିବା ନୁସାରେ ଟ୍ରୁଡୋ ଫ୍ଲୋରିଡାର ୱେଷ୍ଟ ପାମ ବିଚ୍ରେ ଥିବା ଏକ ହୋଟେଲରୁ ଟ୍ରମ୍ପଙ୍କ ମାର୍-ଏ-ଲାଗୋ ରିସୋର୍ଟକୁ ଯାଇଥିବା ଦେଖିବାକୁ ମିଳିଥିଲା।

ଟ୍ରୁଡୋ ଓ ଟ୍ରମ୍ପ ଆଜି ଏକାଠି ରାତ୍ରୀଭୋଜନ କରିବେ ଏବଂ ଅନେକ ପ୍ରସଙ୍ଗରେ ଆଲୋଚନା କରିବେ। ଉଭୟଙ୍କ କଥାବାର୍ତ୍ତା ଗୁପ୍ତ ରଖାଯିବ। ଟ୍ରୁଡୋଙ୍କ କାର୍ଯ୍ୟାଳୟ ଏବଂ ଟ୍ରମ୍ପ ଅଧିକାରୀମାନେ ତୁରନ୍ତ କୌଣସି ମନ୍ତବ୍ୟ ଦେଇନାହାନ୍ତି।

ସୂଚନାଯୋଗ୍ୟ, କିଛି ଦିନ ତଳେ ଟ୍ରମ୍ପ ସୀମା ବିବାଦ କାରଣରୁ କାନାଡାରୁ ଆମଦାନୀ ହେଉଥିବା ସାମଗ୍ରୀ ଉପରେ ଶୁଳ୍କ ଲାଗୁ କରିବାକୁ ଧମକ ଦେଇଥିଲେ। ଟ୍ରମ୍ପ କହିଥିଲେ ଯେ ସେ ଦାୟିତ୍ୱ ଗ୍ରହଣ କରିବା ମାତ୍ରେ ପ୍ରଥମେ କାନାଡା ଏବଂ ମେକ୍ସିକୋରୁ ଆମଦାନୀ ଉପରେ ୨୫ ପ୍ରତିଶତ ଶୁଳ୍କ ଲାଗୁ କରିବେ, ଯଦି ଏହି ଦେଶଗୁଡ଼ିକ ଆମେରିକାକୁ ଆସୁଥିବା ଡ୍ରଗ୍ସ ଏବଂ ବେଆଇନ ପ୍ରବାସୀଙ୍କ ଉପରେ ଲଗାନ୍ତି ନାହିଁ। 

ମେକ୍ସିକୋ, କାନାଡା ଏବଂ ଚୀନର ଅଧିକାରୀମାନେ ଚେତାବନୀ ଦେଇଛନ୍ତି ଯେ ପ୍ରବଳ ଶୁଳ୍କ ଲାଗୁ କରିବା ଦ୍ୱାରା ଟ୍ରମ୍ପଙ୍କ ସହ ଜଡିତ ଦେଶର ଅର୍ଥନୀତି କ୍ଷତିଗ୍ରସ୍ତ ହେବ, ମୁଦ୍ରାସ୍ଫୀତି ବୃଦ୍ଧି ପାଇବ ଏବଂ ନିଯୁକ୍ତି ହ୍ରାସ ପାଇବ। କାନାଡାର ଅର୍ଥନୀତିକୁ କୌଣସି ନୂଆ ଝଟକା ଟ୍ରୁଡୋଙ୍କ ସମସ୍ୟା ବଢାଇପାରେ, କାରଣ ଦେଶରେ ମନ୍ଥର ଅର୍ଥନୀତି ଏବଂ ମୁଦ୍ରାସ୍ଫୀତି କାରଣରୁ ଟ୍ରୁଡୋଙ୍କ ଲୋକପ୍ରିୟତା ହ୍ରାସ ପାଇସାରିଛି।

ଅଧିକ ପଢ଼ନ୍ତୁ: ପାକିସ୍ତାନ ଆଉ ଚାମ୍ପିୟନ୍ସ ଟ୍ରଫି ଆୟୋଜନ କରିବ ନାହିଁ କି?