ପାଟନା: ବିହାରର ପୂର୍ବ ଚମ୍ପାରଣ ଜିଲ୍ଲାର ଡୁମାରିଆଘାଟ ଥାନା ଅନ୍ତର୍ଗତ ରାମପୁରୱା ଗ୍ରାମରେ ଜଣେ ଘରୋଇ ସ୍କୁଲ୍ ନିର୍ଦ୍ଦେଶକଙ୍କ ମୁଣ୍ଡ, ପେଟ ଓ ଗୋଡ଼ରେ ଅଜ୍ଞାତ ଦୁର୍ବୃତ୍ତମାନେ ଗୁଳି କରି ହତ୍ୟା କରିଛନ୍ତି। ସ୍କୁଲ୍ ନିର୍ଦ୍ଦେଶକଙ୍କ ନାମ ଇର୍ଶାଦ ଆଲାମ (୩୬)। ଖବର ପାଇ ଆରକ୍ଷୀ ଅଧୀକ୍ଷକ ସ୍ୱର୍ଣ୍ଣ ପ୍ରଭାତଙ୍କ ନିର୍ଦ୍ଦେଶକ୍ରମେ ଚକିଆ ଡିଏସପି ସତ୍ୟେନ୍ଦ୍ର କୁମାର ସିଂହଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଟିମ୍ ଗଠନ କରାଯାଇ ସେଠାରେ ଚଢ଼ାଉ କରାଯାଇଥିଲା। 

ଘଟଣାର ୨ ଘଣ୍ଟା ମଧ୍ୟରେ ମୁଖ୍ୟ ଅଭିଯୁକ୍ତକୁ ଗିରଫ କରାଯାଇଛି। ପୁଲିସ ଘଟଣାସ୍ଥଳରୁ ୬ଟି ଗୁଳି ଜବତ କରିଛି। ମୁଖ୍ୟ ଅଭିଯୁକ୍ତକୁ ପୁଲିସ ଗିରଫ କରିଛି। ତାର ନାମ ମହମ୍ମଦ ହସବୁଦ୍ଦିନ ମିଆଁ। ସେ ଇର୍ଶାଦଙ୍କ ପଡ଼ୋଶୀ। ଇର୍ଶାଦଙ୍କ ଘର ଘର ସାମ୍ନା ରାସ୍ତାର ଅନ୍ୟ ପାର୍ଶ୍ୱରେ ରହିଛି। ଉଭୟଙ୍କ ମଧ୍ୟରେ ପାରସ୍ପରିକ ବିବାଦ ଏହି ଘଟଣାର କାରଣ ବୋଲି ଏସପି କହିଛନ୍ତି।

ବିହାରରେ ୨୫୦୦ରୁ ଅଧିକ ମୋଷ୍ଟ ୱାଣ୍ଟେଡ୍ ଅପରାଧୀଙ୍କ ସମ୍ପତ୍ତି ଜବତ ପ୍ରକ୍ରିୟା ଖୁବ୍ ଶୀଘ୍ର ଆରମ୍ଭ ହେବାକୁ ଯାଉଛି। ଡିଜିପି ବିନୟ କୁମାର ଥାନା ସ୍ତରରେ ମୋଷ୍ଟ ୱାଣ୍ଟେଡ ଅପରାଧୀଙ୍କୁ ଚିହ୍ନଟ କରିବାକୁ ଦାୟିତ୍ୱ ଦେଇଛନ୍ତି। ଅପରାଧ ମାଧ୍ୟମରେ ବେଆଇନ ସମ୍ପତ୍ତି ଅର୍ଜନ କରିଥିବା ଅତି କମରେ ଦୁଇ ଜଣ କୁଖ୍ୟାତ ଅପରାଧୀଙ୍କୁ ଚିହ୍ନଟ କରିବାକୁ ସମସ୍ତ ଥାନାକୁ ନିର୍ଦ୍ଦେଶ ଦିଆଯାଇଛି। ଏମାନଙ୍କ ମଧ୍ୟରେ ମଦ ଚୋରା ଚାଲାଣକାରୀ, ବାଲି ମାଫିଆ ଓ ପେପର ଲିକ୍ ଗ୍ୟାଙ୍ଗର ଦୁର୍ଦ୍ଦାନ୍ତ ସଦସ୍ୟ ରହିଛନ୍ତି। ଏ ନେଇ ଏକ ନିର୍ଦ୍ଦେଶନାମା ଜାରି କରାଯାଇଛି। ଏଥିସହ ଅପରାଧୀଙ୍କ ସମ୍ପର୍କୀୟଙ୍କ ନାମରେ ହୋଇଥିବା ସମ୍ପତ୍ତିର ମଧ୍ୟ ତଦନ୍ତ କରାଯିବ। ତଦନ୍ତ ଆରମ୍ଭ ହେବାର ୧୦ ଦିନ ମଧ୍ୟରେ ଏଭଳି ଅପରାଧୀଙ୍କ ସମ୍ପତ୍ତି ଜବତ କରାଯିବ।

ଅଧିକ ପଢ଼ନ୍ତୁ: ମଧ୍ୟାହ୍ନ ଭୋଜନ ବିରତି ବେଳକୁ ଅଷ୍ଟ୍ରେଲିଆର ସ୍କୋର ୧୧୨/୧