ଭାରତ-ମିଆଁମାର ସୀମାରେ ଲାଗିବ ବାଡ଼ । କେନ୍ଦ୍ର ସରକାରଙ୍କ ନିଷ୍ପତି ଅନୁଯାୟୀ ଭାରତ ଓ ମିଆଁମାର ସୀମାରେ ୧୬୪୩ କିମି ପର୍ଯ୍ୟନ୍ତ ବାଡ଼ ଲଗାଯିବ । ଏହି ସମ୍ପର୍କରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ପ୍ରକାଶ କରିଛନ୍ତି । ତେବେ ସୀମାରେ ଏକ ପାଟ୍ରୋଲିଂ ଟ୍ରାକ୍ ନିର୍ମାଣ କରାଯିବ। ଯାହା ଦ୍ୱାରା ଉତ୍ତମ ତଦାରଖ ହୋଇପାରିବ ବୋଲି ଅମିତ ଶାହ କହିଛନ୍ତି । କେନ୍ଦ୍ର ସରକାରଙ୍କ ଏହି ନିଷ୍ପତ୍ତି ଭାରତକୁ ସଠିକ ଭାବରେ ସୁରକ୍ଷା ଦେବା ବୋଲି ମଧ୍ୟ କୁହାଯାଇଛି । ଅମିତ ଶାହ ଏକ ସୋସିଆଲ ମିଡିଆରେ ଏସବୁ ସମ୍ପର୍କରେ ପ୍ରକାଶ କରିଛନ୍ତି ।

ସୂଚନା ଅନୁଯାୟୀ,ମଣିପୁରର ମୋରେଠାରେ ୧୦ କିଲୋମିଟର ସୀମା ବାଡ଼ ଲଗାଯାଇଥିଲାବେଳେ ହାଇବ୍ରିଡ୍ ସର୍ଭିଲାନ୍ସ ସିଷ୍ଟମ ଜରିଆରେ ବାଡ଼ ଲଗାଇବା ପାଇଁ ଦୁଇଟି ପାଇଲଟ୍ ପ୍ରକଳ୍ପ କାର୍ଯ୍ୟକାରୀ କରାଯାଉଛି। ଏଥିସହ  ଅରୁଣାଚଳ ପ୍ରଦେଶ ଓ ମଣିପୁରରେ ପ୍ରତ୍ୟେକ ଏକ କିଲୋମିଟର ସୀମା ବାଡ଼ ନିର୍ମାଣ କରାଯିବ ପାଇଁ ବ୍ୟବସ୍ଥା କରାଯାଉଛି। ଯାହାଦ୍ୱାରା ଭାରତର ସୁରକ୍ଷା ସୁଦୃଢ ହେବ । ଖାଲି ସେତିକି ନୁହେଁ ମଣିପୁରରେ ପ୍ରାୟ ୨୦ କିଲୋମିଟର ସୀମାରେ ବାଡ଼ ଲଗାଇବାକୁ ନିର୍ଦ୍ଦେଶ ଦିଆଯାଇଛି । ଏହି କାର୍ଯ୍ୟ ଯଥାଶୀଘ୍ର ଆରମ୍ଭ କରାଯିବ ପାଇଁ ବ୍ୟବସ୍ଥା କରାଯାଉଛି ।

ଅଧିକ ପଢନ୍ତୁ :IIT କାନପୁର ଦ୍ୱାରା ଦେଶର ପ୍ରଥମ ହାଇପର ଭେଲୋସିଟି ଏକ୍ସପାନସନ ଟନେଲ