ଦାମାସ୍କସ୍: ଅଲ୍ କାଏଦା ସଂପୃକ୍ତ ଆତଙ୍କବାଦୀ ସଂଗଠନ ସହ ଜଡ଼ିତ ବରିଷ୍ଠ ଆତଙ୍କବାଦୀ ମହମ୍ମଦ ସଲାହ ଅଲ୍-ଜାବୀରଙ୍କୁ ଗୁରୁବାର ଦିନ ଆମେରିକା ସେନା ନିପାତ କରିଛି। ଉତ୍ତର-ପଶ୍ଚିମ ସିରିଆରେ ହୋଇଥିବା ବିମାନ ଆକ୍ରମଣରେ ମହମ୍ମଦ ସଲାହ ଅଲ୍ ଜାବିର ନିହତ ହୋଇଥିବା ନେଇ ଜାତୀୟ ଗଣମାଧ୍ୟମ ରିପୋର୍ଟ କରିଛି। ଆମେରିକୀୟ ସେଣ୍ଟ୍ରାଲ କମାଣ୍ଡ ଏକ ବିଜ୍ଞପ୍ତିରେ କହିଛି ଯେ ଆତଙ୍କବାଦୀଙ୍କ ନେଟୱାର୍କକୁ ଭାଙ୍ଗିବା ପାଇଁ ଏହି ଏୟାରଷ୍ଟ୍ରାଇକ୍ କରାଯାଇଥିଲା। ଜବୀର ହୁରାସ ଅଲ-ଦିନ ନାମକ ଏକ ଗୋଷ୍ଠୀ ସହିତ ଜଡିତ ଥିଲେ, ଯାହା ଅଲ-କାଏଦାର ଏକ ସହଯୋଗୀ। 

ସୂଚନାଯୋଗ୍ୟ, କିଛି ଦିନ ତଳେ ସିରିଆରେ ଏକ ବିଦ୍ରୋହ ଘଟିଥିଲା। ବିଦ୍ରୋହୀ ସଙ୍ଗଠନ ହାୟାତ ତାହିର ଅଲ-ଶାମ୍ ବସର ଅଲ-ଅସଦଙ୍କ ସରକାରକୁ ଉଚ୍ଛେଦ କରିଥିଲା। ସେପଟେ ଅହମ୍ମଦ ଅଲ-ଶରାଙ୍କୁ ଦେଶର ଅନ୍ତରୀଣ ରାଷ୍ଟ୍ରପତି ଭାବେ ନିଯୁକ୍ତ କରାଯାଇଛି।

ବର୍ତ୍ତମାନ ଅହମ୍ମଦ ଅଲ-ଶାରା ଅନ୍ତର୍ଜାତୀୟ ପ୍ଲାଟଫର୍ମରେ ସିରିଆର ନେତୃତ୍ୱ ନେବେ। ବିଦ୍ରୋହ ପରେ ବସର ଅଲ-ଅସଦ ପରିବାର ସିରିଆ ଚାଲିଯାଇଥିଲେ। ଅସଦ ପରିବାର ଗତ ୫୩ ବର୍ଷ ଧରି ସିରିଆରେ କ୍ଷମତାରେ ରହିଛନ୍ତି। ସିରିଆର ଗତିବିଧି ଉପରେ ତୀକ୍ଷ୍ଣ ନଜର ରଖିଛି ଆମେରିକା। ହମାସର ସେନା ମୁଖ୍ୟ ନିହତ ଇସ୍ରାଏଲ ଏୟାର ଷ୍ଟ୍ରାଇକ୍ ରେ ହାମାସର ସେନା ମୁଖ୍ୟ ମହମ୍ମଦ ଦେଇଫଙ୍କୁ ନିହତ କରିଛି। ଆଇଡିଏଫ୍ ଏହି ଘଟଣାକୁ ନିଶ୍ଚିତ କରିଛି।