ଦୁଇ ନିୟୁତ କରୋନା ଭାଇରସ୍ ପ୍ରତିଷେଧକ ଟିକା ପ୍ରସ୍ତୁତ କରିସାରିଛି ଆମେରିକା !, ଦାବୀ କଲେ ଟ୍ରମ୍ପ
Khabar Odisha:US-has-2-million-Corona-virus-vaccine
ୱାଶିଂଟନ, ଜୁନ 6 ( ଖବର ଓଡ଼ିଶା):

 ଯୁକ୍ତରାଷ୍ଟ୍ର ଆମେରିକା ଦୁଇ ନିୟୁତ କରୋନା ଭାଇରସ୍ ପ୍ରତିଷେଧକ ଟିକା ପ୍ରସ୍ତୁତ କରିସାରିଛି ! ଏହି ଟିକା କେତେଦୂର ନିରାପଦ ତାହା ପ୍ରୟୋଗ କରି ଦେଖାଯିବ ବୋଲି ଶୁକ୍ରବାର ଦିନ ରାଷ୍ଟ୍ରପତି ଟ୍ରମ୍ପ୍ କହିଛନ୍ତି ।

ହ୍ବାଇଟ୍ ହାଉସ୍‌ ସାମ୍ବାଦିକ ସମ୍ମିଳନୀରେ ଟ୍ରମ୍ପ୍ କହିଛନ୍ତି, ଗତକାଲି ଟିକା ସମ୍ବନ୍ଧରେ ଆମର ବୈଠକ ବସିଥିଲା। ଆମେ ଅନେକ ସଫଳତା ହାସଲ କରିଛୁ। ଆମକୁ ଏଥିରେ ସୁଫଳ ମିଳିପାରେ। ଟିକା ପ୍ରସ୍ତୁତି କ୍ଷେତ୍ରରେ ଯଥେଷ୍ଟ ଅଗ୍ରଗତି ହେଉଛି। ଆମେ ଦୁଇ ନିୟୁତରୁ ଅଧିକ ଟିକା ପ୍ରସ୍ତୁତ କରି ରଖିଛୁ। ଏହା ରୋଗ ସଂକ୍ରମଣରୁ କେତେଦୂର ସୁରକ୍ଷା ଦେବ ତାହା ପ୍ରୟୋଗ କରି ଦେଖାଯିବ।

ଟ୍ରମ୍ପ୍ ଆହୁରି କହିଲେ କି, ଚିକିତ୍ସା କ୍ଷେତ୍ରରେ ମଧ୍ୟ ଆମେ ଖୁବ୍ ଭଲ କାମ କରୁଛୁ। ଆରୋଗ୍ୟ ହାର ବି ଭଲ ରହିଛି।

‘ଦ ନ୍ୟୁୟର୍କ ଟାଇମ୍‌ସ୍’ ଖବରକାଗଜ କହିବା ଅନୁସାରେ, କରୋନା ଭାଇରସ୍ ପ୍ର‌ତିଷେଧକ ଟିକା ପ୍ରସ୍ତୁତ କରିବାକୁ ଟ୍ରମ୍ପ୍ ପ୍ରଶାସନ ପାଞ୍ଚୋଟି କମ୍ପାନିଙ୍କୁ ମନୋନୀତ କରିଥିଲେ।

ଏହି ପ୍ରସଙ୍ଗରେ ଟ୍ରମ୍ପ୍ କହିଛନ୍ତି, ଭଲ କଥାଟି ହେଲା ସାତ ଆଠଟି କମ୍ପାନିରୁ କେତେକ ଗୋଟିଏ ପ୍ରକାରର ଟିକା ପ୍ରସ୍ତୁତ କରିଥିବା ବେଳେ ଅନ୍ୟ କେତେକ ଭିନ୍ନ ପ୍ରକାରର ଟିକା ପ୍ରସ୍ତୁତ କରିଛନ୍ତି।

  • Tags:

Subscribe

National International State Sports Entertainment