ଭୁବନେଶ୍ୱର: ବିମାନ ଯାତ୍ରୀଙ୍କ ପାଇଁ ବଡ଼ ଆଶ୍ୱସ୍ତି । କେନ୍ଦ୍ର ବେସାମରିକ ମନ୍ତ୍ରାଳୟର ନିଷ୍ପତ୍ତି ଅନୁସାରେ ଏଣିକି ଯାତ୍ରୀମାନେ ମାଗଣାରେ ବିମାନର ୬୦ ପ୍ରତିଶତ ସିଟ୍ ଚୟନ କରିବାର ସୁଯୋଗ ପାଇପାରିବେ । ସମାନ ପିଏନ୍ଆର୍ (PNR) ରେ ଯାତ୍ରା କରୁଥିବା ଯାତ୍ରୀମାନଙ୍କୁ ଏକାଠି ବସାଇବା, ବିଶେଷତଃ ନିକଟବର୍ତ୍ତୀ ସିଟରେ ବସାଇବାକୁ ଲକ୍ଷ୍ୟ ରଖାଯାଇଛି । ଏକାଠି ନିରପେକ୍ଷ ପ୍ରବେଶ ସୁନିଶ୍ଚିତ କରିବା ପାଇଁ ଯେକୌଣସି ବିମାନରେ ସର୍ବନିମ୍ନ ୬୦% ସିଟ୍ ମାଗଣାରେ ବଣ୍ଟନ କରାଯିବ। ଏ ନେଇ ମନ୍ତ୍ରାଳୟ ଡିଜିସିଏକୁ ନିର୍ଦ୍ଦେଶ ଜାରି କରିଛି । 

ସେହିପରି ସମାନ ପିଏନ୍ଆର୍ ରେ ଯାତ୍ରା କରୁଥିବା ଯାତ୍ରୀମାନେ ଏଣିକି ଅନ୍ୟତ୍ର ନ ବସି ଏକାଠି, ଅର୍ଥାତ ନିକଟବର୍ତ୍ତୀ ସିଟରେ ବସି ଯାତ୍ରା କରିବାର ସୁଯୋଗ ପାଇବେ । ଅନେକ ସମୟରେ ଦେଖାଯାଏ ଗୋଟିଏ ପରିବାର ସଦସ୍ୟମାନେ ବିମାନର ବିଭିନ୍ନ ସିଟରେ ବସିଥାଆନ୍ତି । ଯାହା ଦ୍ୱାରା ଯାତ୍ରା ସମୟରେ ଅନେକ ଅସୁବିଧାର ସମ୍ମୁଖୀନ ହେବାକୁ ପଡ଼େ । ବେଳେ ଛୋଟ ପିଲା, ରୋଗୀ ଏବଂ ବୃଦ୍ଧ ବ୍ୟକ୍ତିଙ୍କୁ ନେଇ ଯାତ୍ରା କରୁଥିବା ଯାତ୍ରୀ ଅସୁବିଧାରେ ପଡ଼ିଥାଆନ୍ତି । 

ପ୍ରଯୁଜ୍ୟ ସୁରକ୍ଷା ଏବଂ ପରିଚାଳନା ନିୟମାବଳୀ ଅନୁଯାୟୀ, କ୍ରୀଡା ଉପକରଣ ଏବଂ ବାଦ୍ୟଯନ୍ତ୍ର ପରିବହନକୁ ସ୍ୱଚ୍ଛ ଏବଂ ଯାତ୍ରୀ-ଅନୁକୂଳ ଉପାୟରେ ସହଜ କରାଯିବ। ବିମାନ କମ୍ପାନୀଗୁଡ଼ିକ ମଧ୍ୟ ପାଳିତ ପଶୁ ପରିବହନ ପାଇଁ ସ୍ପଷ୍ଟ, ସ୍ୱଚ୍ଛ ନୀତି ଆଣିବେ ।

ବିଳମ୍ବ, ବାତିଲ ଓ ବୁକିଂ ଆଦିବ ବିଷୟରେ ବିମାନ କମ୍ପାନୀ ୱେବସାଇଟ୍, ମୋବାଇଲ୍ ଆପ୍ଲିକେସନ୍, ବୁକିଂ ପ୍ଲାଟଫର୍ମ ଏବଂ ବିମାନବନ୍ଦର କାଉଣ୍ଟରରେ ଯାତ୍ରୀଙ୍କ ସ୍ପଷ୍ଟ ଭାବରେ ପ୍ରଦର୍ଶନ କରିବେ ।

ସେହିପରି ବିମାନ ଯାତ୍ରା ସମ୍ବନ୍ଧୀୟ ସୂଚନା ଓ ସଚେତନତା ସୁନିଶ୍ଚିତ କରିବା ପାଇଁ ଏଣିକି ଆଞ୍ଚଳିକ ଭାଷାରେ ଯାତ୍ରୀଙ୍କୁ ସୂଚନା ଦିଆଯିବ ।