କୋଭିଡ୍ ପରିଚାଳନାକୁ ନେଇ ରାଜ୍ୟ ସରକାରଙ୍କୁ ପ୍ରଶ୍ନ କଲେ ବିଜେପି ରାଜ୍ୟ ସଭାପତି ସମୀର ମହାନ୍ତି
Khabar Odisha:Samir-Mohanty-Press-Meet-On-Covid-Situation-of-Odisha

ଭୁବନେଶ୍ୱର, ମେ ୧୬ (ଖବର ଓଡ଼ିଶା): ରାଜ୍ୟରେ ଏବେ କରୋନା ସ୍ଥିତି ଅଣାୟତ । ବିରୋଧିଙ୍କ ଅଭିଯୋଗ ଅନୂଯାଇ ରାଜ୍ୟ ସରକାରଙ୍କ ଖାମଖିଆଲି ନୀତି ପାଇଁ ରାଜ୍ୟରେ ଆଜି ଏଭଳି ଅବସ୍ତା । ଏଭଳି ସ୍ଥିତିରେ ଆଜି ପ୍ରେସ୍ ମିଟ୍ କରି କୋଭିଡ୍ ପରିଚାଳନାକୁ ନେଇ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି ବିଜେପି ରାଜ୍ୟ ସଭାପତି ସମୀର ମହାନ୍ତି ।

ରାଜ୍ୟ ପାଇଁ କେନ୍ଦ୍ରରୁ ଯେଉଁ ଅର୍ଥ ଆସୁଛି ତାକୁ କେମିତି ରାଜ୍ୟ ସରକାର ଖର୍ଚ୍ଚ କରୁଛନ୍ତି ବୋଲି ପ୍ରଶ୍ନ କରିବା ସହିତ ରାଜ୍ୟର ବିଭିନ୍ନ କୋଭିଡ୍ ପରିଚାଳନାର ବାସ୍ତବ ଚିତ୍ର ବଖାଣିଛନ୍ତି । ରାଜ୍ୟରେ ବର୍ତମାନ ସୁଦ୍ଧା ବି ଆବଶ୍ୟକ ଅନୂଯାଇ ଟେଷ୍ଟିଂ ହୋଇ ପାରୁନାହିଁ ଏବଂ ରିପୋର୍ଟ ଆସିବାରେ କାହିଁକି ବିଳମ୍ବ ହେଉଛି ବୋଲି ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି ବିଜେପି ରାଜ୍ୟ ସଭାପତି ।

ଏଥି ସହିତ ଗତ ଥର କରୋନା ସମୟରେ ରାଜ୍ୟ ବାହାରୁ ଯେଉଁ ପ୍ରବାସୀ ଫେରୁଥିଲେ ସେମାନଙ୍କ ପାଇଁ ଟିଏମସି ର ବ୍ୟବସ୍ଥା କରାଯାଇଥିଲା । ମାତ୍ର ବର୍ତମାନ ସମୟରେ ଟିଏମସି କାର୍ଯ୍ୟକାରୀ ହେଉ ନାହିଁ ଯାହା ସଂକ୍ରମଣକୁ ଅଧିକ ବୃଦ୍ଧି କରୁଛି । ତେଣୁ ରାଜ୍ୟ ସରକାର ଯଥା ଶୀଘ୍ର ରାଜ୍ୟରେ ଟିଏମସି ଗୁଡିକୁ ପୁଣି କାର୍ଯ୍ୟକାରୀ କରନ୍ତୁ ବୋଲି କହିଛନ୍ତି ସମୀର ମହାନ୍ତି ।

ରାଜ୍ୟରେ କରୋନାକୁ ଆୟତକୁ ଆଣିବାକୁ ହେଲେ ପଞ୍ଚାୟତ ସ୍ତରରେ କମିଟି ଗଠନ କରି କୋଭିଡ୍ ପରିଚାଳନା କରିବାର ଆବଶ୍ୟକ ରହିଛି ବୋଲି କହିଛନ୍ତି ବିଜେପି ରାଜ୍ୟ ସଭାପତି । ଅନ୍ୟପଟେ କରୋନା ଟେଷ୍ଟ ପରେ ଯେଉଁଭଳି ମୋବାଇଲ ଯୋଗେ ବି ଲୋକମାନେ ସେମାନଙ୍କ ରିପୋର୍ଟ ପାଇ ପାରିବେ ସେ ନେଇ ରାଜ୍ୟ ସରକାର ତୁରନ୍ତ ବ୍ୟବସ୍ଥା କରନ୍ତୁ ବୋଲି କହିଛନ୍ତି ସମୀର ମହାନ୍ତି ।

  • Tags:

Subscribe

National International State Sports Entertainment