ନୂଆଦିଲ୍ଲୀ: ଉତ୍ତର ଭାରତରେ ଗରମ ଯୋଗୁଁ ତାପମାତ୍ରା ଦ୍ରୁତ ଗତିରେ ବୃଦ୍ଧି ପାଉଛି ଦେଶର ଅନେକ ସ୍ଥାନରେ ତାପାମାତ୍ରା ୩୫ ଡିଗ୍ରୀ ଅତିକ୍ରମ କରିସାରିଥିଲା ବେଳେ ଆହୁରି କିଛି ଜାଗାରେ ୪୦ଡିଗ୍ରୀ ନିକଟତର ହୋଇଛି। ଦିନକ ପୂର୍ବରୁ ଝାରସୁଗୁଡ଼ାରେ ତାପମାତ୍ରା ୩୮ ଡିଗ୍ରୀ ରେକର୍ଡ କରାଯାଇଥିଲା। ଉତ୍ତର ପ୍ରଦେଶର ୫ଟି  ଜିଲ୍ଲାରେ ତାପମାତ୍ରା ୩୫ ଡିଗ୍ରୀ ପର୍ଯ୍ୟନ୍ତ ପହଞ୍ଚିପାରେ ବୋଲି ପାଣିପାଗ ବିଭାଗ ଆକଳନ କରିଛି। ଆଜି ଆଗ୍ରା, ମଥୁରା, ମୈନପୁରୀ, ହାତରସ, ଏଟା, ଆଲିଗଡ଼, ଆଜମଗଡ଼, ବାଲିଆ, ବରେଲି, ବଦାଉନ, ବାନ୍ଦା, ଚିତ୍ରକୂଟ, ହମିରପୁର, ବଳରାମପୁର, ଗୋଣ୍ଡା, ଆମେଥି, ବାରବାଙ୍କି, ବାଗପତ, କାନପୁର, ଲକ୍ଷ୍ନୌ ଏବଂ ବିଜନୌରରେ ତାପାମତ୍ର ବଢ଼ିପାରେ।  

ପାଣିପାଗ ବିଭାଗ ଅନୁଯାୟୀ, ଆଗାମୀ ସପ୍ତାହରେ ମଧ୍ୟପ୍ରଦେଶରେ ଗରମ ପ୍ରବାହ ଗୁରୁତର ହେବାର ସମ୍ଭାବନା ରହିଛି। ସତନା, ରେୱା, ପାନ୍ନା ଏବଂ ଛତରପୁର ପାଇଁ ଏକ ଗରମ ପ୍ରବାହ ସତର୍କତା ଜାରି କରାଯାଇଛି। ତଥାପି, ଆଜିର ପାଣିପାଗ ପୂର୍ବାନୁମାନ ଦର୍ଶାଉଛି ଯେ ଅନେକ ଜିଲ୍ଲାରେ ତାପମାତ୍ରା ବୃଦ୍ଧି ପାଇବାର ସମ୍ଭାବନା ଅଛି। ଭୋପାଳର ଆଜି ସର୍ବାଧିକ ତାପମାତ୍ରା ୩୪ ଡିଗ୍ରୀ ସେଲସିୟସ୍ ଏବଂ ସର୍ବନିମ୍ନ ତାପମାତ୍ରା ୧୯ ଡିଗ୍ରୀ ସେଲସିୟସ୍ ରହିବ।

ଆଇଏମଡି ଅନୁଯାୟୀ ରାଜସ୍ଥାନ ପାଇଁ କୌଣସି ବର୍ଷା ସତର୍କତା ନାହିଁ। ଏହି ସପ୍ତାହରେ ଅନେକ ଜିଲ୍ଲାରେ ତାପମାତ୍ରା ୩୫ ଡିଗ୍ରୀ ସେଲସିୟସ୍ ଅତିକ୍ରମ କରିପାରେ। ଯେଉଁ ଜିଲ୍ଲାଗୁଡ଼ିକରେ ଗରମ ବୃଦ୍ଧି ପାଇବାର ସମ୍ଭାବନା ରହିଛି ସେଗୁଡ଼ିକ ମଧ୍ୟରେ ଚୁରୁ, ଫାଲୋଡି, ଶ୍ରୀଗଙ୍ଗାନଗର, ଜୟସଲମେର, ଆଜମେର, ଯୋଧପୁର ଏବଂ ଉଦୟପୁର ଅନ୍ତର୍ଭୁକ୍ତ। ଭାରତର ସମତଳ ଅଞ୍ଚଳରେ ସର୍ବନିମ୍ନ ସର୍ବନିମ୍ନ ତାପମାତ୍ରା ଅଯୋଧ୍ୟା ଏବଂ ସିକରରେ ୧୨.୫ ଡିଗ୍ରୀ ସେଲସିୟସ୍ ରେକର୍ଡ କରାଯାଇଛି।