ୱାଶିଂଟନ: ଆମେରିକା ଏକ ଭେନେଜୁଏଲାର ଜାହାଜ ଉପରେ ସାମରିକ ଆକ୍ରମଣ କରିଛି। ଏହି ଆକ୍ରମଣରେ ୧୧ ଜଣଙ୍କ ମୃତ୍ୟୁ ହୋଇଛି। ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ନିଜେ ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ ଏ ବିଷୟରେ ସୂଚନା ଦେଇଛନ୍ତି।

ଟ୍ରମ୍ପ କହିଛନ୍ତି ଯେ ଆଜି ସକାଳେ, ମୋ ନିର୍ଦ୍ଦେଶରେ ମେରିକାର ସେନା ସାଉଥକମ୍ ଅଞ୍ଚଳରେ ଟ୍ରେନ୍ ଡି ଆରାଗୁଆ ନାର୍କୋ ଗ୍ୟାଙ୍ଗ ବିରୁଦ୍ଧରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଟିଡିଏ ହେଉଛି ଏକ ବିଦେଶୀ ଆତଙ୍କବାଦୀ ସଂଗଠନ ଯାହା ନିକୋଲାସ୍ ମାଡୁରୋଙ୍କ ନିୟନ୍ତ୍ରଣରେ କାମ କରେ ଏବଂ ଆମେରିକା ଏବଂ ସମଗ୍ର ପଶ୍ଚିମ ଗୋଲାର୍ଦ୍ଧରେ ଗଣହତ୍ୟା, ଡ୍ରଗ୍ସ ଚାଲାଣ, ମାନବ ଚାଲାଣ ଏବଂ ହିଂସା ଏବଂ ଆତଙ୍କର ଘଟଣା ଘଟାଇଛି।

ଟ୍ରମ୍ପ କହିଛନ୍ତି ଯେ ଏହି ସାମରିକ କାର୍ଯ୍ୟାନୁଷ୍ଠାନ ସେତେବେଳେ ନିଆଯାଇଥିଲା ଯେତେବେଳେ ଆତଙ୍କବାଦୀମାନେ ଅନ୍ତର୍ଜାତୀୟ ଜଳସୀମାରେ ଡ୍ରଗ୍ସର ଏକ ମାଲ ନେଇ ଆମେରିକା ଅଭିମୁଖେ ଯାଉଥିଲେ। ଏହି ଆକ୍ରମଣରେ ୧୧ ଜଣ ଆତଙ୍କବାଦୀ ନିହତ ହୋଇଛନ୍ତି। ଏହି କାର୍ଯ୍ୟାନୁଷ୍ଠାନରେ ଆମେରିକୀୟ ସେନାର କୌଣସି କ୍ଷତି ହୋଇନାହିଁ। ଏହି ବାର୍ତ୍ତା ଆମେରିକାକୁ ଡ୍ରଗ୍ସ ଆଣିବାକୁ ଚିନ୍ତା କରୁଥିବା ଯେକୌଣସି ବ୍ୟକ୍ତିଙ୍କ ପାଇଁ ଏକ ଚେତାବନୀ। ସତର୍କ ରୁହନ୍ତୁ! ଏହି ବିଷୟରେ ଆପଣଙ୍କ ଧ୍ୟାନ ପାଇଁ ଧନ୍ୟବାଦ।

ସୂଚନାଯୋଗ୍ୟ ଯେ ବର୍ତ୍ତମାନ ଆମେରିକୀୟ ନୌସେନାର ଏକ ବଡ଼ ଦଳ କାରିବିଆନରେ ମୁତୟନ କରାଯାଇଛି, ଯାହା ଭେନେଜୁଏଲାର ଜାହାଜ ଉପରେ ଆକ୍ରମଣ ହୋଇଥିବା ସ୍ଥାନ ନିକଟରେ ଅବସ୍ଥିତ। ୪୫୦୦ ମରିନ୍ ସହିତ ଚାରୋଟି ବିଧ୍ୱଂସକ ଏବଂ ଟୋମାହକ୍ କ୍ରୁଜ୍ ମିସାଇଲ୍ ମୁତୟନ କରାଯାଇଛି।

ଭେନେଜୁଏଲାର ରାଷ୍ଟ୍ରପତି ନିକୋଲାସ୍ ମାଦୁରୋ ଆମେରିକା ଉପରେ ତାଙ୍କ ସରକାରଙ୍କ ବିରୁଦ୍ଧରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିବାର ଅଭିଯୋଗ ଆଣିଛନ୍ତି। ସେ ସେପ୍ଟେମ୍ବର ୧ରେ କହିଥିଲେ ଯେ ଟ୍ରମ୍ପ ସରକାର ସାମରିକ ଧମକ ମାଧ୍ୟମରେ ଭେନେଜୁଏଲାରେ ସରକାର ପରିବର୍ତ୍ତନ କରିବାକୁ ଚାହୁଁଛନ୍ତି। ମାଦୁରୋ କହିଥିଲେ ଯେ ଆମେ ଆମେରିକାର ଯେକୌଣସି ପ୍ରକାରର ଆକ୍ରମଣର ସମ୍ମୁଖୀନ ହେବାକୁ ପ୍ରସ୍ତୁତ।

ଅଧିକ ପଢ଼ନ୍ତୁ: ଆଜିଠୁ ଜିଏସଟି ପରିଷଦର ଦୁଇଦିନିଆ ବୈଠକ